NEWS
প্ৰকৃতিৰ তাণ্ডব লীলাই বিধ্বস্ত শিলচৰৰ এখন অঞ্চল ঘূৰ্ণীবতাহ আৰু বান পানীৰ ফলত বিধ্বস্ত শিলচৰ উপকণ্ঠ অঞ্চলৰ দেৱগ্ৰাম অঞ্চল। শিলচৰৰ গাতে লাগি থকা চিৰুকান্দি কালিবাৰী পথৰ বৃহত্তৰ দেৱগ্ৰাম এলেকা ইটোৰ পিছত সিটো প্ৰাকৃতিক দুৰ্যোগে তচনচ কৰি পেলাইছে। যেতিয়া গোটেই অঞ্চলটো বৰষুণৰ পানীয়ে জলমগ্ন হৈ পৰিল, তেতিয়া হঠাতে এটা প্ৰবল ধুমুহাই স্থানীয় ৰাইজৰ দৈনন্দিন জীৱনলৈ দুৰ্যোগ কঢ়িয়াই আনিলে। ঘূৰ্ণীবতাহে উটুৱাই লৈ যায় মানুহৰ ঘৰ। বৰষুণৰ বাবে অবিৰত বানপানীৰ পৰিস্থিতিৰ মাজতে গভীৰ নিশা হোৱা প্ৰচণ্ড ধুমুহাত বৃহত্তৰ দেৱগ্ৰামত বসবাস কৰা শতাধিক পৰিয়াল বিধ্বস্ত হৈ পৰিছে। জন জীৱনত ব্যাহত হৈ পৰাৰ উপৰিও দৈনন্দিন কাম-কাজতো ব্যাঘাত জন্মিছে। এনে অৱস্থাত এই অঞ্চলৰ ৰাইজ গৃহহীন হৈ পৰিছে। বৰ্তমান শিলচৰ উপকণ্ঠ অঞ্চলৰ এই বৃহৎ অঞ্চলটো ভয়ংকৰ পৰিস্থিতিলৈ পৰিণত হৈছে বিগত কেইবছৰমানৰ পৰা অঞ্চলটোৰ জনসাধাৰণে এনে পৰিস্থিতিৰ সন্মুখীন হোৱা নাই। ঘূৰ্ণীবতাহৰ প্ৰবল প্ৰভাৱৰ বাবে সমগ্ৰ দেৱগ্ৰাম অঞ্চলত বিদ্যুৎ বিচ্ছিন্ন হোৱাৰ লগতে বহু ঘৰ আৰু বিভিন্ন সামগ্ৰীও ক্ষতিগ্ৰস্ত হৈছে। ধুমুহাৰ পৰা ৰক্ষা পোৱা নাছিল পশু। প্ৰাকৃতিক দুৰ্যোগত দিশহাৰা হৈ পৰা অঞ্চলটোৰ ৰাইজে সকলো হেৰুৱাই বৰ্তমান অসহায় অৱস্থাত দিন পাৰ কৰিছে। অঞ্চলটোৰ ক্ষতিগ্ৰস্ত ৰাইজে বিষয়টো স্থানীয় প্ৰশাসন আৰু জনপ্ৰতিনিধিৰ দৃষ্টিগোচৰ কৰি চৰকাৰী সহায়ৰ বাবে অনুৰোধ জনাইছে। শিলচৰৰ উপকণ্ঠ অঞ্চলৰ চিৰুকান্দি কালিবাৰী পথৰ দেৱগ্ৰাম অঞ্চল নিষ্কাশন ব্যৱস্থাৰ অভাৱৰ বাবে এই বছৰ জমা হোৱা বৰষুণৰ পানীয়ে সমগ্ৰ অঞ্চলটো বুৰাই পেলাইছে, যাৰ বাবে বৰ্তমান গাঁওখনৰ ৰাইজ পানীৰ তলত আবদ্ধ হৈ দিশহাৰা হৈ পৰিছে। দেৱগ্ৰাম, কালিবাৰী ৰোড, চিৰুকান্দিত বৰ্তমান শ-শ পৰিয়াল গৃহহীন আৰু অভাৱত কটাবলগীয়া হৈছে। গাঁওখনৰ প্ৰায়বোৰ ঘৰ পানীৰ তলত থকা বাবে তেওঁলোকৰ দৈনন্দিন কাম-কাজতো ব্যাহত হৈছে। বিদ্যালয়ৰ ছাত্ৰ-ছাত্ৰীকে ধৰি বিভিন্ন ৰোগত আক্ৰান্ত লোকৰ বাবে নাও হৈ পৰিছে একমাত্ৰ যাতায়তৰ মাধ্যম। কিন্তু এইবাৰ গাঁওখনৰ বহু ঘৰ নিৰ্মাণৰ লগতে বিভিন্ন স্থানত পুঁতি পেলোৱাৰ বাবে পানী নিষ্কাশন ব্যৱস্থা বন্ধ হৈ পৰিছে। সমগ্ৰ বানাক্ৰান্ত অঞ্চলটোৰ ক্ষতিগ্ৰস্ত ৰাইজে জনপ্ৰতিনিধিৰ ভূমিকাক লৈ ক্ষোভ প্ৰকাশ কৰাৰ লগতে আগন্তুক লোকসভা নিৰ্বাচনত নিৰ্বাচন বৰ্জন কৰাৰ হুংকাৰ প্ৰদান কৰি ৰাজ্যৰ মুখ্যমন্ত্ৰী ড° হিমন্ত বিশ্বশৰ্মাৰ হস্তক্ষেপ বিচাৰিছে। None
What’s New
Spotlight
Advertisement
Featured News
Latest From This Week
Popular News
