NEWS
সমগ্ৰ দেশতে এতিয়া প্ৰচণ্ড শীত পৰিছে। একে সময়তে পাহাৰীয়া ৰাজ্যসমূহত প্ৰচণ্ড বৰফ পৰিছে। দেশৰ বিভিন্ন প্ৰান্তৰ পৰা পৰ্যটকসকলে উত্তৰাখণ্ড, হিমাচল, জম্মু-কাশ্মীৰ, অৰুণাচল প্ৰদেশকে ধৰি বহু পাহাৰীয়া ৰাজ্যত তুষাৰপাত উপভোগ কৰিবলৈ ভ্ৰমণ কৰিছে। ইয়াৰ মাজতে অৰুণাচল প্ৰদেশৰ এটা ভিডিঅ’ এতিয়া ছ’চিয়েল মিডিয়াত ভাইৰেল হৈ পৰিছে। কেন্দ্ৰীয় মন্ত্ৰী কিৰেন ৰিজিজুৱেও নিজৰ ছ’চিয়েল মিডিয়া প্লেটফৰ্মত এই ভিডিঅ’টো শ্বেয়াৰ কৰিছে। এই ভিডিঅ’টোত পৰ্যটকক পানীত ডুব যোৱা দেখা গৈছে, যিসকল স্থানীয় ৰাইজৰ তৎপৰতাত ভয়ানক বিপদৰ পৰা ৰক্ষা পৰিছে। অৰুণাচল প্ৰদেশৰ ছেলা পাছলৈ একাংশ পৰ্যটক ভ্ৰমণ কৰিবলৈ গৈছিল। পৰ্যটকসকলে ছেলা পাছৰ প্ৰাকৃতিক সৌন্দৰ্য উপভোগ কৰি ছেলা হ্ৰদলৈ গৈছিল। এই সময়ছোৱাত তেওঁ বৰফৰ হ্ৰদত ঘূৰি ফুৰোটেই হঠাতে বিলখনৰ বৰফ ভাঙি ৪জন মানুহ তাত আবদ্ধ হৈ পৰে। বৰফৰ বিলখনত আবদ্ধ হৈ থকাসকলৰ ভিতৰত আছিল দুগৰাকী মহিলা আৰু দুজন পুৰুষ। পানীত আবদ্ধ হৈ থকা লোকসকলে সহায় বিচাৰি চিঞৰ-বাখৰ কৰে। সেই সময়তে স্থানীয় একাংশ লোকে সেই স্থানত উপস্থিত হৈ সকলোৰে প্ৰাণ ৰক্ষা কৰে। স্থানীয় ৰাইজে অতি সাৱধানে বাঁহ আৰু লাঠিৰ সহায়ত পৰ্যটকসকলক বৰফৰ হ্ৰদৰ পৰা তেঁওলোকক উলিয়াই আনিছিল। স্থানীয় লোক যদি সেই স্থানত উপস্থিত নহ’লহেঁতেন তেন্তে এটা বৃহৎ অঘটন হ’ল হয়। কিন্তু সহায় কৰিবলৈ অহা মানুহবোৰে কোনো পলম নকৰাকৈয়ে সকলোৰে প্ৰাণ ৰক্ষা কৰিলে। এগৰাকী পৰ্যটকে এই সমগ্ৰ ঘটনাৰ ভিডিঅ’ বনাইছিল, যিটো ছ’চিয়েল মিডিয়াত ভাইৰেল হৈ পৰিছে। ভাইৰেল ভিডিঅ’ত প্ৰাণ ৰক্ষাৰ বাবে স্থানীয় লোকক তীব্ৰ প্ৰশংসা কৰিছে দেশৰ সকলোৱে। কেন্দ্ৰীয় মন্ত্ৰী কিৰেন ৰিজিজুৱেও নিজৰ ছ’চিয়েল মিডিয়া একাউণ্টত এই ভিডিঅ’ ভাইৰেল কৰিছে। ভিডিঅ’টো শ্বেয়াৰ কৰাৰ সময়ত তেওঁ পৰ্যটকসকলক সাৱধানতা অৱলম্বন কৰিবলৈ পৰামৰ্শ আগবঢ়াইছে। তেওঁ মানুহক কেৱল অভিজ্ঞ লোকৰ সৈতেহে বৰফৰ হ্ৰদত খোজ কাঢ়িবলৈ কোৱাৰ লগতে পিছল বৰফৰ পথত সাৱধানে গাড়ী চলাবলৈ আৰু হিমস্খলনৰ পৰা সাৱধান হ’বলৈ পৰামৰ্শ দিয়ে। None
What’s New
Spotlight
Advertisement
Featured News
Latest From This Week
Popular News
