KANNADA
IRCTC DOWN : ಭಾರತೀಯ ರೈಲ್ವೆಯ ಆನ್‌ಲೈನ್ ಟಿಕೆಟ್ ಬುಕಿಂಗ್ ಪ್ಲಾಟ್‌ಫಾರ್ಮ್ IRCTCಯಿಂದ ಆನ್‌ಲೈನ್ ಟಿಕೆಟ್ ಬುಕಿಂಗ್, ರದ್ದತಿ, ತತ್ಕಾಲ್ ಟಿಕೆಟ್ ಬುಕಿಂಗ್ ಎಲ್ಲವನ್ನೂ ಮುಚ್ಚಲಾಗಿದೆ. IRCTC ವೆಬ್‌ಸೈಟ್ ಡೌನ್ ಆಗಿರುವುದರಿಂದ, ಸೋಮವಾರ ಟಿಕೆಟ್‌ಗಳ ಬುಕಿಂಗ್ ಮಾಡಲು ಸಾಧ್ಯವಾಗಲಿಲ್ಲ. ಅದರಲ್ಲೂ ತತ್ಕಾಲ್ ಟಿಕೆಟ್ ಬುಕ್ಕಿಂಗ್ ಗಾಗಿ ಕಾದು ಕುಳಿತಿದ್ದ ಪ್ರಯಾಣಿಕರು ಹೆಚ್ಚಿನ ಆತಂಕಕ್ಕೆ ಇಲಾಗಾಗುವ ಹಾಗೆ ಆಯಿತು. ಬುಕಿಂಗ್ ವಿಂಡೋ ತೆರೆದ ತಕ್ಷಣ, IRCTC ಸರ್ವರ್ ಡೌನ್ ಆಗಿದೆ. ಟಿಕೆಟ್ ಬುಕಿಂಗ್ ಬಂದ್ : ಈ ಬಗ್ಗೆ IRCTC ಯಾವುದೇ ವಿವರಗಳನ್ನು ಹಂಚಿಕೊಂಡಿಲ್ಲವಾದರೂ ಜನರು ಸಾಮಾಜಿಕ ಮಾಧ್ಯಮದಲ್ಲಿ ಈ ಬಗ್ಗೆ ದೂರು ನೀಡುತ್ತಿದ್ದಾರೆ. IRCTC ವೆಬ್‌ಸೈಟ್‌ಗೆ ಲಾಗ್ ಇನ್ ಆಗುವಾಗ ಡೌನ್‌ಟೈಮ್ ಸಂದೇಶ ಬರುತ್ತಿದೆ. ನಿರ್ವಹಣಾ ಕಾರ್ಯದ ಕಾರಣ ಮುಂದಿನ 1 ಗಂಟೆ ಇ-ಟಿಕೆಟಿಂಗ್ ಸೇವೆಯನ್ನು ಮುಚ್ಚಲಾಗುವುದು ಎಂದು ಸಂದೇಶದಲ್ಲಿ ಬರೆಯಲಾಗಿದೆ. ಟಿಕೆಟ್ ರದ್ದತಿ ಮತ್ತು TDR ಫೈಲಿಂಗ್‌ಗಾಗಿ, ಗ್ರಾಹಕ ಸೇವಾ ಸಂಖ್ಯೆಗೆ ಇಮೇಲ್ ಮಾಡಲು ಅಥವಾ ಕರೆ ಮಾಡಲು ಜನರನ್ನು ಕೇಳಲಾಗುತ್ತಿದೆ. ಸಾಮಾನ್ಯವಾಗಿ IRCTC ಸರ್ವರ್‌ನ ನಿರ್ವಹಣೆಯನ್ನು ರಾತ್ರಿಯಲ್ಲಿ ಮಾಡಲಾಗುತ್ತದೆ. ಆದರೆ, ತತ್ಕಾಲ್ ಟಿಕೆಟ್‌ಗಳ ಬುಕಿಂಗ್ ಸಮಯ 10 ಗಂಟೆಗೆ ಬಂದ ತಕ್ಷಣ, ಸಾಮಾಜಿಕ ಮಾಧ್ಯಮದಲ್ಲಿ ಜನರಿಂದ ದೂರುಗಳ ಮಹಾಪೂರವೇ ಹರಿದುಬರುತ್ತಿದೆ. ತತ್ಕಾಲ್ ಟಿಕೆಟ್ ಕಾಯ್ದಿರಿಸುವವರು ಸಾಕಷ್ಟು ತೊಂದರೆ ಎದುರಿಸುತ್ತಿದ್ದಾರೆ. ಸಾಮಾಜಿಕ ಜಾಲತಾಣಗಳಲ್ಲಿ ಜನರು ತಮ್ಮ ಅಸಮಾಧಾನವನ್ನು ವ್ಯಕ್ತಪಡಿಸುತ್ತಿದ್ದಾರೆ. IRCTC ಅನ್ನು ಟ್ಯಾಗ್ ಮಾಡುವ ಮೂಲಕ ಜನರು ಹಲವು ರೀತಿಯ ಪ್ರಶ್ನೆಗಳನ್ನು ಕೇಳುತ್ತಿದ್ದಾರೆ. ಇದನ್ನೂ ಓದಿ : 7 ಸಾವಿರದಷ್ಟು ಕುಸಿತ ಕಂಡ ಬಂಗಾರದ ಬೆಲೆ !ಈ ಮಟ್ಟದ ಇಳಿಕೆಯ ಹಿಂದಿನ ಗುಟ್ಟು ಇದೇ! ಸೈಬರ್ ಅಟ್ಯಾಕ್ ಎನ್ನುವ ಅನುಮಾನ : ಸೈಟ್ ಡೌನ್ ಆಗಿರುವಾಗ ಜನರು ಸೈಬರ್ ದಾಳಿಯ ಬಗ್ಗೆ ಮಾತನಾಡುತ್ತಿದ್ದಾರೆ. ಎಸಿ ತತ್ಕಾಲ್‌ಗೆ ಟಿಕೆಟ್ ಬುಕಿಂಗ್ 10 ಗಂಟೆಗೆ ನಡೆಯುತ್ತದೆ. ನಾನ್-ಎಸಿ ಬುಕಿಂಗ್ 11 ಗಂಟೆಯಿಂದ ಪ್ರಾರಂಭವಾಗುತ್ತದೆ. IRCTC ಸೇವೆಯು ಸ್ಥಗಿತಗೊಂಡಿರುವುದರಿಂದ, ಎರಡರ ಬುಕಿಂಗ್ ಸಾಧ್ಯವಿಲ್ಲ. ಜನರು IRCTC ಯಿಂದ ಉತ್ತರಕ್ಕಾಗಿ ಕಾಯುತ್ತಿದ್ದಾರೆ. ಇತ್ತೀಚಿನ ಅಪ್ಡೇಟ್ ಸುದ್ದಿಗಳನ್ನು ವೀಕ್ಷಿಸಲು ನಮ್ಮ Youtube Link - ಸಬ್ ಸ್ಕ್ರೈಬ್ಆಗಿರಿ. ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ, ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ... Android Link - Apple Link - ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter Link - Facebook Link - Youtube Link - Instagram Link - Sharechat Link - Threads Link- WhatsApp Channel- bit.ly/46lENGm ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ. None
What’s New
Spotlight
Advertisement
Featured News
Latest From This Week
Popular News
