Kamala Harris : अमेरिकेच्या अध्यक्षपदासाठी ५ नोव्हेंबर रोजी निवडणूक होणार आहे. या निवडणुकीत डेमोक्रॅटिक पक्षाकडून कमला हॅरिस आणि रिपब्लिकन पक्षाकडून डोनाल्ड ट्रम्प यांच्यात ही लढत होणार आहे. या निवडणुकीमधून अमेरिकेचे विद्यमान अध्यक्ष जो बायडेन यांनी माघार घेतलेली आहे. दरम्यान, या निवडणुकीमुळे अमेरिकेच्या राजकारणातही डेमोक्रॅटिक पक्ष आणि रिपब्लिकन पक्षात आरोप-प्रत्यारोपाचं राजकारण सुरु असल्याचं पाहायला मिळत आहे. यातच डोनाल्ड ट्रम्प आणि कमला हॅरिस या दोन्ही उमेदवारांकडून मोठमोठी आश्वासने दिले जात आहेत. यातच डेमोक्रॅटिक पक्षाच्या उमेदवार कमला हॅरिस यांनी आता गांजा (marijuana) कायदेशीर करण्याच्या संदर्भात आश्वासन दिलं आहे. कमला हॅरिस यांनी या संदर्भात म्हटलं आहे की, जर त्या आमेरिकेची निवडणूक जिंकल्या तर गांजा कायदेशीर ठरवतील. तसेच कमला हॅरिस यांनी यासंदर्भातील एक पोस्ट एक्स या मायक्रोब्लॉगिंग प्लॅटफॉर्मवर शेअर केली आहे. या पोस्टच्या कॅप्शनमध्ये कमला हॅरिस यांनी म्हटलं आहे की, गांजा (marijuana) सेवन केल्याबद्दल कोणालाही तुरुंगात जाण्याची वेळ येऊ नये. गांजामुळे कुणालाही शिक्षा होता कामा नये.” दरम्यान, कमला हॅरिस यांनी गांजा कायदेशीर करण्याच्या बाजूने मवाळ भूमिका दाखवली आहे. तसेच गांजावरील फेडरल बंदी संपुष्टात आणण्याच्या दिशेने महत्त्वाचा निर्णय घेण्याच्या संदर्भात त्यांनी संकेतही दिले आहेत. No one should go to jail for smoking weed. pic.twitter.com/D932NCGmPP हेही वाचा : Surinder Choudhary: भाजपा प्रदेशाध्यक्षांचा पराभव केलेल्या नेत्याची जम्मू-काश्मीरच्या उपमुख्यमंत्रीपदी वर्णी; कोण आहेत सुरिंदर चौधरी? दरम्यान, मंगळवारी डेट्रॉईट, मिशिगन येथे अमेरिकन रेडिओ होस्ट चारलामाग्ने था गॉड यांनी आयोजित केलेल्या टाऊन हॉलमध्ये बोलत असताना कमला हॅरिस यांनी सत्ताधारी पक्षावर टीका केली. तसेच गांजाच्या पुनर्निर्धारण प्रक्रियेच्या संथ गतीबद्दल निराशा व्यक्त करत सरकारला दोष दिला. यावेळी कमला हॅरिस यांनी देशभरात मनोरंजक गांजाची कायदेशीर लागवड आणि वितरण सुनिश्चित करण्यासाठी योग्य पाऊल उचलण्याचे संकेत दिले आहेत. यासंदर्भातील वृत्त टाईम्स ऑफ इंडियाने दिलं आहे. दरम्यान, अमेरिकेत अध्यक्षपदाची निवडणूक अवघ्या काही आठवड्यांवर आली आहे. उमेदवार आणि मतदार दोघेही अंतिम टप्प्याच्या तयारीत व्यस्त आहेत. काही दिवसांपूर्वी फिलाडेल्फिया झालेल्या अध्यक्षीय चर्चेदरम्यान उपाध्यक्ष कमला हॅरिस आणि माजी राष्ट्राध्यक्ष डोनाल्ड ट्रम्प यांनी अनेक मुद्द्यांवर आपली मते मांडली. अनेक विषयांवर वेगवेगळी मते असल्याचंही तेव्हा पाहायला मिळालं. मात्र, आता कमला हॅरिस यांनी गांजा कायदेशीर करण्याच्या संदर्भात दिलेल्या आश्वासनामुळे चर्चा रंगली आहे. दरम्यान, गांजाच्या वापरावरील गेल्या अनेक वर्षांची फेडरल बंदीमध्ये बदल घडवून आणण्याच्या संभाव्य निर्णयासंदर्भात कमला हॅरिस यांनी मोठं आश्वासन दिलं आहे. None
Popular Tags:
Share This Post:
‘पाकिस्तान जिंदाबाद’ म्हणणाऱ्या आरोपीला न्यायालयाची अजब शिक्षा; “महिन्यातून दोनदा २१ वेळा…!”
October 17, 2024Video: “भारतावर आरोप केले, तेव्हा पुरावे नव्हते, फक्त…”, कॅनडाचे पंतप्रधान जस्टिन ट्रुडो यांची धक्कादायक कबुली!
October 17, 2024What’s New
Spotlight
Today’s Hot
-
- October 17, 2024
-
- October 16, 2024
-
- October 16, 2024
Featured News
Latest From This Week
India vs Canada Row: ‘कॅनडाचे आरोप गंभीर, भारतानं…’, अमेरिकेनं भारताला काय सांगितलं?
DESH-VIDESH
- by Sarkai Info
- October 16, 2024
“मशिदीत ‘जय श्रीराम’च्या घोषणा दिल्याने धार्मिक भावना दुखावत नाहीत”; कर्नाटक उच्च न्यायालयाची टिप्पणी!
DESH-VIDESH
- by Sarkai Info
- October 16, 2024
Subscribe To Our Newsletter
No spam, notifications only about new products, updates.