पुणे : भांडणे सोडविणाऱ्या सहायक पोलीस निरीक्षकावर सराइतांनी हल्ला केल्याची धक्कादायक घटना हडपसर भागात घडली. सराइतांनी सहायक निरीक्षकाला कोयता फेकून मारल्याने डोक्याला गंभीर दुखापत झाली. या घटनेत सहायक पोलीस निरीक्षक रत्नदीप गायकवाड गंभीर जखमी झाले असून, त्यांच्यावर रुग्णालयात उपचार सुरू आहेत. निहालसिंग मन्नूसिंग टाक (वय १८, रा. तुळजाभवानी वसाहत, हडपसर), राहूलसिंग उर्फ राहुल्या रवींद्रसिंग भोंड (वय १९, रा. हडपसर) अशी गुन्हा दाखल केलेल्यांची नावे आहेत. आरोपींनी केलेल्या हल्ल्यात सहायक निरीक्षक रत्नदीप गायकवाड जखमी झाले असून, त्यांच्यावर रुग्णालयात उपचार सुरू असल्याची माहिती परिमंडळ पाचचे पोलीस उपायु्क्त आर. राजा यांनी दिली. हडपसर भागातील ससाणेनगर परिसरात रविवारी दुपारी चारच्या सुमारास दोन दुचाकीस्वारांमध्ये वाद सुरू होते. त्यावेळी एका दुचाकीस्वाराच्या बाजूने आरोपी निहालसिंग आणि राहुलसिंग भांडणे करत हाेते. आरोपींच्या हातात कोयता होता. त्यावेळी तेथून निघालेले सहायक पोलीस निरीक्षक रत्नदीप गायकवाड यांनी आरोपींना पाहिले. गायकवाड यांनी तेथे धाव घेतली. भांडणात मध्यस्थी करण्याचा प्रयत्न केला. आरोपी निहालसिंग टाक याच्या हातातील कोयता काढून घेण्यााचा प्रयत्न गायकवाड यांनी केला. हेही वाचा : मुंबई-पुणे रस्त्यावर भरधाव एसटी बसची मोटारीला धडक, भूमी अभिलेख विभागातील अधिकारी महिलेचा मृत्यू झटापटीत टाकने कोयता फेकून मारल्याने गायकवाड यांच्या कपाळाला गंभीर दुखापत झाली. आरोपी टाक आणि साथीदार भोंड पसार झाले. या घटनेची माहिती मिळताच पोलीस उपायुक्त राजा यांनी घटनास्थळी भेट दिली. पसार झालेल्या आरोपींचा शोध घेण्यात येत आहे. आरोपी भोंड आणि टाक यांच्याविरुद्ध खुनाचा प्रयत्न, घरफोडी, चोरी, दंगा करणे असे गंभीर स्वरुपाचे गुन्हे दाखल आहेत. हेही वाचा : पुणे: दहीहंडीनिमित्त मध्यभागातील वाहतुकीत बदल शहरात किरकोळ वादातून पोलिसांवर हल्ले होण्याच्या घटना वाढीस लागली आहेत. हडपसर भागाातील हांडेवाडी भागात वाहतूक नियमन करणाऱ्या वाहतूक पोलिसाला मोटारचालकाने शिवीगाळ करुन पोटात लाथ मारल्याची घटना घडली होती. वाहतूक नियमन करताना होणाऱ्या वादातून पोलिसांना धक्काबुक्की करण्याच्या घटना वाढीस लागल्या आहेत. None
Popular Tags:
Share This Post:
आता ‘प्रकाशझोत’ कारवाईवर; दहीहंडी उत्सवानिमित्त चोख पोलीस बंदोबस्त
- by Sarkai Info
- August 27, 2024
What’s New
Spotlight
Today’s Hot
-
- August 26, 2024
-
- August 26, 2024
-
- August 26, 2024
सोयाबीननंतर मूगही कवडीमोल, राज्यातील बाजार समित्यांमध्ये किती दर ?
- By Sarkai Info
- August 26, 2024
Featured News
Latest From This Week
पिस्तुलाच्या धाकाने तरुणाची लूट, येरवडा पोलिसांकडून तिघे अटकेत
PUNE
- by Sarkai Info
- August 26, 2024
प्रदूषण नियंत्रण मंडळाच्या अध्यक्षांची भेट, तपासणी की छापा?
PUNE
- by Sarkai Info
- August 26, 2024
Subscribe To Our Newsletter
No spam, notifications only about new products, updates.