NEWS
ਪਹਿਲੇ ਵਨਡੇਅ 'ਚ ਭਾਰਤ ਦੀ ਮਹਿਲਾ ਟੀਮ ਨੇ ਵੈਸਟਇੰਡੀਜ਼ ਨੂੰ 211 ਦੌੜਾਂ ਨਾਲ ਹਰਾਇਆ, 3 ਮੈਚਾਂ ਦੀ ਸੀਰੀਜ਼ 'ਚ 1-0 ਨਾਲ ਅੱਗੇ ਭਾਰਤ ਨੇ ਮਹਿਲਾ ਕ੍ਰਿਕਟ ਵਨਡੇਅ ਸੀਰੀਜ਼ ‘ਚ ਸ਼ਾਨਦਾਰ ਸ਼ੁਰੂਆਤ ਕੀਤੀ ਹੈ, ਵਡੋਦਰਾ ‘ਚ ਖੇਡੇ ਗਏ ਪਹਿਲੇ ਵਨਡੇਅ ‘ਚ ਭਾਰਤ ਨੇ ਵੈਸਟਇੰਡੀਜ਼ ਨੂੰ 211 ਦੌੜਾਂ ਨਾਲ ਹਰਾ ਦਿੱਤਾ ਹੈ। ਵਨਡੇਅ ‘ਚ ਵੈਸਟਇੰਡੀਜ਼ ਖਿਲਾਫ ਭਾਰਤੀ ਟੀਮ ਦੀ ਇਹ ਸਭ ਤੋਂ ਵੱਡੀ ਜਿੱਤ ਹੈ। ਜਦੋਂ ਕਿ ਕੁੱਲ ਮਿਲਾ ਕੇ 50 ਓਵਰਾਂ ਦੇ ਕ੍ਰਿਕਟ ਵਿੱਚ ਇਹ ਦੂਜੀ ਸਭ ਤੋਂ ਵੱਡੀ ਜਿੱਤ ਹੈ। ਟੀਮ ਇੰਡੀਆ ਦੀ ਇਸ ਜਿੱਤ ‘ਚ ਤਜ਼ਰਬੇਕਾਰ ਸਲਾਮੀ ਬੱਲੇਬਾਜ਼ ਸਮ੍ਰਿਤੀ ਮੰਧਾਨਾ ਦਾ ਬੱਲੇਬਾਜ਼ੀ ‘ਚ ਅਹਿਮ ਯੋਗਦਾਨ ਰਿਹਾ, ਜਦਕਿ ਤੇਜ਼ ਗੇਂਦਬਾਜ਼ ਰੇਣੂਕਾ ਠਾਕੁਰ ਨੇ ਗੇਂਦਬਾਜ਼ੀ ‘ਚ ਕਮਾਲ ਕੀਤਾ। ਮੰਧਾਨਾ ਨੇ 91 ਦੌੜਾਂ ਦੀ ਪਾਰੀ ਖੇਡੀ ਜਦਕਿ ਰੇਣੁਕਾ ਨੇ 5 ਵਿਕਟਾਂ ਲੈ ਕੇ ਵੈਸਟਇੰਡੀਜ਼ ਦੀ ਕਮਰ ਤੋੜ ਦਿੱਤੀ। ਭਾਰਤੀ ਟੀਮ 3 ਮੈਚਾਂ ਦੀ ਸੀਰੀਜ਼ ‘ਚ 1-0 ਨਾਲ ਅੱਗੇ ਹੋ ਗਈ ਹੈ। ਭਾਰਤ ਨੇ 9 ਵਿਕਟਾਂ ‘ਤੇ 314 ਦੌੜਾਂ ਬਣਾਉਣ ਤੋਂ ਬਾਅਦ ਵੈਸਟਇੰਡੀਜ਼ ਨੂੰ 26.2 ਓਵਰਾਂ ‘ਚ 103 ਦੌੜਾਂ ‘ਤੇ ਆਊਟ ਕਰ ਦਿੱਤਾ ਅਤੇ ਇਸ ਟੀਮ ਖਿਲਾਫ ਵਨਡੇਅ ‘ਚ ਦੌੜਾਂ ਦੇ ਰਿਕਾਰਡ ਫਰਕ ਨਾਲ ਜਿੱਤ ਦਰਜ ਕੀਤੀ। ਭਾਰਤ ਲਈ ਰੇਣੁਕਾ ਠਾਕੁਰ ਨੇ 10 ਓਵਰਾਂ ‘ਚ 29 ਦੌੜਾਂ ਦੇ ਕੇ 5 ਵਿਕਟਾਂ ਲਈਆਂ। ਵੈਸਟਇੰਡੀਜ਼ ਲਈ ਐਫੀ ਫਲੈਚਰ ਨੇ ਨਾਬਾਦ 24 ਅਤੇ ਸ਼ੀਮਨ ਕੈਂਪਬੈਲ ਨੇ 21 ਦੌੜਾਂ ਦਾ ਯੋਗਦਾਨ ਪਾਇਆ। ਜਦਕਿ ਪ੍ਰਿਆ ਮਿਸ਼ਰਾ ਨੂੰ ਦੋ ਸਫ਼ਲਤਾ ਮਿਲੀ। ਟਿਟਾਸ ਸਾਧੂ ਅਤੇ ਦੀਪਤੀ ਸ਼ਰਮਾ ਨੇ ਇੱਕ-ਇੱਕ ਵਿਕਟ ਲਈ। ਵੈਸਟਇੰਡੀਜ਼ ਨੇ ਨੌਵੇਂ ਸਥਾਨ ‘ਤੇ ਬੱਲੇਬਾਜ਼ੀ ਕਰਨ ਆਈ ਐਫੀ ਫਲੇਚਰ ਦੇ ਯੋਗਦਾਨ ਨਾਲ ਅਜੇਤੂ 24 ਦੌੜਾਂ ਬਣਾ ਕੇ ਸੈਂਕੜਾ ਪੂਰਾ ਕੀਤਾ। ਉਸ ਤੋਂ ਇਲਾਵਾ ਸਿਰਫ਼ ਸ਼ੈਮਨ ਕੈਂਪਬੈਲ (21) ਹੀ ਟੀਮ ਲਈ 20 ਦੌੜਾਂ ਦਾ ਅੰਕੜਾ ਪਾਰ ਕਰ ਸਕੇ। ਭਾਰਤ ਨੇ ਮੰਧਾਨਾ ਦੀਆਂ 91 ਦੌੜਾਂ ਦੇ ਦਮ ‘ਤੇ 314 ਦੌੜਾਂ ਬਣਾਈਆਂ ਇਸ ਤੋਂ ਪਹਿਲਾਂ ਸਲਾਮੀ ਬੱਲੇਬਾਜ਼ ਸਮ੍ਰਿਤੀ ਮੰਧਾਨਾ ਦੀਆਂ 91 ਦੌੜਾਂ ਦੀ ਪਾਰੀ ਨਾਲ ਭਾਰਤ ਨੇ ਪਹਿਲੇ ਵਨਡੇਅ ‘ਚ 9 ਵਿਕਟਾਂ ‘ਤੇ 314 ਦੌੜਾਂ ਦਾ ਵੱਡਾ ਸਕੋਰ ਖੜ੍ਹਾ ਕੀਤਾ। ਸ਼ਾਨਦਾਰ ਲੈਅ ‘ਚ ਚੱਲ ਰਹੀ ਮੰਧਾਨਾ ਨੇ (ਟੀ-20 ਅਤੇ ਵਨਡੇਅ) ‘ਚ ਲਗਾਤਾਰ ਪੰਜਵਾਂ ਅਰਧ ਸੈਂਕੜਾ ਲਗਾਇਆ ਹੈ। ਉਨ੍ਹਾਂ ਨੇ ਆਪਣੀ 102 ਗੇਂਦਾਂ ਦੀ ਪਾਰੀ ਵਿੱਚ 13 ਚੌਕੇ ਲਗਾ ਕੇ ਟੀਮ ਨੂੰ ਸ਼ਾਨਦਾਰ ਸ਼ੁਰੂਆਤ ਦਿੱਤੀ ਅਤੇ ਆਪਣਾ ਵਨਡੇਅ ਡੈਬਿਊ ਖੇਡ ਰਹੀ ਪ੍ਰਤੀਕਾ ਰਾਵਲ (69 ਵਿੱਚੋਂ 40 ਦੌੜਾਂ) ਦੇ ਨਾਲ 110 ਦੌੜਾਂ ਦੀ ਸਾਂਝੇਦਾਰੀ ਵਿੱਚ ਜ਼ਿਆਦਾਤਰ ਦੌੜਾਂ ਬਣਾਈਆਂ। ਮੰਧਾਨਾ ਦੀ ਸ਼ਾਨਦਾਰ ਪਾਰੀ ਤੋਂ ਬਾਅਦ ਹਰਲੀਨ ਦਿਓਲ (50 ਗੇਂਦਾਂ ਵਿੱਚ 44 ਦੌੜਾਂ), ਹਰਮਨਪ੍ਰੀਤ ਕੌਰ (23 ਗੇਂਦਾਂ ਵਿੱਚ 34 ਦੌੜਾਂ), ਰਿਚਾ ਘੋਸ਼ (12 ਗੇਂਦਾਂ ਵਿੱਚ 26 ਦੌੜਾਂ) ਅਤੇ ਜੇਮਿਮਾ ਰੌਡਰਿਗਜ਼ (19 ਗੇਂਦਾਂ ਵਿੱਚ 31 ਦੌੜਾਂ) ਨੇ ਤੇਜ਼ੀ ਨਾਲ ਪਾਰੀ ਖੇਡੀ ਭਾਰਤੀ ਟੀਮ ਨੇ 300 ਦੌੜਾਂ ਦਾ ਅੰਕੜਾ ਪਾਰ ਕੀਤਾ। ਡੈਬਿਊ ਮੈਚ ਵਿੱਚ ਪ੍ਰਤੀਕਾ ਦਾ ਦਬਦਬਾ ਹਮਲਾਵਰ ਬੱਲੇਬਾਜ਼ ਸ਼ੈਫਾਲੀ ਵਰਮਾ ਨੂੰ ਭਾਰਤੀ ਟੀਮ ਤੋਂ ਬਾਹਰ ਕੀਤੇ ਜਾਣ ਤੋਂ ਬਾਅਦ ਭਾਰਤ ਨੇ ਮੰਧਾਨਾ ਨੂੰ ਸਲਾਮੀ ਬੱਲੇਬਾਜ਼ ਵਜੋਂ ਸਮਰਥਨ ਦੇਣ ਲਈ ਕਈ ਖਿਡਾਰੀਆਂ ਦੀ ਕੋਸ਼ਿਸ਼ ਕੀਤੀ। ਇਸ ਸਿਲਸਿਲੇ ‘ਚ ਐਤਵਾਰ ਨੂੰ ਦਿੱਲੀ ਦੀ ਖਿਡਾਰਨ ਪ੍ਰਤੀਕਾ ਨੂੰ ਮੌਕਾ ਮਿਲਿਆ। ਉਨ੍ਹਾਂ ਨੇ 57.97 ਦੀ ਸਟ੍ਰਾਈਕ ਰੇਟ ਨਾਲ ਬੱਲੇਬਾਜ਼ੀ ਕੀਤੀ। ਇਸ 24 ਸਾਲ ਦੇ ਖਿਡਾਰੀ ਨੂੰ ਵੀ 10ਵੇਂ ਓਵਰ ‘ਚ ਜੀਵਨਦਾਨ ਵੀ ਮਿਲਿਆ । ਉਹ ਉਸ ਸਮੇਂ ਤਿੰਨ ਦੌੜਾਂ ‘ਤੇ ਬੱਲੇਬਾਜ਼ੀ ਕਰ ਰਹੀ ਸੀ। ਉਨ੍ਹਾਂ ਨੇ ਆਪਣੀ ਪਾਰੀ ਦੇ ਸਾਰੇ ਚਾਰ ਚੌਕੇ ਲੈੱਗ ਸਾਈਡ ‘ਤੇ ਲਗਾਏ। ਜਿੱਥੇ ਪ੍ਰਤੀਕਾ ਤੇਜ਼ ਰਫਤਾਰ ਨਾਲ ਦੌੜਾਂ ਬਣਾਉਣ ਲਈ ਸੰਘਰਸ਼ ਕਰ ਰਹੀ ਸੀ, ਦੂਜੇ ਸਿਰੇ ਤੋਂ ਮੰਧਾਨਾ ਨੇ ਆਪਣੇ ਸ਼ਾਨਦਾਰ ਕਵਰ ਡਰਾਈਵ ਅਤੇ ਪੁੱਲ ਸ਼ਾਟ ਨਾਲ ਦਰਸ਼ਕਾਂ ਦਾ ਮਨੋਰੰਜਨ ਕੀਤਾ। ਹਰਮਨਪ੍ਰੀਤ ਦੇ ਕ੍ਰੀਜ਼ ‘ਤੇ ਆਉਣ ਤੋਂ ਬਾਅਦ ਭਾਰਤੀ ਪਾਰੀ ਨੇ ਫੜੀ ਰਫਤਾਰ ਕਪਤਾਨ ਹਰਮਨਪ੍ਰੀਤ ਕੌਰ ਦੇ ਕ੍ਰੀਜ਼ ‘ਤੇ ਆਉਣ ਤੋਂ ਬਾਅਦ ਭਾਰਤੀ ਪਾਰੀ ਨੇ ਰਫਤਾਰ ਫੜੀ। ਉਹ ਤਿੰਨ ਚੌਕੇ ਅਤੇ ਇੱਕ ਛੱਕਾ ਲਗਾ ਕੇ ਤੇਜ਼ੀ ਨਾਲ ਦੌੜਾਂ ਬਣਾ ਰਹੀ ਸੀ ਪਰ ਰਿਚਾ ਦੀ ਗਲਤੀ ਕਾਰਨ ਉਹ ਰਨ ਆਊਟ ਹੋ ਗਈ। ਰਿਚਾ ਅਤੇ ਜੇਮਿਮਾ ਨੇ ਤੇਜ਼ੀ ਨਾਲ ਦੌੜਾਂ ਬਣਾਈਆਂ। ਜੇਮਿਮਾ ਨੇ ਤਿੰਨ ਚੌਕੇ ਅਤੇ ਇੱਕ ਛੱਕਾ ਜੜਿਆ ਜਦਕਿ ਰਿਚਾ ਨੇ ਚਾਰ ਚੌਕੇ ਅਤੇ ਇੱਕ ਛੱਕਾ ਜੜ ਕੇ ਆਪਣਾ ਹਮਲਾਵਰ ਰਵੱਈਆ ਦਿਖਾਇਆ। ਇਸ ਲੈਫਟ ਆਰਮ ਸਪਿਨਰ ਨੇ ਅੱਠ ਓਵਰਾਂ ਵਿੱਚ 45 ਦੌੜਾਂ ਦੇ ਕੇ ਪੰਜ ਵਿਕਟਾਂ ਲਈਆਂ। ਭਾਰਤੀ ਟੀਮ ਆਖਰੀ ਓਵਰਾਂ ‘ਚ ਵਾਰ-ਵਾਰ ਵਿਕਟਾਂ ਗੁਆਉਣ ਕਾਰਨ ਤੇਜ਼ੀ ਨਾਲ ਦੌੜਾਂ ਨਹੀਂ ਬਣਾ ਸਕੀ। ਟੀਮ ਨੇ ਆਖਰੀ ਤਿੰਨ ਓਵਰਾਂ ਵਿੱਚ ਸਿਰਫ਼ 20 ਦੌੜਾਂ ਬਣਾਈਆਂ ਅਤੇ ਚਾਰ ਵਿਕਟਾਂ ਗੁਆ ਦਿੱਤੀਆਂ, ਜਿਸ ਵਿੱਚੋਂ 3 ਵਿਕਟਾਂ ਜੇਮਸ ਦੇ ਨਾਂ ਰਹੀਆਂ। None
What’s New
Spotlight
Advertisement
Featured News
Latest From This Week
Popular News
