SPORTS
Follow Us രവീന്ദ്ര ജഡേജ ബോർഡർ-ഗാവസ്കർ ട്രോഫി ക്രിക്കറ്റ് പരമ്പരയിലെ ബോക്സിങ് ഡേ ടെസ്റ്റിന് മുന്നോടിയായി ഇന്ത്യൻ താരം രവീന്ദ്ര ജഡേജ നടത്തിയ വാർത്താസമ്മേളനത്തെച്ചൊല്ലി വിവാദം പുകയുന്നു. ശനിയാഴ്ച മെൽബൺ ക്രിക്കറ്റ് ഗ്രൗണ്ടിൽ നടത്തിയ പത്രസമ്മേളനത്തിൽ ഓസ്ട്രേലിയൻ മാധ്യമം ഇംഗ്ലീഷിൽ ചോദിച്ച ചോദ്യങ്ങൾക്ക് ജഡേജ മറുപടിനൽകിയില്ലെന്നും താരം സംസാരിച്ചത് ഹിന്ദിയിലായിരുന്നെന്നുമാണ് ആരോപണം. ഹിന്ദിയിൽ കഴിഞ്ഞ ടെസ്റ്റിനെപ്പറ്റി സംസാരിച്ചശേഷം മറ്റു ചോദ്യങ്ങൾക്ക് മറുപടിനൽകാതെ ജഡേജ മടങ്ങിയെന്നുമാണ് വിമർശനം. അതേസമയം പരമ്പരയ്ക്കെത്തിയ ഇന്ത്യൻ മാധ്യമങ്ങൾക്കായാണ് ജഡേജ പത്രസമ്മേളനം നടത്തിയതെന്നും ഓസ്ട്രേലിയൻ മാധ്യമം ഇതിൽ പങ്കെടുക്കുകയായിരുന്നെന്നും സൂചനയുണ്ട്. വ്യാഴാഴ്ചയാണ് നാലാം ടെസ്റ്റ് മത്സരം ആരംഭിക്കുന്നത്. കഴിഞ്ഞ ദിവസം മെൽബൺ വിമാനത്താവളത്തിലെത്തിയ വിരാട് കോലി ഓസ്ട്രേലിയൻ ടിവി റിപ്പോർട്ടറോട് ദേഷ്യപ്പെട്ടതും വിവാദമായിരുന്നു.കുടുംബത്തോടൊപ്പം നടന്നുവരികയായിരുന്ന കോലിയുടെ ദൃശ്യങ്ങൾ മാധ്യമപ്രവർത്തക പകർത്തിയതാണ് ഇന്ത്യൻ താരത്തെ പ്രകോപിപ്പിച്ചത്. Stay updated with the latest news headlines and all the latest Lifestyle news. Download Indian Express Malayalam App - Android or iOS . None
What’s New
Spotlight
Advertisement
