NEWS
ਆ ਰਿਹਾ ਹੈ Samsung ਦਾ ਧਮਾਕੇਦਾਰ ਬਜਟ ਸਮਾਰਟਫੋਨ... ਲਾਂਚ ਤੋਂ ਪਹਿਲਾਂ ਲੀਕ ਹੋਏ ਫ਼ੀਚਰਜ਼ Samsung Galaxy A06 ਨੂੰ ਜਲਦ ਹੀ ਲਾਂਚ ਕੀਤਾ ਜਾ ਸਕਦਾ ਹੈ। ਇਸ ਤੋਂ ਪਹਿਲਾਂ ਕੰਪਨੀ ਨੇ Galaxy A05 ਨੂੰ ਲਾਂਚ ਕੀਤਾ ਸੀ, ਜਿਸ ਨੂੰ ਭਾਰਤ ‘ਚ ਪਿਛਲੇ ਸਾਲ ਨਵੰਬਰ 2023 ‘ਚ ਲਾਂਚ ਕੀਤਾ ਗਿਆ ਸੀ। ਹਾਲ ਹੀ ‘ਚ ਲੀਕ ਹੋਈ ਰਿਪੋਰਟ ‘ਚ ਆਉਣ ਵਾਲੇ ਫੋਨ ਦੇ ਕੁਝ ਫੀਚਰਸ ਦਾ ਖੁਲਾਸਾ ਹੋਇਆ ਹੈ। ਇੱਕ ਟਿਪਸਟਰ ਨੇ Galaxy A06 ਦੇ ਡਿਜ਼ਾਈਨ ਰੈਂਡਰ ਨੂੰ ਵੀ ਲੀਕ ਕੀਤਾ ਹੈ, ਜਿਸ ਵਿੱਚ ਫੋਨ ਦੇ ਫਰੰਟ ਅਤੇ ਰੀਅਰ ਡਿਜ਼ਾਈਨ ਨੂੰ ਦਿਖਾਇਆ ਗਿਆ ਹੈ। ਹੁਣ ਇਹ ਖੁਲਾਸਾ ਹੋਇਆ ਹੈ ਕਿ ਆਉਣ ਵਾਲੇ ਗਲੈਕਸੀ A06 ਨੂੰ ਤਿੰਨ ਵੱਖ-ਵੱਖ ਰੰਗਾਂ ਵਿੱਚ ਲਾਂਚ ਕੀਤਾ ਜਾ ਸਕਦਾ ਹੈ। X ਟਿਪਸਟਰ ਈਵਾਨ ਬਲਾਸ (@evleaks) ਨੇ ਇੱਕ ਫੋਟੋ ਸ਼ੇਅਰ ਕੀਤੀ ਹੈ ਜਿਸ ਵਿੱਚ Samsung Galaxy A06 ਇੱਕ LED ਫਲੈਸ਼ ਯੂਨਿਟ ਦੇ ਨਾਲ ਇੱਕ ਵਰਟੀਕਲ ਅਲਾਈਂਡ ਰੀਅਰ ਕੈਮਰਾ ਸਿਸਟਮ ਨਾਲ ਦਿਖਾਈ ਦੇ ਰਿਹਾ ਹੈ। ਫੋਨ ਨੂੰ ਤਿੰਨ ਕਲਰ ਆਪਸ਼ਨ ਬਲੈਕ, ਗੋਲਡ ਅਤੇ ਸਿਲਵਰ ‘ਚ ਦੇਖਿਆ ਜਾ ਸਕਦਾ ਹੈ। ਇਸ ਤੋਂ ਇਲਾਵਾ Samsung Galaxy A06 ਨੂੰ ਫਰੰਟ ਕੈਮਰਾ ਸੈਂਸਰ ਅਤੇ ਵਾਟਰਡ੍ਰੌਪ ਨੌਚ ਦੇ ਨਾਲ ਫਲੈਟ ਡਿਸਪਲੇਅ ਨਾਲ ਦੇਖਿਆ ਗਿਆ ਹੈ। ਇਸ ਵਿੱਚ ਪਤਲੇ ਬੇਜ਼ਲ ਹਨ। ਫੋਨ ਦੇ ਸੱਜੇ ਪਾਸੇ ਇੱਕ ਆਈਲੈਂਡ ਬੰਪ ਦਿਖਾਈ ਦੇ ਰਿਹਾ ਹੈ ਅਤੇ ਵਾਲੀਅਮ ਰੌਕਰ ਅਤੇ ਪਾਵਰ ਬਟਨ ਵੀ ਦੇਖਿਆ ਜਾ ਸਕਦਾ ਹੈ। Samsung Galaxy A06 ਦੇ 6.7-ਇੰਚ ਦੀ LCD ਸਕਰੀਨ ਅਤੇ Android 14 ‘ਤੇ ਆਧਾਰਿਤ UI ਨਾਲ ਆਉਣ ਦੀ ਉਮੀਦ ਹੈ। ਇਹ ਫੋਨ MediaTek Helio G85 SoC ਦੇ ਨਾਲ ਲਾਂਚ ਕੀਤਾ ਜਾ ਸਕਦਾ ਹੈ ਜੋ 6GB ਰੈਮ ਨਾਲ ਪੇਅਰ ਕੀਤਾ ਗਿਆ ਹੈ। ਪਾਵਰ ਲਈ, ਫੋਨ ਨੂੰ 15W ਵਾਇਰਡ ਚਾਰਜਿੰਗ ਸਪੋਰਟ ਦੇ ਨਾਲ 5,000mAh ਦੀ ਬੈਟਰੀ ਦਿੱਤੀ ਜਾ ਸਕਦੀ ਹੈ। ਕਿੰਨੀ ਹੋ ਸਕਦੀ ਹੈ ਕੀਮਤ: ਫੋਨ ਦੀ ਕੀਮਤ ਦਾ ਵੀ ਅੰਦਾਜ਼ਾ ਲਗਾਇਆ ਜਾ ਸਕਦਾ ਹੈ। ਮੰਨਿਆ ਜਾ ਰਿਹਾ ਹੈ ਕਿ ਫੋਨ ਦੀ ਕੀਮਤ ਲਗਭਗ 200 ਯੂਰੋ (ਲਗਭਗ 18,200 ਰੁਪਏ) ਜਾਂ ਇਸ ਤੋਂ ਘੱਟ ਹੋਣ ਦੀ ਉਮੀਦ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਇਸ ਤੋਂ ਪਹਿਲਾਂ Samsung Galaxy A05 ਨੂੰ ਭਾਰਤ ‘ਚ 9,999 ਰੁਪਏ ਦੀ ਸ਼ੁਰੂਆਤੀ ਕੀਮਤ ‘ਤੇ ਉਪਲੱਬਧ ਕਰਵਾਇਆ ਗਿਆ ਸੀ। ਇਸ ਲਈ ਇਹ ਕਹਿਣਾ ਗਲਤ ਨਹੀਂ ਹੋਵੇਗਾ ਕਿ ਫੋਨ ਨੂੰ ਬਜਟ ਸੈਗਮੈਂਟ ‘ਚ ਹੀ ਲਾਂਚ ਕੀਤਾ ਜਾਵੇਗਾ। None
What’s New
Spotlight
Advertisement
Featured News
Latest From This Week
Popular News
