NEWS
BSNL ਯੂਜ਼ਰਾਂ ਲਈ ਖੁਸ਼ਖਬਰੀ !...BSNL ਨੇ ਵਧਿਆ ਨੈੱਟਵਰਕ ਲਈ ਲਗਾਏ 15,000 ਟਾਵਰ ਭਾਰਤ ਸੰਚਾਰ ਨਿਗਮ ਲਿਮਟਿਡ (BSNL) ਦੀ ਸਰਵਿਸ ਦੀ ਵਰਤੋਂ ਕਰਨ ਵਾਲਿਆਂ ਦੇ ਦਿਨ ਜਲਦੀ ਹੀ ਬਦਲ ਸਕਦੇ ਹਨ। ਅਜੇ ਤੱਕ ਨੈੱਟਵਰਕ ਕਮਜ਼ੋਰ ਹੋਣ ਦੀ ਸ਼ਿਕਾਇਤ ਝੱਲ ਰਹੀ ਕੰਪਨੀ ਨੇ ਇਸ ਨਿਦਾਨ ਕਰਨਾ ਸ਼ੁਰੂ ਕਰ ਦਿੱਤਾ ਹੈ। ਇਸਦੇ ਲਈ BSNL ਨੇ ਹਿਮਾਚਲ ਪ੍ਰਦੇਸ਼ ਅਤੇ ਉੱਤਰ ਪ੍ਰਦੇਸ਼ ਪੱਛਮੀ ਸਰਕਲਾਂ ਵਿੱਚ 15,000 ਨੈੱਟਵਰਕ ਟਾਵਰ ਸਥਾਪਤ ਕਰ ਦਿੱਤੇ ਹਨ। ਆਉਣ ਵਾਲੇ ਦਿਨਾਂ ਵਿੱਚ 80,000 ਹੋਰ ਟਾਵਰ ਸਥਾਪਤ ਕੀਤੇ ਜਾਣਗੇ। ਇਸ ਤੋਂ ਇਲਾਵਾ, ਕੰਪਨੀ ਨੇ ਇੱਕ ਨਵਾਂ 4G ਅਤੇ 5G-ਰੇਡੀ ਓਵਰ-ਦੀ-ਏਅਰ (OTA) ਅਤੇ ਯੂਨੀਵਰਸਲ ਸਿਮ (USIM) ਪਲੇਟਫਾਰਮ ਲਾਂਚ ਕੀਤਾ ਹੈ। ਇਸ ਦਾ ਉਦੇਸ਼ ਸਰਕਾਰ ਦੀ “ਆਤਮਨਿਰਭਰ ਭਾਰਤ” ਪਹਿਲਕਦਮੀ ਦੇ ਤਹਿਤ BSNL ਦੀਆਂ ਸੇਵਾਵਾਂ ਦੀ ਗੁਣਵੱਤਾ ਅਤੇ ਕਨੈਕਟੀਵਿਟੀ ਵਿੱਚ ਸੁਧਾਰ ਕਰਨਾ ਹੈ। ਇਸ ਪਲੇਟਫਾਰਮ ਦੇ ਨਾਲ, ਉਪਭੋਗਤਾਵਾਂ ਨੂੰ ਬਿਨਾਂ ਕਿਸੇ ਖੇਤਰੀ ਪਾਬੰਦੀਆਂ ਦੇ ਆਪਣੇ ਸਿਮ ਕਾਰਡ ਬਦਲਣ ਦੀ ਸਹੂਲਤ ਮਿਲੇਗੀ। ਇਸ ਨਾਲ ਦੂਰਸੰਚਾਰ ਵਿਕਾਸ ਕੰਪਨੀ ਪਾਈਰੋ ਹੋਲਡਿੰਗਜ਼ ਦੇ ਨਾਲ ਮਿਲ ਕੇ ਤਿਆਰ ਕੀਤਾ ਗਿਆ ਹੈ। ਉਪਭੋਗਤਾਵਾਂ ਨੂੰ ਮਿਲ ਸਕੇਗੀ ਤੇਜ਼ ਨੈੱਟਵਰਕ ਸਪੀਡ ਅਤੇ ਬਿਹਤਰ ਕਵਰੇਜ BSNL ਦੇ ਇਸ 4ਜੀ ਅਤੇ 5ਜੀ-ਰੈਡੀ ਓਟੀਏ ਪਲੇਟਫਾਰਮ ਦਾ ਸ਼ੁੱਕਰਵਾਰ ਨੂੰ ਚੰਡੀਗੜ੍ਹ ਵਿੱਚ ਉਦਘਾਟਨ ਕੀਤਾ ਗਿਆ, ਅਤੇ ਤਮਿਲਨਾਡੂ ਦੇ ਤਿਰੂਚਿਰਾਪੱਲੀ ਵਿੱਚ ਇੱਕ ਡਿਜਾਸਟਰ ਰਿਕਵਰੀ ਸਾਈਟ ਸਥਾਪਤ ਕੀਤੀ ਗਈ। ਇਸ ਨਵੇਂ ਪਲੇਟਫਾਰਮ ਦਾ ਉਦੇਸ਼ BSNL ਦੀਆਂ ਦੂਰਸੰਚਾਰ ਸੇਵਾਵਾਂ ਅਤੇ ਨੈੱਟਵਰਕ ਸਮਰੱਥਾਵਾਂ ਨੂੰ ਬਿਹਤਰ ਬਣਾਉਣਾ ਹੈ, ਜਿਸ ਨਾਲ ਦੇਸ਼ ਭਰ ਦੇ ਉਪਭੋਗਤਾਵਾਂ ਨੂੰ ਤੇਜ਼ ਨੈੱਟਵਰਕ ਸਪੀਡ ਅਤੇ ਬਿਹਤਰ ਕਵਰੇਜ ਪ੍ਰਦਾਨ ਕਰੇਗਾ। ਇਸ ਤੋਂ ਇਲਾਵਾ ਇਹ ਪਲੇਟਫਾਰਮ ਨੰਬਰ ਪੋਰਟੇਬਿਲਟੀ ਅਤੇ ਸਿਮ ਬਦਲਣ ਦੀ ਪ੍ਰਕਿਰਿਆ ਨੂੰ ਵੀ ਆਸਾਨ ਬਣਾਉਂਦਾ ਹੈ। BSNL ਦੇ ਚੇਅਰਮੈਨ ਅਤੇ ਪ੍ਰਬੰਧ ਨਿਰਦੇਸ਼ਕ ਰਵੀ ਏ. ਰਾਬਰਟ ਜੇਰਾਰਡ ਨੇ ਕਿਹਾ ਕਿ ਇਹ ਪਲੇਟਫਾਰਮ ਉਨ੍ਹਾਂ ਗਾਹਕਾਂ ਲਈ ਬਹੁਤ ਲਾਭਦਾਇਕ ਹੋਵੇਗਾ ਜੋ ਬਿਨਾਂ ਕਿਸੇ ਖੇਤਰੀ ਰੁਕਾਵਟ ਦੇ ਆਪਣੇ ਸਿਮ ਨੂੰ ਬਦਲਣਾ ਚਾਹੁੰਦੇ ਹਨ। ਇਹ ਸਿਮ ਪ੍ਰੋਫਾਈਲ ਨੂੰ ਅਪਡੇਟ ਕਰਨ ਅਤੇ ਸਿਮ ਕਾਰਡ ਤੇ ਰਿਮੋਟ ਫਾਈਲ ਮੈਨੇਜਮੈਂਟ ਵਿੱਚ ਵੀ ਮਦਦ ਕਰੇਗਾ। ਕਦੋਂ ਮਿਲੇਗੀ 4G ਅਤੇ ਕਦੋਂ ਤੋਂ ਮਿਲੇਗੀ 5G ਸਰਵਿਸ ? ਇਹ ਪਲੇਟਫਾਰਮ ਭਾਰਤ ਵਿੱਚ 4ਜੀ ਅਤੇ 5ਜੀ ਦੋਵਾਂ ਨੈੱਟਵਰਕਾਂ ਨੂੰ ਸਪੋਰਟ ਕਰਦਾ ਹੈ। BSNL ਦਾ ਕਹਿਣਾ ਹੈ ਕਿ ਮਾਰਚ 2025 ਤੱਕ 4ਜੀ ਸੇਵਾਵਾਂ ਦਾ ਪੂਰੀ ਤਰ੍ਹਾਂ ਨਾਲ ਸ਼ੁਰੂ ਹੋ ਜਾਣਗੀਆਂ, ਅਤੇ ਇਸ ਤੋਂ 6 ਤੋਂ 8 ਮਹੀਨਿਆਂ ਬਾਅਦ 5ਜੀ ਸੇਵਾਵਾਂ ਵੀ ਸ਼ੁਰੂ ਕੀਤੀਆਂ ਜਾ ਸਕਦੀਆਂ ਹਨ। BSNL ਦਾ ਮੰਨਣਾ ਹੈ ਕਿ ਇਹ ਪਲੇਟਫਾਰਮ ਗ੍ਰਾਮੀਣ ਖੇਤਰਾਂ ਅਤੇ ਦੂਰ-ਦੁਰਾਡੇ ਦੇ ਇਲਾਕਿਆਂ ਵਿੱਚ ਡਿਜੀਟਲ ਡਿਵਾਈਡ ਨੂੰ ਘਟਾਉਣ ਵਿੱਚ ਮਦਦ ਕਰੇਗਾ ਅਤੇ “ਆਤਮਨਿਰਭਰ ਭਾਰਤ” ਪਹਿਲ ਨੂੰ ਵੀ ਮਜ਼ਬੂਤੀ ਦੇਵੇਗਾ। BSNL ਨੇ ਹਿਮਾਚਲ ਪ੍ਰਦੇਸ਼ ਅਤੇ ਉੱਤਰ ਪ੍ਰਦੇਸ਼ ਪੱਛਮੀ ਸਰਕਲਾਂ ਵਿੱਚ ਪਹਿਲਾਂ ਹੀ 15,000 ਨੈਟਵਰਕ ਟਾਵਰ ਸਥਾਪਿਤ ਕਰ ਦਿੱਤੇ ਹਨ ਅਤੇ ਇਸਦਾ ਉਦੇਸ਼ ਅਕਤੂਬਰ 2024 ਤੱਕ 80,000 ਹੋਰ ਟਾਵਰ ਜੋੜਨ ਦਾ ਹੈ। ਇਸ ਤੋਂ ਇਲਾਵਾ, BSNL ਦਾ ਕਲਾਉਡ-ਅਧਾਰਿਤ 4G ਕੋਰ ਨੈਟਵਰਕ ਵੀ ਭਵਿੱਖ ਵਿੱਚ 5G ਸੇਵਾਵਾਂ ਨੂੰ ਵੀ ਸਪੋਰਟ ਕਰ ਸਕੇਗਾ। None
What’s New
Spotlight
Advertisement
Featured News
Latest From This Week
Popular News
