NEWS
ਡਾਨ ਬ੍ਰੈਡਮੈਨ ਦਾ ਰਿਕਾਰਡ ਤੋੜਨ ਲਈ ਕਿੰਗ ਕੋਹਲੀ ਨੂੰ ਸਿਰਫ ਇੱਕ ਸੈਂਕੜੇ ਦੀ ਲੋੜ, ਨਿਸ਼ਾਨੇ 'ਤੇ ਰੂਟ-ਸਮਿਥ ਭਾਰਤੀ ਕ੍ਰਿਕਟਰ ਥੋੜ੍ਹੇ ਜਿਹੇ ਬ੍ਰੇਕ ਤੋਂ ਬਾਅਦ ਜਲਦੀ ਹੀ ਮੈਦਾਨ ‘ਤੇ ਵਾਪਸੀ ਕਰਨ ਜਾ ਰਹੇ ਹਨ। 5 ਸਤੰਬਰ ਤੋਂ ਦਲੀਪ ਟਰਾਫੀ ਤੋਂ ਘਰੇਲੂ ਕ੍ਰਿਕਟ ਦੀ ਸ਼ੁਰੂਆਤ ਹੋਵੇਗੀ। ਟੀਮ ਇੰਡੀਆ 19 ਸਤੰਬਰ ਤੋਂ ਮੈਦਾਨ ‘ਤੇ ਵਾਪਸੀ ਕਰੇਗੀ। ਇਸ ਦਿਨ ਭਾਰਤ ਅਤੇ ਬੰਗਲਾਦੇਸ਼ ਦੀਆਂ ਟੀਮਾਂ ਚੇਨਈ ਵਿੱਚ ਭਿੜਨਗੀਆਂ ਭਾਰਤ-ਬੰਗਲਾਦੇਸ਼ ਟੈਸਟ ਸੀਰੀਜ਼ ਦੌਰਾਨ ਕਈ ਰਿਕਾਰਡ ਵੀ ਬਣ ਸਕਦੇ ਹਨ। ਖਾਸ ਤੌਰ ‘ਤੇ ਵਿਰਾਟ ਕੋਹਲੀ ਅਤੇ ਰਵੀਚੰਦਰਨ ਅਸ਼ਵਿਨ ਦੇ ਨਿਸ਼ਾਨੇ ‘ਤੇ ਕਈ ਰਿਕਾਰਡ ਹੋਣਗੇ। ਵਿਰਾਟ ਕੋਹਲੀ ਅੱਠ ਮਹੀਨੇ ਬਾਅਦ ਟੈਸਟ ਖੇਡਣਗੇ। ਉਨ੍ਹਾਂ ਨੇ ਆਖਰੀ ਵਾਰ ਜਨਵਰੀ 2024 ‘ਚ ਟੈਸਟ ਮੈਚ ਖੇਡਿਆ ਸੀ। ਇਸ ਤੋਂ ਬਾਅਦ ਭਾਰਤ ਨੇ ਕਈ ਟੈਸਟ ਮੈਚ ਖੇਡੇ। ਵਿਰਾਟ ਕੋਹਲੀ ਇਸ ਦੌਰਾਨ ਨਿੱਜੀ ਕਾਰਨਾਂ ਕਰ ਕੇ ਟੀਮ ਤੋਂ ਦੂਰ ਰਹੇ। ਇਸ ਕਾਰਨ ਕ੍ਰਿਕਟ ਪ੍ਰਸ਼ੰਸਕਾਂ ਨੂੰ ਵਿਰਾਟ ਦੀ ਬੱਲੇਬਾਜ਼ੀ ਦੇਖਣ ਦਾ ਮੌਕਾ ਨਹੀਂ ਮਿਲਿਆ। ਇਸ ਕਮੀ ਨੂੰ ਬੰਗਲਾਦੇਸ਼ ਖਿਲਾਫ 19 ਸਤੰਬਰ ਤੋਂ ਸ਼ੁਰੂ ਹੋਣ ਵਾਲੇ ਟੈਸਟ ਮੈਚ ‘ਚ ਦੂਰ ਕੀਤਾ ਜਾਵੇਗਾ। ਵਿਰਾਟ ਕੋਹਲੀ ਦਾ ਭਾਰਤ ‘ਚ ਕਰੀਬ ਡੇਢ ਸਾਲ ਬਾਅਦ ਇਹ ਪਹਿਲਾ ਟੈਸਟ ਮੈਚ ਹੋਵੇਗਾ। ਉਨ੍ਹਾਂ ਨੇ ਭਾਰਤ ਵਿੱਚ ਆਪਣਾ ਆਖਰੀ ਟੈਸਟ ਮੈਚ ਮਾਰਚ 2023 ਵਿੱਚ ਆਸਟਰੇਲੀਆ ਵਿਰੁੱਧ ਖੇਡਿਆ ਸੀ। ਵਿਰਾਟ ਕੋਹਲੀ ਮੌਜੂਦਾ ਦੌਰ ‘ਚ ਨਾ ਸਿਰਫ ਭਾਰਤ ਦਾ ਸਗੋਂ ਦੁਨੀਆ ਦਾ ਸਭ ਤੋਂ ਵਧੀਆ ਬੱਲੇਬਾਜ਼ ਹਨ। ਉਨ੍ਹਾਂ ਨੇ ਹੁਣ ਤੱਕ 113 ਟੈਸਟ ਮੈਚ ਖੇਡੇ ਹਨ। ਕੋਹਲੀ ਨੇ ਇਨ੍ਹਾਂ ਮੈਚਾਂ ‘ਚ 49.15 ਦੀ ਔਸਤ ਨਾਲ 8848 ਦੌੜਾਂ ਬਣਾਈਆਂ ਹਨ, ਜਿਸ ‘ਚ 29 ਸੈਂਕੜੇ ਸ਼ਾਮਲ ਹਨ। ਕ੍ਰਿਕਟ ਦੇ ਇਤਿਹਾਸ ਦੇ ਮਹਾਨ ਬੱਲੇਬਾਜ਼ ਮੰਨੇ ਜਾਣ ਵਾਲੇ ਡੌਨ ਬ੍ਰੈਡਮੈਨ ਦੇ ਨਾਂ ਵੀ ਸਿਰਫ 29 ਸੈਂਕੜੇ ਹਨ। ਇਸ ਦਾ ਮਤਲਬ ਹੈ ਕਿ ਜੇਕਰ ਵਿਰਾਟ ਕੋਹਲੀ ਸੈਂਕੜਾ ਵੀ ਬਣਾ ਲੈਂਦੇ ਹਨ ਤਾਂ ਉਹ ਡੌਨ ਬ੍ਰੈਡਮੈਨ ਨੂੰ ਪਿੱਛੇ ਛੱਡ ਦੇਣਗੇ । ਮੌਜੂਦਾ ਕ੍ਰਿਕਟਰਾਂ ‘ਚ ਵਿਰਾਟ ਕੋਹਲੀ ਤੋਂ ਜ਼ਿਆਦਾ ਸੈਂਕੜੇ ਲਗਾਉਣ ਵਾਲੇ ਸਿਰਫ ਤਿੰਨ ਬੱਲੇਬਾਜ਼ ਹਨ। ਇਹ ਤਿੰਨ ਬੱਲੇਬਾਜ਼ ਹਨ ਜੋ ਰੂਟ, ਕੇਨ ਵਿਲੀਅਮਸਨ ਅਤੇ ਸਟੀਵ ਸਮਿਥ। ਇੰਗਲੈਂਡ ਦੇ ਜੋਅ ਰੂਟ, ਨਿਊਜ਼ੀਲੈਂਡ ਦੇ ਕੇਨ ਵਿਲੀਅਮਸਨ ਅਤੇ ਆਸਟ੍ਰੇਲੀਆ ਦੇ ਸਟੀਵ ਸਮਿਥ ਨੇ 32-32 ਟੈਸਟ ਸੈਂਕੜੇ ਲਗਾਏ ਹਨ। ਓਵਰਆਲ ਰਿਕਾਰਡ ਦੀ ਗੱਲ ਕਰੀਏ ਤਾਂ ਸਚਿਨ ਤੇਂਦੁਲਕਰ ਦੇ ਨਾਂ ਟੈਸਟ ਕ੍ਰਿਕਟ ‘ਚ ਸਭ ਤੋਂ ਜ਼ਿਆਦਾ ਸੈਂਕੜੇ ਹਨ। ਸਚਿਨ ਤੇਂਦੁਲਕਰ ਨੇ 51 ਟੈਸਟ ਸੈਂਕੜੇ ਲਗਾਏ ਹਨ। None
What’s New
Spotlight
Advertisement
Featured News
Latest From This Week
Popular News
