NAGPUR
नागपूर : शिवसेना नेते खासदार संजय राऊत यांच्या मुंबईतील घराची दोन जणांनी रेकी केली. त्या दोघानांही लवकरात लवकर अटक करण्यात यावी. तसेच संजय राऊत यांच्या सुरक्षेत आणि घराबाहेरील सुरक्षा वाढवण्यात यावी, अशी मागणी आदित्य ठाकरे यांनी मुख्यमंत्री देवेंद्र फडणवीस यांना भेटून केली. आपण दुसऱ्यांदा मुख्यमंत्र्यांना भेटलात याचे कारण काय, असे विधान भवन परिसरात पत्रकारांनी विचारला असता आदित्य ठाकरे म्हणाले, संजय राऊत यांच्या घराची रेकी करण्याकरिता दोन युवक दुचाकीने आले होते. ते कशासाठी आले होते. त्यांचा उद्देश काय होता, याची पोलिसांनी त्वरित तपास करून त्यांना अटक करण्याची गरज आहे. आम्ही या सत्रात वेगवेगळे विषय मांडून चर्चा करत असतो. एकमेकांवर टीकाटिप्पणी करत असतो. मात्र, कधी या टोकापर्यंत राजकरण पोहचले नव्हते. आज काही लोकांनी संजय राऊत यांच्या घराची रेकी केली. मागील काही दिवसात राज्यातील कायदा सुव्यवस्था बिघडली आहे. विविध घटना घडत आहेते. देवेंद्र फडणवीस मुख्यमंत्री असल्याने पुढील पाच वर्षांत अनेक भेटी होतील ही अपेक्षा आहे. सत्ताधारी आणि विरोधी एकत्र येऊन ज्या घटना घडत आहे यावर उपाययोजना व्हायला हव्यात. दोन्ही बाजू मिळून कार्य करतील तर सुसंस्कृत महाराष्ट्र निर्माण होईल.’ हेही वाचा : ‘एमपीएससी’चा ढीसाळपणा : निकालाच्या तीन महिन्यांपासून संपूर्ण प्रक्रिया रखडली… मागचे मुख्यमंत्री एकनाथ शिंदे हे घटनाबाह्य आणि कंत्राटी पद्धतीवरील मुख्यमंत्री होते, अशी टीका आदित्य ठाकरे यांनी केली. None
What’s New
Spotlight
Advertisement
Featured News
Latest From This Week
Popular News
