TRENDING
Maid Mixed urine in food viral video: आजकाल अनेकांच्या घरी मोलकरणीशिवाय कुणाचं पानही हलत नाही. सकाळच्या नाश्त्यापासून ते रात्रीच्या जेवणापर्यंत घरातलं सगळं कुटुंब त्या एका मोलकरणीवर अवलंबून असतं. आज जेवायला काय करू, असा प्रश्न मोलकरणीकडून नेहमीच विचारला जात असतो. पण, जर त्याच जेवणात ती असं काही मिसळत असेल; ज्यानं संपूर्ण कुटुंबाचा जीव धोक्यात आला तर… सध्या असाच गैरप्रकार उत्तर प्रदेशमध्ये घडला आहे. त्याचा व्हिडीओ सोशल मीडियावर व्हायरल होतोय. उत्तर प्रदेशातील गाझियाबादमधून एक धक्कादायक घटना समोर आली आहे. एका व्यावसायिकाच्या घरात आठ वर्षं जेवण बनवणाऱ्या एका मोलकरणीनं त्यांच्या जेवणात चक्क लघवी मिसळली. आपल्या कुटुंबातील सदस्य आजारी पडल्यानंतर संशयामुळे या व्यावसायिकानं नेमक काय घडतंय हे जाणून घेण्यासाठी स्वयंपाकघरात एक मोबाईल फोन लपवून ठेवला. मग त्या मोबाईलच्या कॅमेऱ्यानं जे धक्कादायक दृश्य टिपलं, ते पाहून त्या व्यावसायिकाच्या पायाखालची जमीनच सरकली. A post shared by Sunnobc | Jayrajsinh Zala (@sunnobc) मोबाईल फोनमध्ये रेकॉर्ड झालेल्या या व्हिडीओत ती मोलकरीण चक्क जेवणात लघवी मिसळताना दिसली. पुरावा मिळाल्यानंतर त्या व्यावसायिकाने पोलिसांत तक्रार दाखल करून, दोषी मोलकरणीवर कारवाई करण्याची विनंती केली. हेही वाचा… ट्रेनमधील स्टंट आला अंगाशी, VIDEO पाहून उडेल थरकाप; पाहा नेमकं काय झालं? रिपोर्टनुसार व्यावसायिकाचे कुटुंब अनेक दिवसांपासून यकृताच्या समस्येने (Liver Issue) त्रस्त होते. वैद्यकीय उपचार घेऊनही त्यांच्या प्रकृतीत सुधारणा होत नव्हती. त्यामुळेच व्यावसायिकाला संशय आला आणि त्याने स्वयंपाकघरात एक छुपा कॅमेरा सेट केला. तक्रारीनंतर या मोलकरणीला गाझियाबाद पोलिसांनी अटक केली. या दोषी महिलेचे नाव रीना असे आहे. हेही वाचा… “आमच्याकडे रॉकेट उडवून मिळतील”, काकांची दिवाळीआधीच जय्यत तयारी, VIDEO एकदा पाहाच हा व्हिडीओ @sunnobc या इन्स्टाग्राम अकाउंटवरून शेअर करण्यात आला आहे आणि अनेक सोशल मीडिया अकाउंट्सवरून व्हायरल होत आहे. “तीन महिन्यांपासून मोलकरीण जेवणात मूत्र मिसळत आहे. त्यामुळे संपूर्ण कुटुंबाला यकृताच्या समस्येला सामोरं जावं लागलं,” अशी कॅप्शन या व्हिडीओला देण्यात आली आहे. हेही वाचा… “नया है वह”, ट्रेनमधून उतरताना तरुणाबरोबर झालं असं काही की…, VIDEO पाहून डोक्यावर माराल हात व्हिडीओ व्हायरल झाल्यानंतर अनेकांना हा किळसवाणा प्रकार पाहून धक्काच बसला. अनेकांनी या व्हिडीओवर आपापल्या प्रतिक्रिया दिल्या आहेत. एका युजरने कमेंट करीत लिहिले, “असे लोक कुठून येतात? असे करण्याची नेमकी गरज काय होती?” दुसऱ्याने, “खूप घृणास्पद”, अशी कमेंट केली. None
What’s New
Spotlight
Advertisement
Featured News
Latest From This Week
Popular News
