TELUGU
Orange Juice Bumper Benefits Let's Now Here In Telugu: బత్తాయి పండ్ల రసం రోజు తాగడం వల్ల శరీరానికి బోలెడు లాభాలు కలుగుతాయి. ఇందులో విటమిన్ సి, ఫోలేట్, పొటాషియం, ఫాస్పరస్‌ అధిక పరిమాణాల్లో లభిస్తాయి. దీంతో పాటు ఈ రసంలో కార్బోహైడ్రేట్లు కూడా సమృద్ధిగా అందుబాటులో ఉంటాయి. కాబట్టి ప్రతి రోజు ఈ రసం తాగడం వల్ల రోగనిరోధక శక్తి పెరుగుతుంది. అలాగే శరీరాన్ని ఆరోగ్యవంతంగా చేసేందుకు కూడా సహాయపడతాయి. దీంతో పాటు ఇందులో వివిధ రకాల పోషకాలు కూడా ఉంటాయి. ఇవి బాడీని హైడ్రేట్‌గా చేసేందుకు కూడా కీలక పాత్ర పోషిస్తాయి. కాబట్టి ఈ రసం రోజు తాగితే దీర్ఘకాలిక వ్యాధులు కూడా దూరమవుతాయి. అయితే బత్తాయి పండ్ల రసం తాగితే కలిగే ఇతర ప్రయోజనాలేంటో ఇప్పుడు తెలుసుకోండి. బత్తాయి పండ్ల రసం తాగితే కలిగే లాభాలు: రోగనిరోధక శక్తి పెరుగుదల: బత్తాయి పండు రసంలో విటమిన్ సి పుష్కలంగా లభిస్తుంది. కాబట్టి ప్రతి రోజు ఈ రసం తాగడం వల్ల రోగనిరోధక శక్తి విపరీతంగా పెరుగుతుంది. అంతేకాకుండా ఈ రసం శరీరాన్ని వైరస్‌లు, బ్యాక్టీరియా నుంచి రక్షించడానికి కూడా ఎంతో సహాయపడుతుంది. దీంతో పాటు అనేక రకాల సీజనల్ వ్యాధులు కూడా దూరమవుతాయి. జీర్ణవ్యవస్థకు మేలు: బత్తాయి రసంలో ఫైబర్ కూడా ఎక్కువగా లభిస్తుంది. కాబట్టి రోజు దీనిని తాగడం వల్ల జీర్ణక్రియ కూడా మెరుగుపడుతుంది. దీంతో పాటు మలబద్ధకం నుంచి కూడా సులభంగా ఉపశమనం కలుగుతుంది. అలాగే ఆమ్లత్వంతో పాటు అజీర్తిని తగ్గించడానికి కూడా సహాయపడుతుంది. ఇవే కాకుండా పొట్టకు ఇతర లాభాలు కూడా కలుగుతాయి. చర్మం ఆరోగ్యానికి: బత్తాయి రసం తాగడం వల్ల శరీరానికి తగిన మోతాదులో యాంటీ ఆక్సిడెంట్లు కూడా లభిస్తాయి. దీని కారణంగా చర్మ సమస్యలు కూడా దూరమవుతాయి. అలాగే చర్మం కూడా మృదువుగా, ప్రకాశవంతంగా చేస్తుంది. దీంతో పాటు ఎండ వల్ల కలిగే చర్మ సమస్యలను కూడా సులభంగా తొలగిస్తుంది. గుండె ఆరోగ్యానికి: బత్తాయి పండు రసం రోజు తాగితే శరీరానికి తగిన మోతాదులో పొటాషియం కూడా లభిస్తుంది. ఇది రక్తపోటును నియంత్రించేందుకు సహాయపడుతుంది. అలాగే గుండెను కూడా దృఢంగా చేస్తుంది. హార్ట్‌ ఎటాక్‌ కూడా రాకుండా ఉంటాయి. బరువు తగ్గడానికి: బత్తాయి రసం ఉదయం, సాయంత్రం తాగితే బోలెడు లాభాలు కలుగుతాయి. ఇందులో ఉండే తక్కువ కేలరీలు శరీర బరువు తగ్గించేందుకు కీలక పాత్ర పోషిస్తుంది. దీంతో పాటు కొలెస్ట్రాల్‌ను కూడా నియంత్రణలో ఉంచుతుందని ఆరోగ్య నిపుణులు తెలుపుతున్నారు. Also Read: Huge King Cobra Video: వీడే అసలైన మగాడ్రా బామ్మర్ది.. 10 అడుగుల కింగ్ కోబ్రాను ఉత్తి చేతులతో పట్టుకున్నాడు.. వీడియో చూశారా? స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే తెలుగు న్యూస్ యాప్ డౌన్‌లోడ్ చేసుకోండి. ఆండ్రాయిడ్ లింక్ - ఆపిల్ లింక్ - Twitter, Facebook సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి. None
What’s New
Spotlight
Advertisement
Featured News
Latest From This Week
Popular News
