TAMIL
இந்தியாவின் மாபெரும் ஆன்மிக சங்கமான, 12 ஆண்டுகளுக்கு ஒரு முறை நடைபெறும் மகா கும்பமேளா, உத்தர பிரதேச மாநிலம் பிரயோக்ராஜில் கங்கா யமுனா சரஸ்வதி போன்ற மூன்று நதிகள் சங்கமிக்கும் இடமான திரிவேணி சங்கமத்தில் நடைபெறும். 2013 ஆம் ஆண்டுக்கு பின் 2025ம் ஆண்டு நடைபெற உள்ள மகா கும்பமேளா இந்திய தேசத்தின் மிகப்பெரிய ஆன்மிகம் நிகழ்வாகும். இதில் நாட்டின் பல பகுதிகளிலிருந்து பல லட்சம் மக்கள் பங்கேற்பார்கள் என எதிர்பார்க்கப்படுகிறது. கங்கா, யமுனா, சரஸ்வதி என மூன்று நதிகள் சங்கமிக்கும் இடமான பிரயாக்ராஜில் உள்ள திரிவேணி சங்கமத்தில் 2025 ஆம் ஆண்டு ஜனவரி 13ம் தேதி முதல் பிப்ரவரி 26ஆம் தேதி வரை 45 நாட்களாக மிக விமர்சையாக கொண்டாடப்படும். உத்தரபிரதேசத்தின் பிரயாக்ராஜ் நகரில் மட்டுமல்ல இந்தியாவின் நான்கு முக்கிய புனித யாத்திரை தலங்களில் கும்ப மேளா நடைபெறும் பாரம்பரியம் உள்ளது. 1. கங்கை, யமுனா ,சரஸ்வதி சங்கமம் பிரயாக்ராஜ் (உத்தர பிரதேசம்) 2. கங்கை நதி, ஹரித்வார் (உத்தரகாண்ட்) 3. சிப்ரா நதி, உஜ்ஜைன் (மத்திய பிரதேசம்) 4. கோதாவரி நதி நாசிக் (மகாராஷ்டிரா) கும்பமேளா நடைபெறும் இடத்தை தீர்மானிப்பதில் சூரியன், சந்திரன் மற்றும் குரு ஆகிய கிரகங்களின் நிலை முக்கிய பங்கு வகிக்கிறது. சூரியனும் சந்திரனும் மகர ராசியிலும், குரு ரிஷப ராசியிலும் இருக்கும் போது, பிரயாக்ராஜில் கும்பமேளா நடைபெறும். அதே நேரத்தில், சூரியன் மேஷத்திலும், குரு கும்பத்திலும் இருக்கும் போது, ஹரித்துவாரில் கும்பமேளா ஏற்பாடு செய்யப்படுகிறது. இதனுடன், சூரியன் சிம்ம ராசியிலும், குரு சிம்ம ராசியிலும் இருக்கும்போது, உஜ்ஜயினியில் கும்பமேளா நடைபெறுகிறது. இறுதியாக, சூரியன் சிம்ம ராசியிலும், குரு சிம்மம் அல்லது கடக ராசியிலும் இருக்கும்போது, கும்பமேளா நாசிக்கில் நடைபெறும். மேலும் படிக்க | குரு பெயர்ச்சி 2025... குபேர யோகத்தைப் பெறும் அதிர்ஷ்ட ராசிகள் இவை தான் மகா கும்பமேளா 12 ஆண்டுகளுக்கு ஒருமுறை நடத்தப்படுகிறது. கும்பமேளா 12 ஆண்டுகளுக்கு ஒருமுறை ஒவ்வொரு இடத்திலும் நடத்தப்படுகிறது. இது தவிர, ஹரித்வாரிலும் பிரயாக்ராஜிலும் 6 வருட இடைவெளியில் அர்த்த கும்பமேளா நடைபெறுகிறது. அமிர்தத்தை பெற பார்கடலை கடைந்த போது, அமிர்த கலசத்தில் இருந்து சில துளிகள் இந்த நான்கு இடங்களில் விழுந்ததாகவும், அதனால் இந்த இடங்கள் புனிதமானதாகவும் நம்பப்படுகிறது. மகா கும்பமேளா நிகழ்வு ஆன்மீகக் கண்ணோட்டத்தில் மட்டுமல்ல, இது இந்திய கலாச்சாரம், பாரம்பரியம் மற்றும் வரலாற்றை வளப்படுத்துகிறது. 12 வருட இடைவெளியில் கும்பமேளாவை ஏற்பாடு செய்ததற்கான காரணம் வானியல் கணக்கீடுகள் மற்றும் ஜோதிடத்துடன் தொடர்புடையது. அதன் முக்கிய அடிப்படை சூரியன், சந்திரன் மற்றும் வியாழன் கிரகத்தின் நிலை. குரு கிரகம் மேஷம் அல்லது சிம்மத்தில் நுழையும் போது உள்ள சூரியன் மற்றும் சந்திரனின் நிலை அபூர்வ யோகத்தை உருவாக்கும் நிலையில், கும்பமேளா ஏற்பாடு செய்யப்படுகிறது. குரு கிரகம் சூரியனைச் சுற்றி வர சுமார் 12 ஆண்டுகள் ஆகும். எனவே, ஒவ்வொரு 12 வருடங்களுக்கும் இந்த கிரகம் கும்பமேளா நடைபெறும் இடத்தை தீர்மானிப்பதில் சிறப்பான பங்களிப்பை அளிக்கிறது. இது தவிர, கிரகங்களின் நிலை மாற்றம் மற்றும் ராசி மாற்றம் காரணமாக, நதிகளும் 12 ஆண்டுகளுக்கு ஒருமுறை தங்களைத் தாங்களே புதுப்பித்துக்கொள்வதாகவும், அதன் காரணமாக அவற்றின் நீர் அமிர்தமாக மாறுவதாகவும் நம்பப்படுகிறது, எனவே கும்பமேளா கொண்டாடப்படுகிறது. வெவ்வேறு சுழற்சிகளில் 12 வருட இடைவெளி ஏற்பாடு செய்யப்பட்டுள்ளது. மேலும் படிக்க | மகா கும்பமேளா வரலாறு, முக்கியத்துவம், முக்கிய தேதிகள்..! சார்பில்லாத சமரசமில்லாத செய்திகள் உங்கள் உள்ளங்கைகளில்! உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.. முகநூல் - ட்விட்டர் - டெலிக்ராம் - வாட்ஸ்-அப் - அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!! Android Link: Apple Link: None
What’s New
Spotlight
Advertisement
Featured News
Latest From This Week
Popular News
