GUJARATI
અમદાવાદઃ પાટીદાર અનામત આંદોલનથી ચર્ચામાં આવેલા હાર્દિક પટેલ અત્યારે વિરમગામના ધારાસભ્ય છે. પહેલાં કોંગ્રેસ પાર્ટી સાથે પોતાની રાજકીય ઈનિંગની શરૂઆત કરનાર હાર્દિક પટેલ વર્ષ 2022ની વિધાનસભા ચૂંટણીમાં ભાજપમાં જોડાયા હતા. ત્યારબાદ ભાજપે હાર્દિક પટેલને વિરમગામથી ટિકિટ આપી અને ચૂંટણી લડાવી હતી. વિધાનસભા ચૂંટણીમાં જીત બાદ હાર્દિક પટેલ ધારાસભ્ય બની ગયા હતા. હવે ગુજરાતના પૂર્વ મુખ્યમંત્રી નીતિન પટેલે એક કાર્યક્રમમાં હાર્દિક પટેલ મંત્રી બને તેવી શુભેચ્છા આપી છે. વિરમગામના ધારાસભ્ય હાર્દિક પટેલ આજકાલ ચર્ચામાં આવી રહ્યા છે.પહેલા છાતી ઠોકીને વિરમગામને જિલ્લો બનાવવાની વાત કરી હતી જો કે હવે હાર્દિક પટેલે નીતિન પટેલની સામે ગુસ્તાખી કરતાં કહ્યું હતું કે 'વિરમગામ, માંડલ અને દેત્રોજના વિસ્તારને કડીને પણ ટક્કર મારે એવું બનાવીશું'. જો કે હાર્દિકના આ નિવેદન સામે નીતિન પટેલે કહ્યું કે સંચાલકે હાર્દિકભાઈને ખૂબ મોટું સ્ટેજ આપી દીધું, પહેલું સ્ટેજ મંત્રીનું આવે એટલે પહેલા મંત્રી બનો એવી મા ઉમિયાને પ્રાર્થના કરીએ. આ પણ વાંચોઃ 10 વર્ષ બાદ પાટીદાર અનામત આંદોલન મુદ્દે આરપાર, કરસન પટેલના નિવેદન બાદ શરૂ થયો વિવાદ હાર્દિકભાઈ મંત્રી બને એવી મા ઉમિયાને પ્રાર્થના: પૂર્વ નાયબ મુખ્યમંત્રી નીતિન પટેલ #Gujarat #Mehsana #News #BJP pic.twitter.com/X9azYcRN05 — 24 Kalak January 6, 2025 બંને એકમંચ પર જોવા મળ્યા કડી તાલુકાના વિડજ ગામ નજીક જે.કે પાર્ટી પ્લોટ ખાતે સ્નેહમિલન કાર્યક્રમનું આયોજન કરવામાં આવ્યું હતું. આ કાર્યક્રમમાં ગુજરાતના પૂર્વ નાયબ મુખ્યમંત્રી નીતિન પટેલ અને ધારાસભ્ય હાર્દિક પટેલ એક મંચ પર જોવા મળ્યા હતા. ત્યાં સંબોધન કરતા હાર્દિક પટેલે વિરમગામ, માંડલ અને દેત્રોજના વિકાસની વાત કરી હતી. ત્યારબાદ નીતિન પટેલે હાર્દિક પટેલને મંત્રી બનવાની શુભેચ્છા આપી હતી. સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારી WhatsApp channel સાથે None
What’s New
Spotlight
Advertisement
Featured News
Latest From This Week
Popular News
