ENTERTAINMENT
Follow Us മലയാളത്തിന്റെ പ്രിയ നടൻ മോഹൻലാൽ ആദ്യമായി സംവിധായകനാവുന്ന ബറോസ് 3D: ഗാർഡിയൻ ഓഫ് ട്രഷേഴ്സ് റിലീസിനൊരുങ്ങുകയാണ്. ചിത്രത്തിന് സംഗീതമൊരുക്കാൻ ഓസ്കാർ ജേതാവായ ഹാൻസ് സിമ്മറിനെയും താൻ സമീപിച്ചിരുന്നു എന്നാണ് അടുത്തിടെ മോഹൻലാൽ വെളിപ്പെടുത്തിയത്. “അസാധ്യമായ കാര്യങ്ങൾ ചെയ്യാൻ ഞാൻ ഇഷ്ടപ്പെടുന്നു,” അതിന്റെ ഭാഗമായാണ് ബറോസ് സംവിധാനം ചെയ്യാൻ തീരുമാനിച്ചതെന്നാണ് മോഹൻലാൽ പറയുന്നത്. ഗലാറ്റ പ്ലസിനോട് സംസാരിക്കുകയായിരുന്നു താരം. "കണ്ണട ആവശ്യമില്ലാത്ത ഒരു 3D ഫിലിം സംവിധാനം ചെയ്യാനാണ് ആദ്യം ആഗ്രഹം തേന്നിയത്, എന്നാൽ അങ്ങനെയൊരു ചിത്രം നിർമ്മിക്കുന്നതിനുള്ള ചെലവ് വളരെ കൂടുതലാണെന്നു മനസ്സിലായതോടെ ആ ആശയം മാറ്റിവച്ചു, എന്നാൽ അങ്ങനെയാണ് ബറോസ് നിർമ്മിക്കുക എന്ന ആശയം വന്നത്." ബറോസിൻ്റെ 3ഡി പതിപ്പ് തലവേദനയുണ്ടാക്കില്ലെന്നും മോഹൻലാൽ കൂട്ടിച്ചേർത്തു. “ഭാഗ്യവശാൽ, ഞങ്ങൾ ഒരു നല്ല ഉൽപ്പന്നവുമായാണ് എത്തിയിരിക്കുന്നത്. കുറച്ചുപേർ സിനിമ കണ്ടു, ഭാഗ്യവശാൽ, അവർക്ക് തലവേദനയുണ്ടായില്ല. 3ഡിയിൽ സിനിമ കാണുന്നത് തലവേദനയാകുമെന്നാണ് പൊതുവെ ആളുകൾ പറയുന്നത്. ബറോസിൻ്റെ കാര്യം അങ്ങനെയായിരിക്കില്ല. എല്ലാം സിനിമയ്ക്ക് അനുയോജ്യമായി സംഭവിക്കുകയായിരുന്നു." ബറോസിൻ്റെ സംഗീതം ഒരുക്കുന്നതിനായി താൻ ആദ്യം ഓസ്കാർ ജേതാവായ സംഗീതസംവിധായകൻ ഹാൻസ് സിമ്മറിനെ സമീപിച്ചിരുന്നുവെന്നും മോഹൻലാൽ വെളിപ്പെടുത്തി. “ഞാൻ ഹാൻസ് സിമ്മറിന് ഒരു കത്ത് എഴുതി, ഈ സിനിമ ചെയ്യാൻ കഴിയുമോ എന്ന് ചോദിച്ചു. തനിക്ക് അധികം സമയമില്ലെന്ന് അദ്ദേഹം മറുപടി നൽകി." സിമ്മറിൻ്റെ മ്യൂസിക്കൽ ടീം ബറോസിന്റെ സൗണ്ട്ട്രാക്കിന് സംഭാവന നൽകിയിട്ടുണ്ടെന്നും മോഹൻലാൽ കൂട്ടിച്ചേർത്തു. A post shared by Mohanlal (@mohanlal) കൂടുതൽ സിനിമകൾ സംവിധാനം ചെയ്യാൻ ഞാനില്ലെന്നും മോഹൻലാൽ പറയുന്നു. ബറോസിൻ്റെ പ്ലോട്ടും തിരക്കഥയും എഴുതിയത് ജിജോ പുന്നൂസാണ്, ഇത് ബറോസ്: ഗാർഡിയൻ ഓഫ് ഡി ഗാമയുടെ ട്രഷർ എന്ന നോവലിനെ അടിസ്ഥാനമാക്കിയുള്ളതാണ്. മായ, സീസർ ലോറൻ്റെ റാറ്റൺ, കല്ലിറോയ് സിയാഫെറ്റ, തുഹിൻ മേനോൻ, ഗുരു സോമസുന്ദരം എന്നിവരും ചിത്രത്തിൽ പ്രധാന വേഷങ്ങളിൽ എത്തുന്നു. ആൻ്റണി പെരുമ്പാവൂർ നിർമ്മിക്കുന്ന ബറോസ് ഡിസംബർ 25ന് തിയേറ്ററുകളിലെത്തും. Stay updated with the latest news headlines and all the latest Lifestyle news. Download Indian Express Malayalam App - Android or iOS . None
What’s New
Spotlight
Advertisement
Featured News
