TAMIL
இன்றைய டிஜிட்டல் யுகம், பல்வேறு 'டிஜிட்டல் கைது' சம்பவங்களால் நிரம்பி வழிகின்றன, சில சந்தர்ப்பங்களில் குற்றவாளிகளால் கோடிக்கணக்கான ரூபாய்களைப் பறித்த மக்கள். இந்த பிரச்சனை மிகவும் பரவலாக உள்ளது, பிரதமர் நரேந்திர மோடி ஞாயிற்றுக்கிழமை தனது 'மான் கி பாத்' நிகழ்ச்சியில் இதை குறிப்பிட்டு, இந்த புதிய வகை சைபர் குற்றங்களுக்கு எதிராக தேசத்தை எச்சரித்தார். 2024 ஜனவரி மற்றும் ஏப்ரல் மாத காலகட்டத்தில், சைபர் குற்றங்களால் இந்தியா தோராயமாக ரூ.120 கோடி இழப்பை சந்தித்துள்ளது. பிரதமர் நரேந்திர மோடி அக்டோபர் 27 அன்று மன் கி பாத் நிகழ்ச்சியில் சைபர் குற்றங்கள் அதிகரித்து வருவதாக கூறினார். டிஜிட்டல் மோசடி சமபவங்கள் பெருமளவு அதிகரித்து வருவது குறித்து பிரதமர் மோடி கவலை தெரிவித்துள்ளார். மக்கள் விழிப்புடன் இருக்குமாறும் அவர் கேட்டுக்கொண்டுள்ளார். டிஜிட்டல் அரெஸ்ட் மோசடி டிஜிட்டல் கைது மோசடியில், சைபர் கிரிமினல்கள் யாரேனும் ஒருவருக்கு போன் செய்து, தாங்கள் ஏதோ குற்றத்தில் சிக்கியதாக பயமுறுத்துகிறார்கள். போலீஸ் போல் தன்னை அறிமுகப்படுத்திக் கொண்டு பணம் கேட்கின்றனர். மோசடி நபரின் செயலால் பயந்து போய் பணம் கொடுக்கிறார்கள். இந்த ஆண்டின் தொடக்கத்தில் 46% சைபர் கிரைம் வழக்குகள் பதிவாகியுள்ளன என அறிக்கை ஒன்று கூறுகிறது. இந்த வழக்குகளில் பெரும்பாலானவை மியான்மர், கம்போடியா மற்றும் லாவோஸ் போன்ற நாடுகளுடன் தொடர்புடையவை. இந்த நாடுகள் சைபர் குற்றவாளிகளுக்கு ஏற்ற இடமாக மாறி இந்திய மக்களை குறிவைத்து தாக்குகின்றன. 2024 ஆம் ஆண்டின் முதல் மூன்று மாதங்களில், சுமார் 7.4 லட்சம் பேர் சைபர் கிரைம் குறித்து புகார் அளித்துள்ளனர் என அரசாங்க இணையதளத்தில் காணப்படும் தகவல்கள் கூறுகின்றன. இந்த எண்ணிக்கை கடந்த ஆண்டுகளை விட மிக அதிகம். 2023ம் ஆண்டில், இந்த எண்ணிக்கை 15.56 லட்சம் என்ற அளவிலும், 2022ம் ஆண்டில், இந்த எண்ணிக்கை 9.66 லட்சம் என்ற அளவிலும், 2021ம் ஆண்டில், இந்த எண்ணிக்கை 4.52 லட்சம் என்ற அளவிலும் இருந்ததாக தகவல்கள் கூறுகின்றன. மேலும் படிக்க | 91 ரூபாயில் என்னவெல்லாம் கிடைக்கும்? ஜியோ ரிலையன்ஸ் வழங்கும் சூப்பர் திட்டம்! இந்திய சைபர் கிரைம் ஒருங்கிணைப்பு மையத்தின் தலைமைச் செயல் அதிகாரி ராஜேஷ் குமார் கூறுகையில், இந்த ஆண்டின் தொடக்கத்தில் சைபர் கிரைம் காரணமாக சுமார் ரூ.1,420 கோடி இழப்பு ஏற்பட்டுள்ளது. வியாபாரம் மற்றும் முதலீடு தொடர்பான மோசடிகளால் இதில் மிகப்பெரிய இழப்பு ஏற்பட்டுள்ளது. இதுதவிர காதல், டேட்டிங் என்ற பெயரிலும் ஏராளமான பணத்தை ஏமாற்றி உள்ளனர். பிரதமர் மோடியின் வேண்டுகோள் நிஜ வாழ்க்கை டிஜிட்டல் கைது மோசடி குறித்து மக்களுக்கு விழிப்புணர்வு ஏற்படுத்த ஆடியோ கிளிப்பை பிரதமர் மோடி இயக்கியுள்ளார். கிளிப்பில், மோசடி செய்பவர் போலீஸ் அதிகாரி போல் நடித்து, மொபைல் எண்ணைத் தடுக்க ஆதார் அட்டை விவரங்களைக் கேட்டுக்கொண்டிருந்தார். இதை ஒரு எச்சரிக்கையாக எடுத்துக்கொள்ள வேண்டும் என்று பிரதமர் மோடி கூறினார். இது போன்ற சம்பவம் நடந்தால் உடனடியாக தகவல் தெரிவிக்குமாறு கேட்டுக்கொண்டார். மேலும் படிக்க | ஆனந்த் அம்பானியின் தலைதீபாவளி கொண்டாட்டம்! ரூ 699 போன், 123 ரூபாய்க்கு ரீசார்ஜ் கொடுக்கும் ஜியோ! சார்பில்லாத சமரசமில்லாத செய்திகள் உங்கள் உள்ளங்கைகளில்! உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.. முகநூல் - ட்விட்டர் - டெலிக்ராம் - வாட்ஸ்-அப் - அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!! Android Link: Apple Link: None
What’s New
Spotlight
Advertisement
Featured News
Latest From This Week
Popular News
