LIFESTYLE
Follow Us ചർമ്മത്തിലെ കറുത്തപാടുകൾ അകറ്റാൻ സ്ക്രബ് വീട്ടിൽ തയ്യാറാക്കാം ചിത്രം: ഫ്രീപിക് വിപണിയിൽ സൗന്ദര്യ വർധക ഉത്പന്നങ്ങൾക്ക് യാതൊരു കുറവുമില്ല. എന്നാൽ അവയിൽ അടങ്ങിയിരിക്കുന്ന രാസ വസ്തുക്കൾ ചർമ്മാരോഗ്യത്തെ പ്രതികൂലമായി ബാധിച്ചേക്കാം. ഏറ്റവും അധികം ആളുകളും തേടുന്നത് മുഖത്തെ കറുത്തപാടുകൾ, ടാൻ എന്നിവ അകറ്റാൻ സഹായിക്കുന്ന ചർമ്മത്തിന് അനുയോജ്യമായ വസ്തുക്കളാണ്. പ്രകൃതിദത്തമായ ചേരുവകൾ തിരഞ്ഞെടുക്കുക എന്നതാണ് ഉചിതം. വലിയ വില കൊടുക്കാതെ തന്നെ അത്തരം ചേരുവകൾ വീട്ടിൽ ലഭ്യമാണ്. അരിപ്പൊടി, കാപ്പി പൊടി തുടങ്ങിയവ ചർമ്മത്തിലെ ഡെഡ് സ്കിൻ അകറ്റി തിളക്കം നൽകുന്നതിനു സഹായിച്ചേക്കാം. ഇവ ഉപയോഗിച്ച് വീട്ടിൽ തന്നെ തയ്യാറാക്കാൻ സാധിക്കുന്ന ഫെയ്സ് സ്ക്രബുകൾ പരിചയപ്പടാം. തേൻ ഓട്സ് രണ്ട് ടേബിൾസ്പൂൺ ഓട്സിലേയ്ക്ക് ഒരു ടേബിൾസ്പൂൺ തേനും ഒരു ടേബിൾസ്പൂൺ തൈരും ചേർത്തിളക്കി യോജിപ്പിക്കാം. ഇത് മുഖത്ത് പുരട്ടി മൃദുവായി മസാജ് ചെയ്യാം. 10 മിനിറ്റിനു ശേഷം തണുത്ത വെള്ളത്തിൽ കഴുകി കളയാം. കാപ്പിപ്പൊടി വെളിച്ചെണ്ണ രണ്ട് ടേബിൾസ്പൂൺ കാപ്പിപ്പൊടിയിലേയ്ക്ക് ഒരു ടേബിൾസ്പൂൺ വെളിച്ചെണ്ണ ഒഴിച്ചിളക്കാം. അത് മുഖത്ത് പുരട്ടി മൃദുവായി മസാജ് ചെയ്യാം. ശേഷം തണുത്ത വെള്ളത്തിൽ കഴുകി കളയാം. കാപ്പിപ്പൊടി ഒരു മികച്ച എക്സ്ഫോളിയേറ്ററാണ്. വെളിച്ചെണ്ണ ചർമ്മം ഹൈഡ്രേറ്റ് ചെയ്യാൻ സഹായിക്കുന്നു. പഞ്ചസാര ഒലിവ് എണ്ണ പഞ്ചസാരയിലേയ്ക്ക് ഒലിവ് എണ്ണ ചേർത്തിളക്കി യോജിപ്പിക്കാം. അത് ചർമ്മത്തിൽ പുരട്ടി മൃദുവായി മസാജ് ചെയ്യാം. ശേഷം തണുത്ത വെള്ളത്തിൽ കഴുകി കളയാം. മൃതചർമ്മം നീക്കം ചെയ്യാൻ പഞ്ചസാര ഒരു നല്ല എക്സ്ഫോളിയേറ്ററായി പ്രവർത്തിക്കുന്നു. ഒലിവ് എണ്ണ ചർമ്മം അമിതമായി വരണ്ടു പോകുന്നതു തടയുന്നു. ബ്രൗൺ ഷുഗർ പഴം നന്നായി പഴുത്ത പഴം തൊലി കളഞ്ഞ് ഉടച്ചെടുക്കാം. അതിലേയ്ക്ക് രണ്ട് ടേബിൾസ്പൂൺ ബ്രൗൺ ഷുഗർ ചേർത്തിളക്കി യോജിപ്പിക്കുക. ഇത് മുഖത്തും ശരീരത്തിലെ മറ്റുഭാഗങ്ങളിലും പുരട്ടി കുറച്ചു സമയം മസാജ് ചെയ്യാം. 10 മിനിറ്റിനു ശേഷം തണുത്ത വെള്ളത്തിൽ കഴുകി കളയാം. പഴത്തിൽ ധാരാളം വിറ്റാമിനും ധാതുക്കളും അടങ്ങിയിട്ടുണ്ട്. ബദാം പാൽ അഞ്ചോ ആറോ ബദാം ഒരു രാത്രി വെള്ളത്തിൽ കുതിർത്തു വയ്ക്കാം. പിറ്റേ ദിവസം അത് അരച്ച് രണ്ട് ടേബിൾസ്പൂൺ പാൽ ചേർത്തിളക്കി യോജിപ്പിക്കാം. ഇത് മുഖത്തു പുരട്ടി 5 മിനിറ്റ് മൃദുവായി മസജ് ചെയ്യുക. ശേഷം തണുത്ത വെള്ളത്തിൽ കഴുകി കളയാം. അരിപ്പൊടി മുട്ട മൂന്ന് ടേബിൾസ്പൂൺ അരിപ്പൊടിയിലേയ്ക്ക് ഒരു മുട്ടയുടെ വെള്ള മാത്രം ചേർത്തിളക്കുക. വൃത്തിയായി കഴുകിയ മുഖത്ത് ഇത് പുരട്ടി മൃദുവായി മസാജ് ചെയ്യുക. ശേഷം ചെറുചൂടുവെള്ളത്തിൽ കഴുകുക. കാപ്പിപ്പൊടി കറുവാപ്പട്ട വെളിച്ചെണ്ണ ഒരു ബൗൾ കാപ്പി പൊടിയിലേയ്ക്ക് രണ്ട് ടീസ്പൂൺ കറുവാപ്പട്ട പൊടിച്ചതും, ഒരു സ്പൂൺ വെളിച്ചെണ്ണ,മൂന്ന് ടീസ്പൂൺ പഞ്ചസാര എന്നിവ ചേർത്തിളക്കി യോജിപ്പിക്കുക. വൃത്തിയായി കഴുകിയ മുഖത്ത് ഇത് പുരട്ടി വളരെ മൃദുവായി മസാജ് ചെയ്യുക. കണ്ണിന് ചുറ്റമുള്ള ഭാഗം ഒഴിവാക്കുക. മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക. Stay updated with the latest news headlines and all the latest Lifestyle news. Download Indian Express Malayalam App - Android or iOS . None
What’s New
Spotlight
Advertisement
Featured News
Latest From This Week
Popular News
