TECHNOLOGY
மடிக்கக்கூடிய ஆப்பிள் ஐபோன்களை 2026-ஆம் ஆண்டில் அறிமுகமாகப்படுத்த ஆப்பிள் திட்டமிட்டுள்ளதாக, இந்த விஷயத்தை நன்கு அறிந்தவர்களை மேற்கோள் காட்டி, வால் ஸ்ட்ரீட் ஜார்னல் அறிக்கை குறிப்பிட்டுள்ளது. ஐபோனின் பிளஸ் மாடலை நிறுத்த திட்டமிட்டுள்ள ஆப்பிள் நிறுவனம், அடுத்த ஆண்டு ஐபோன் 17 சீரிஸ் அறிமுகத்தின்போது புதிய வேரியண்ட்டை அறிமுகப்படுத்த திட்டமிட்டுள்ளது. 2025 ஆம் ஆண்டில் ஐபோன் 17 ஸ்லிம் அல்லது ஏர் மூலம் சில முக்கிய மாற்றங்களைக் கொண்டுவர ஆப்பிள் திட்டமிட்டுள்ளது. ஐபோன் 17 தொடர் 2025 ஆண்டு சந்தைக்கு வரும் என்று எதிர்பார்க்கப்படுகிறது. ஆப்பிளின் அடுத்த தலைமுறை ஐபோன் வரிசையானது ஐபோன் 17 ஏர் மூலம் நிலையான மாறுபாடுகளுடன் ஒரு புதிய மாடலாக இருக்கும் என்று கூறப்படுகிறது. இது மெலிதான மற்றும் குறைந்த எடையுடன் வரும் புதிய ஸ்மார்ட்போனாக இருக்கும் என்று எதிர்பார்க்கப்படுகிறது. மேலும், இந்த ஸ்மார்ட்போன், ஐபோன் 17 ப்ரோ மாடல்களை விட குறைவான விலையில் கிடைக்கும் என்று ஒரு அறிக்கை தெரிவிக்கிறது. மேலும், கலிபோர்னியாவை தலைமையிடமாகக் கொண்ட தலைமையிடமாகக் கொண்ட குபெர்டினோ தொழில்நுட்ப நிறுவனமானது, இரண்டு மடிக்கக்கூடிய ஸ்மார்ட்போன்களை 2026 ஆம் ஆண்டு வெளியிடுவதற்கான இலக்குடன் அதற்கான பணிகளை தீவிரப்படுத்தியுள்ளதாக தெரிகிறது. ஐபோன் 17 ஏர்: வால் ஸ்ட்ரீட் ஜார்னல் அறிக்கையின்படி, ஐபோன் 17 ஏர், நிறுவனத்தின் வளர்ச்சியை மீட்டெடுப்பதை நோக்கமாகக் கொண்டுள்ளது. சமீபத்திய ஆண்டுகளில், ஐபோன் தயாரிப்பில் நிறைய மேம்படுத்தல்களை கொண்டு வந்துள்ளது, ஆனால் அதன் ஏர் மாடல், 2022 இல் சந்தையில் அறிமுகப்படுத்தப்பட்ட ஐபோன் 14 பிளஸுக்குப் பதிலாக அறிமுகப்படுத்தப்பட இருக்கிறது. தற்போதைய ஐபோன் 16 ப்ரோ 8.25 மிமீ தடிமன் கொண்டது, எனவே அல்ட்ரா-ஸ்லிம் ஐபோன் 17 6.25 மிமீ தடிமன் கொண்டதாக இருக்கலாம். அதேநேரத்தில் ஐபோன் 17 ஏர் ஆனது 6.9 மிமீ தடிமனுடன் இதுவரை இல்லாத மெலிதான ஐபோனாக அறிமுகமாகலாம். புதிய ஐபோன் மாடலில் செலவுகளை குறைக்கும் முயற்சியில், எளிமைப்படுத்தப்பட்ட கேமரா அமைப்பு பொருத்தப்பட்டிருக்கும் என்று ஒரு அறிக்கை கூறுகிறது. ஐபோன் கேமரா அமைப்பு, ஆப்பிளின் ஸ்மார்ட்போன்களில் ஒரு முக்கிய அம்சமாகும், ஆனால் கேமரா திறன்களைக் குறைப்பது நிறுவனம் ஐபோன் 17 ஏரை விலையின் அடிப்படையில் ப்ரோ மாடல்களுக்குக் கீழே காட்ட உதவும் என்றும் அந்த அறிக்கை பரிந்துரைக்கிறது. தற்போது, ப்ரோ மற்றும் பேஸ் ஐபோன் மாடல்களை பிரிக்கும் முக்கிய அம்சங்களில் ஒன்று விரிவாக்கப்பட்ட கேமரா அமைப்பு என்பது குறிப்பிடத்தக்கது. இந்த புதிய கூற்று முன்பாக கசிந்த தகவல்களை உறுதிப்படுத்துகிறது, இது 48 மெகாபிக்சல் சென்சார் கொண்ட ஒற்றை பின்பக்க கேமராவைக் கொண்டதாக இருக்கும் என்று கூறப்படுகிறது, தற்போதைய ஐபோன் 16 இன் 2x டெலிஃபோட்டோ செயல்பாடுகளையும் இது உள்ளடக்கியுள்ளது. மேலும் ஐபோன் 17 ஏர்-இன் சரியான பரிமாணங்கள் குறித்த விரிவான தகவல் ஏதும் இல்லை. எனினும், 6 மிமீ தடிமன் கொண்ட ஐபோன் 17 ஏரை ஆப்பிள் அறிமுகப்படுத்தலாம் என்று சமீபத்திய அறிக்கைகள் தெரிவிக்கின்றன. மடிக்கக்கூடிய ஐபோன் மாதிரிகள்: வால் ஸ்ட்ரீட் ஜார்னல் அறிக்கையில் மேலும் கூறியதாவது, ஆப்பிள் இரண்டு மடிக்கக்கூடிய சாதனங்களை உருவாக்கும் முயற்சியில் ஈடுபட்டுள்ளது. ஒரு மடிக்கக்கூடிய ஐபோன் மற்றும் ஒரு பெரிய மடிக்கக்கூடிய லேப்டாப். ஐபோன் 16 ப்ரோ மேக்ஸை விட வரவிருக்கும் மாடல் பெரிய டிஸ்ப்ளேயுடன் வரும் என்று எதிர்பார்க்கப்படுகிறது. அதே நேரத்தில், மடிக்கக்கூடிய மடிக்கணினி திறக்கும்போது 19 அங்குல திரையுடன் வரலாம். இந்த இரண்டு தயாரிப்புகளும், பல ஆண்டுகளாக வளர்ச்சியில் இருந்தாலும், ஆப்பிள் டிஸ்ப்ளே கவர் மற்றும் மடிக்கும் பொறிமுறையுடன் தொடர்புடைய பல சவால்களை எதிர்கொள்வதாக கூறப்படுகிறது. பல ஆண்டுகளாக நிறுவனம், பல ஐபோன் டிசைன்களை பரிசோதித்ததாககவும் அறிக்கை தெரிவிக்கிறது. மடிக்கும் போது வெளிப்புறமாக தெரியும் காட்சியுடன் கூடியதாக இருப்பதாகவும் கூறப்படுகிறது. இருப்பினும், ஆப்பிள் இறுதியாக மடிக்கக்கூடிய ஸ்மார்ட்போன் வடிவமைப்பில் குறிப்பிட்ட மேம்படுத்தல்களை கொண்டு வந்ததன் மூலம் அடுத்த கட்டத்திற்கு நகர்ந்துள்ளதாகவும் கூறப்படுகிறது. இந்த விஷயத்தை நன்கு அறிந்தவர்களை மேற்கோள் காட்டி, வால் ஸ்ட்ரீட் ஜார்னல், ஆப்பிள் நிர்வாகிகள் மடிக்கக்கூடிய சாதனங்களுக்கான வெளியீட்டை 2026 ஆம் ஆண்டில் திட்டமிட்டுள்ளனர். ஆனால், சாத்தியமான சவால்களை எதிர்கொள்ள ஒரு வருடம் வரையில் தாமதம் ஏற்படவும் வாய்ப்புள்ளதாக தெரிகிறது என்று குறிப்பிட்டுள்ளது. None
What’s New
Spotlight
Advertisement
Featured News
Latest From This Week
Popular News
