SPORTS
Follow Us ക്രിക്കറ്റ് കരിയറിൽ സഞ്ജു സാംസണ് ഈ വർഷം വിജയത്തിന്റേതായിരുന്നു. ഈ വർഷം മൂന്നു സെഞ്ചുറികളാണ് താരം നേടിയത്. ഇന്ത്യൻ ടീമിൽ സ്ഥിരാംഗമായി, ലോക കപ്പ് ജയിച്ച ടീമിൽ അംഗമായി എന്നിങ്ങനെ നീളുന്നു കരിയറിലെ താരത്തിന്റെ ഭാഗ്യവർഷത്തിലെ നേട്ടങ്ങൾ. നിലവിൽ ടി 20 ഫോർമാറ്റിൽ മാത്രമാണ് സഞ്ജു ഇന്ത്യൻ ടീമിനുവേണ്ടി കളിക്കുന്നത്. ഏകദിന ഫോർമാറ്റിലും ടെസ്റ്റിലും സഞ്ജുവിന് ഇടം നൽകിയിട്ടില്ല. അവസരം ലഭിച്ചാൽ ടെസ്റ്റ് കളിക്കുമെന്ന് പറയുകയാണ് സഞ്ജു സാംസൺ. ക്രിക്കറ്റിന്റെ ഏതു ഫോർമാറ്റിലേക്ക് കളിക്കാൻ വിളിച്ചാലും പോകും. ഉറങ്ങി കിടക്കുമ്പോൾ പോലും ക്രിക്കറ്റ് കളിക്കാൻ വിളിച്ചാൽ പോകും. കളിക്കുകയെന്നത് വലിയ സന്തോഷം നൽകുന്നതാണെന്നും ദുബായിൽ നടന്ന ഒരു പരിപാടിയിൽ സഞ്ജു പറഞ്ഞു. ഐപിഎല്ലിൽ രാജസ്ഥാൻ ടീമിൽനിന്നും യുസ്‌വേന്ദ്ര ചാഹൽ, ആർ.അശ്വിൻ ജോസ് ബട്‌ലർ തുടങ്ങിയ താരങ്ങളെ ഒഴിവാക്കിയതിനെ കുറിച്ചും സഞ്ജു സംസാരിച്ചു. രാജസ്ഥാന്‍ ടീമിലെ വലിയ മാറ്റങ്ങള്‍ ആരാധകര്‍ക്ക് ആശങ്കയുണ്ടാക്കുന്നുണ്ടെന്ന് അറിയാം. ഐപിഎൽ നിയമമാണ് അതെന്ന് രാജസ്ഥാന്‍ റോയല്‍സിന്റെ നായകനായ സഞ്ജു പ്രതികരിച്ചു. A post shared by Sanju V Samson (@imsanjusamson) നിലവില്‍ ദുബായില്‍ വെക്കേഷൻ ആഘോഷത്തിലാണ് സഞ്ജു. ദുബായില്‍ നിന്നുള്ള സഞ്ജുവിന്റെ ചിത്രങ്ങളും വീഡിയോകളും സാമൂഹ്യ മാധ്യമങ്ങളില്‍ വൈറലായിരുന്നു. Stay updated with the latest news headlines and all the latest Lifestyle news. Download Indian Express Malayalam App - Android or iOS . None
What’s New
Spotlight
Advertisement
Featured News
Latest From This Week
Popular News
