EDUCATION
கனமழை காரணமாக தமிழகத்தில் நாளை (டிச.2) எந்தெந்த மாவட்டத்தில் பள்ளி, கல்லூரிகளுக்கு விடுமுறை அளிக்கப்பட்டுள்ளது என்பது குறித்து பார்க்கலாம். வங்கக்கடலில் நிலவிய “ஃபெஞ்சல்” புயல், மேற்கு-தென்மேற்கு திசையில் நகர்ந்து, புதுச்சேரி அருகில் நேற்று இரவு 10.30 மணி முதல் 11.30 மணி வரையிலான காலத்தில் கரையைக் கடந்தது. புயல் கரையை கடந்த போது காற்றின் வேகம் 80 கிலோ மீட்டர் வேகத்தில் இருந்தது. சில நேரங்களில் 90 கிலோ மீட்டர் வேகத்திலும் வீசியது. இதனைத் தொடர்ந்து, 12 மணி நேரமாக நகராமல் ஒரே இடத்தில் புயல் சின்னம் நிலவிவந்தது. இந்நிலையில், காலை 11.30 மணியளவில் ஃபெஞ்சல் புயல் ஆழ்ந்த காற்றழுத்த தாழ்வு மண்டலமாக வலுவிழந்ததாக சென்னை வானிலை ஆய்வு மையம் தெரிவித்தது. அது தற்போது கடலூருக்கு வடக்கே 30 கிலோ மீட்டர் தொலைவிலும், விழுப்புரத்திற்கு கிழக்கே 40 கிலோ மீட்டர் தொலைவிலும், சென்னைக்கு தெற்கு- தென்மேற்கே 120 கிலோ மீட்டர் தொலைவிலும் நிலை கொண்டுள்ளது. அது மேற்கு நோக்கி மிக மெதுவாக நகர்ந்து, 12 மணி நேரத்தில் காற்றழுத்த தாழ்வு மண்டலமாக வலுவிழக்கும் என்றும் கணிக்கப்பட்டுள்ளது. புயல் காரணமாக நாளையும் தமிழகத்தில் ஒரு சில மாவட்டங்களிலும், புதுச்சேரியிலும் கனமழை எச்சரிக்கை விடுக்கப்பட்டுள்ளது. மழை காரணமாக தமிழ்நாட்டில் உள்ள பல்வேறு மாவட்டங்களுக்கு அந்தந்தந்த மாவட்ட ஆட்சியர்கள் நாளை (டிசம்பர் 2) விடுமுறை அறிவித்துவருகிறார்கள். அதன்படி இதுவரை விடுமுறை அறிவிக்கப்பட்ட மாவட்டங்களின் விவரம் பின்வருமாறு: - பள்ளி, கல்லூரிகளுக்கு விடுமுறை: 1.திருவண்ணாமலை 2.விழுப்புரம் 3.கடலூர் 4.கள்ளக்குறிச்சி 5.கிருஷ்ணகிரி பள்ளிகளுக்கு மட்டும் விடுமுறை: 1.வேலூர் 2.ராணிப்பேட்டை 3.திருப்பத்தூர் 4.தருமபுரி 5.சேலம் இப்படியாக தமிழகத்தில் நாளை (டிச.2) 5 மாவட்டங்களில் பள்ளி, கல்லூரிகளுக்கும், 5 மாவட்டங்களில் பள்ளிகளுக்கு மட்டும் விடுமுறை விடப்படுவதாக அறிவிக்கப்பட்டுள்ளது. இதுதவிர, புதுச்சேரியில் நாளை (டிசம்பர் 2) பள்ளிகள், கல்லூரிகளுக்கு விடுமுறை அறிவிக்கப்பட்டுள்ளது. புயலால் ஏற்பட்ட வெள்ளத்தால் புதுச்சேரி தத்தளித்து வரும் நிலையில் விடுமுறை அறிவித்து அம்மாநில கல்வித்துறை அமைச்சர் நமச்சிவாயம் உத்தரவிட்டுள்ளார். கனமழை எச்சரிக்கை விடப்பட்டுள்ள மேலும் சில மாவட்டங்களில் உள்ள பள்ளி, கல்லூரிகளுக்கு முன்னெச்சரிக்கை நடவடிக்கையாக அந்தந்த மாவட்ட ஆட்சியர்கள் விடுமுறை அறிவிப்பை வெளியிடுவார்கள் என எதிர்பார்க்கப்படுகிறது. பல்கலைக்கழகத் தேர்வுகள் ஒத்திவைப்பு சென்னை, திருவள்ளுவர், அண்ணாமலை பல்கலைக்கழகத்தில் நாளை( டிசம்பர் 02) நடைபெறவிருந்த பருவத் தேர்வுகள் ஒத்திவைக்கப்பட்டுள்ளது. கனமழையால் ஒத்திவைக்கப்பட்ட தேர்வுகளுக்கான மாற்றுதேதி பின்னர் அறிவிக்கப்படும் என பல்கலைக்கழகங்கள் அறிவித்துள்ளன. பெரியார் பல்கலைக்கழகத் தேர்வுகளும் ஒத்திவைக்கப்பட்டுள்ளன. None
What’s New
Spotlight
Advertisement
Featured News
Latest From This Week
Popular News
