NEWS
సూపర్ స్టార్ రజనీకాంత్, కమల్ హాసన్ తర్వాత.. ఆ రేంజ్లో తెలుగులో పాపులారిటీ తెచ్చుకున్న హీరో సూర్య. అసలు సూర్యకు తెలుగులో ఉన్న పాపులారిటీ అంతా ఇంతా కాదు. తెలుగు ప్రేక్షకులు.. ముద్దుగా దత్త పుత్రుడు అని పిలుచుకుంటుంటారు. సూర్య సినిమాలన్నీ తెలుగులోనూ రిలీజవుతుంటాయి. కాగా ఇక్కడ సూర్యకు కూడా మంచి మార్కెట్ ఉంది.ఇక ప్రస్తుతం సూర్య, శివ దర్శకత్వంలో కంగువా సినిమా చేస్తున్నాడు. కోలీవుడ్ ఇండస్ట్రీలో అత్యంత భారీ బడ్జెట్ తో తెరకెక్కుతున్న సినిమా ఇదే. ఈ సినిమా బడ్జెట్ సుమారు రూ.350 కోట్లకు పైమాటే అని చెన్నై టాక్. తెలుగులో శౌర్యం, శంఖం, దరువు సినిమాలు చేసిన శివ ఈ సినిమాను తెరకెక్కిస్తున్నాడు. ఇప్పటికే రిలీజైన ప్రీ లుక్ పోస్టర్లు, గ్లింప్స్ సినిమాపై వీర లెవల్లో అంచనాలు క్రియేట్ చేశాయి. ఆ మధ్య రిలీజైన టీజర్ ఓ రేంజ్లో ఎక్కేసింది. మరీ ముఖ్యంగా హాలీవుడ్ లెవల్ విజువల్స్ మైండ్ బ్లోయింగ్ గా అనిపించాయి. ఏడాది కిందట మొదలైన ఈ ప్రాజెక్ట్ చక చక షూటింగ్ను కంప్లీట్ చేసుకుంది. ఈ సినిమా నవంబర్ 14న రిలీజ్ కాబోతుంది. కాగా తాజాగా.. ఈ సినిమా సెన్సార్ను పూర్తి చేసుకుంది. ఈ సినిమాకు సెన్సార్ వాళ్లు యూ/ఏ సర్టిఫికేట్ జారీ చేసింది. సినిమా రన్టైమ్ 2 గంటల 34 నిమిషాలుగా ఉండనుంది. ఇక ఈ సినిమా కథ రెండు టైమ్ లైన్లో జరుగుతుందట. ఒకటి 1500 ఏళ్లు ముందు జరగగా.. ఇంకోటి ప్రస్తుతం కాలం అట. అలా ఏకకాలంలో రెండు టైమ్ లైన్లో జరుగుతుందట. ఇన్ సైడ్ రిపోర్ట్స్ ప్రకారం ఈ సినిమా స్టోరీ ఓ గిరిజన యోధుడు చుట్టూ తిరుగుతుందిట గిరిజన యోధుడు 1500 నుంచి ఈ కాలానికి వస్తాడు. అతను ఓ మహిళా సైంటిస్ట్ సాయింతో తన మిషన్ ని పూర్తి చేయాలనుకుంటాడు. ఆ మిషన్ ఏమిటి…ఆ కాలం నుంచి ఇప్పటి కాలానికి అతను టైమ్ ట్రావెల్ ఎలా చేసారనేదే కథ. ఈ సినిమా కథ మొత్తం మూడు టైం పీరియడ్స్ తో ఉండబోతుందని ఇన్ సైడ్ టాక్. భూత, భవిష్యత్తు, వర్తమాన కాలాలతో నభూతో నభవిష్యత్తు రేంజ్ లో ఉండబోతుందట. ఇక ఈ సినిమాకు సంబంధించిన తెలుగు థియేట్రికల్ రైట్స్కు ఓ రేంజ్లో డీల్ కుదిరినట్లు తెలుస్తుంది. సూర్యకు ఇప్పటివరకు ఇక్కడ కేవలం రూ.10 కోట్ల మార్కెట్ మాత్రమే ఉంది. కానీ ఇప్పుడు డబుల్ కంటే ఎక్కువ రేటుతోనే థియేటర్లలో రిలీజ్ కాబోతుంది. అయితే సూర్య బ్రాండ్ నేమ్తో పాటు… యూవీ బ్యానర్ కో ప్రొడ్యూస్ చేస్తుండటంతో ఈ సినిమాకు ఆ రేంజ్లో బిజినెస్ జరిగిందని టాక్. None
What’s New
Spotlight
Advertisement
Featured News
Latest From This Week
Popular News
