HEALTH
Follow Us പോഷകങ്ങളുടെ സമ്പന്നമായ ഉറവിടമാണ് പിസ്ത ചിത്രം: ഫ്രീപിക് പോഷകങ്ങളുടെ സമ്പന്നമായ ഉറവിടമാണ് പിസ്ത. ദിവസവും കഴിക്കുന്ന ഭക്ഷണത്തിനൊപ്പം പിസ്ത കൂടി ചേർത്താൽ അത്ഭുതപ്പെടുത്തുന്ന ആരോഗ്യ ഗുണങ്ങളാകും ലഭിക്കുക. വിറ്റാമിനുകൾ, ധാതുക്കൾ, ആൻ്റിഓക്സിഡൻ്റുകൾ, ആരോഗ്യകരമായ കൊഴുപ്പുകൾ എന്നിവ പിസ്തയിൽ ധാരാളം അടങ്ങിയിട്ടുണ്ട്. ഒരു പിസ്തയിൽ ഏകദേശം 4 കലോറി, 0.15 ഗ്രാം പ്രോട്ടീൻ, 0.12 ഗ്രാം കൊഴുപ്പ്, നാരുകൾ ഉൾപ്പെടെ 0.2 ഗ്രാം കാർബോഹൈഡ്രേറ്റ് എന്നിവ അടങ്ങിയിരിക്കുന്നു. രക്തത്തിലെ പഞ്ചസാരയുടെ നിയന്ത്രണത്തിനും ഹീമോഗ്ലോബിൻ ഉൽപാദനത്തിനും നിർണായകമായ വിറ്റാമിൻ ബി 6, കോശങ്ങളെ കേടുപാടുകളിൽ നിന്ന് സംരക്ഷിക്കുന്ന ആന്റിഓക്‌സിഡന്റായ വിറ്റാമിൻ ഇ എന്നിവ അവയിലുണ്ട്. ഹൃദയാരോഗ്യം മുതൽ ശരീര ഭാരം നിയന്ത്രിക്കുന്നതിനുവരെ പിസ്ത ഗുണം ചെയ്യും. പിസ്തയിൽ അടങ്ങിയിരിക്കുന്ന പോഷകങ്ങൾ തലച്ചോറിൻ്റെ ആരോഗ്യത്തിനും പ്രവർത്തനത്തിനും ശരീരത്തിൻ്റെ പ്രതിരോധ ശേഷി വർധിപ്പിക്കുന്നതിനും ഗുണകരമായ വിറ്റാമി ബി 6 പിസ്തയിലുണ്ട്. ഇതു കൂടാതെ പൊട്ടാസ്യം, മഗ്നീഷ്യം, ആൻ്റി ഓക്സിഡൻ്റുകൾ എന്നിങ്ങനെ മൊത്തത്തിലുള്ള ആരോഗ്യത്തെ പിന്തുണയ്ക്കുന്ന ധാതുക്കളും ഉൾപ്പെടുന്നു. ഹൃദയാരോഗ്യം ചീത്ത കൊളസ്ട്രോൾ (എൽഡിഎൽ) കുറയ്ക്കാനും നല്ല കൊളസ്ട്രോൾ (എച്ച്ഡിഎൽ) വർധിപ്പിക്കാനും അവ സഹായിക്കുന്നു. പിസ്ത കഴിക്കുന്നത് സിസ്റ്റോളിക് രക്തസമ്മർദ്ദം കുറയ്ക്കുകയും രക്തക്കുഴലുകളുടെ ആരോഗ്യം മെച്ചപ്പെടുത്തുകയും ചെയ്യും. പിസ്തയിലെ ഉയർന്ന അളവിലുള്ള ഫൈറ്റോസ്റ്റെറോളുകൾ കൊളസ്ട്രോളിന്റെ അളവ് കുറയ്ക്കുന്നതിന് സഹായിക്കും. ശരീര ഭാരം നിയന്ത്രിക്കുന്നു ഉയർന്ന പ്രോട്ടീനും നാരുകളുടെ ഉള്ളടക്കവും വയർ നിറഞ്ഞ സംതൃപ്തി നൽകുന്നതിനാൽ കുറച്ച് ഭക്ഷണം കഴിക്കുന്നതിന് ഇടയാക്കുന്നു. വൈകീട്ട് ലഘുഭക്ഷണമായി പിസ്ത കഴിക്കുന്നവർക്ക് ബോഡി മാസ് ഇൻഡക്‌സിൽ വലിയ കുറവുണ്ടെന്ന് ഒരു പഠനം കണ്ടെത്തിയിരുന്നു. രക്തത്തിലെ പഞ്ചസാരയുടെ നിയന്ത്രണം പിസ്തയ്ക്ക് കുറഞ്ഞ ഗ്ലൈസെമിക് സൂചികയുണ്ട്. അതിനാൽ അവ രക്തത്തിലെ പഞ്ചസാരയുടെ അളവിൽ വലിയ വർധനവിന് കാരണമാകുന്നില്ല. പ്രമേഹമുള്ളവർക്കും രക്തത്തിലെ പഞ്ചസാരയുടെ അളവ് സ്ഥിരമായി നിലനിർത്താൻ ആഗ്രഹിക്കുന്നവർക്കും നല്ലൊരു ലഘുഭക്ഷണമാണ്. ദഹനാരോഗ്യം പിസ്തയിലെ നാരുകൾ ഒരു പ്രീബയോട്ടിക് ആയി പ്രവർത്തിക്കുന്നു. ഗുണകരമായ കുടൽ ബാക്ടീരിയയുടെ വളർച്ചയ്ക്ക് സഹായിക്കുന്നു. ബദാമിനെ അപേക്ഷിച്ച് പിസ്ത കഴിക്കുന്നത് ദഹനാരോഗ്യത്തിന് ഗുണകരമായ കുടൽ ബാക്ടീരിയകളുടെ എണ്ണം വർധിപ്പിക്കുമെന്ന് ഒരു പഠനം തെളിയിച്ചിട്ടുണ്ട്. തലച്ചോറിന്റെ ആരോഗ്യം പിസ്തയിലെ ആന്റിഓക്‌സിഡന്റുകൾ തലച്ചോറിന്റെ ആരോഗ്യത്തിനും ഗുണം ചെയ്യും. ല്യൂട്ടിൻ, സിയാക്സാന്തിൻ തുടങ്ങിയ സംയുക്തങ്ങൾക്ക് വൈജ്ഞാനിക പ്രവർത്തനം മെച്ചപ്പെടുത്താൻ സഹായിക്കും. മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക. Stay updated with the latest news headlines and all the latest Lifestyle news. Download Indian Express Malayalam App - Android or iOS . None
What’s New
Advertisement
Featured News
Latest From This Week
Popular News
