HEALTH
Follow Us Source: Frepik പലതരം വിറ്റാമിനുകളും ധാതുക്കളും കൊണ്ട് നിറഞ്ഞിരിക്കുന്ന പപ്പായ ദിവസവും രാവിലെ വെറും വയറ്റിൽ കഴിയ്ക്കുന്നത് നിറയെ ആരോഗ്യ ഗുണങ്ങൾ നൽകും. മലബന്ധത്തെ അകറ്റി നിർത്തുന്നതിനുള്ള ഫലപ്രദമായ മാർഗമാണിത്. മലവിസർജനം സുഗമമാക്കുന്ന പ്രകൃതിദത്ത പഴമാണ് പപ്പായ. മലബന്ധത്തിന് പുറമെ ദഹനക്കേട്, നെഞ്ചെരിച്ചിൽ, ആസിഡ് റിഫ്ലക്സ്, വയറിലെ അൾസർ എന്നിവ ചികിത്സിക്കാനും പപ്പായ സഹായിക്കും. വൈറ്റമിൻ സിയുടെ കലവറയായ പപ്പായ സ്ട്രെസ് കുറയ്ക്കാനും സഹായിക്കും. പോഷകങ്ങളുടെ ശക്തികേന്ദ്രമായ പപ്പായയിൽ വിറ്റാമിൻ എ, വിറ്റാമിൻ സി, വിറ്റാമിൻ ഇ, ഫോളേറ്റ്, മഗ്നീഷ്യം, ഫോളേറ്റ്, പൊട്ടാസ്യം, കോപ്പർ എന്നിവയുണ്ട്. ശരീരത്തിൽനിന്ന് വിഷാംശം ഇല്ലാതാക്കാൻ പപ്പായ സഹായിക്കും. രാവിലെ പപ്പായ കഴിക്കുന്നതിലൂടെ വിശപ്പിനെ അകറ്റി നിർത്തുകയും സംതൃപ്തി വർധിപ്പിക്കുകയും ചെയ്യുന്നു. ദിവസവും രാവിലെ വെറും വയറ്റിൽ പപ്പായ കഴിച്ചാലുള്ള ആരോഗ്യ ഗുണങ്ങൾ നോക്കാം. ദഹനം: പപ്പായയിലെ പപ്പെയ്ൻ പോലുള്ള എൻസൈമുകൾ ദഹന പ്രക്രിയയെ കൂടുതൽ പ്രവർത്തനക്ഷമമാക്കുകയും ദഹനക്കേടിനുള്ള സാധ്യത കുറയ്ക്കുകയും ചെയ്യുന്നു. വിഷാംശം നീക്കം ചെയ്യുന്നു: പപ്പായയിലെ നാരുകൾ ശരീരത്തിൽനിന്ന് മാലിന്യങ്ങളും വിഷവസ്തുക്കളും നീക്കം ചെയ്യുന്നതിന് സഹായിക്കുന്നു. രക്തത്തിലെ പഞ്ചസാരയുടെ അളവ്: പപ്പായ കഴിക്കുന്നത് രക്തത്തിലെ പഞ്ചസാരയുടെ അളവ് വർധിക്കുന്നത് ഒഴിവാക്കുന്നു. സംതൃപ്തി വർധിപ്പിക്കുന്നു: ശരീരഭാരം നിയന്ത്രിക്കാൻ ആഗ്രഹിക്കുന്നവർക്ക് അനുയോജ്യമായ ലഘുഭക്ഷണമാണ് പപ്പായ. സംതൃപ്തി നൽകുന്നതിലൂടെ അനാരോഗ്യകരമായ ലഘുഭക്ഷണങ്ങളോടുള്ള ആസക്തി കുറയ്ക്കുന്നു. ദഹനസംബന്ധമായ അസ്വസ്ഥതകൾ തടയുന്നു: പപ്പായ കഴിക്കുന്നത് വയർവീർക്കൽ, ഗ്യാസ് പോലുള്ള ദഹനസംബന്ധമായ അസ്വസ്ഥതകൾക്കുള്ള സാധ്യത കുറയ്ക്കുന്നു. മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക. Stay updated with the latest news headlines and all the latest Lifestyle news. Download Indian Express Malayalam App - Android or iOS . None
What’s New
Advertisement
Featured News
Latest From This Week
Popular News
