HEALTH
Follow Us Source: Freepik ഇഞ്ചിക്ക് നിറയെ ആരോഗ്യ ഗുണങ്ങളുണ്ട്. സീസണൽ രോഗങ്ങൾക്കെതിരെ പോരാടാൻ ഇഞ്ചി നൂറ്റാണ്ടുകളായി ഉപയോഗിക്കുന്നുണ്ട്. തൊണ്ടയിലെ പ്രശ്നങ്ങൾ മുതൽ വയർ സംബന്ധമായ പ്രശ്നങ്ങൾ അകറ്റുന്നതിന് ഇഞ്ചി ഉപയോഗിക്കുന്നു. രാവിലെ എഴുന്നേൽക്കുമ്പോൾ വെറുംവയറ്റിൽ ഇഞ്ചി കഴിക്കുന്നതിന് ധാരാളം ഗുണങ്ങളുണ്ട്. ദഹനം, ഛർദ്ദി, മനംപിരട്ടൽ എന്നിവയിൽ നിന്നും ആശ്വാസം നൽകുന്നത് കൂടാതെ രക്ത ചംക്രമണവും, പ്രതിരോധ ശേഷിയും മെച്ചപ്പെടുത്തുന്നു. ഇഞ്ചി ഉണക്കി പൊടിച്ചെടുത്ത് ഉപയോഗിക്കുന്നതും ആരോഗ്യ ഗുണങ്ങൾ നൽകും. കൊളസ്ട്രോൾ കുറയ്ക്കുന്നു എൽഡിഎൽ അല്ലെങ്കിൽ ചീത്ത കൊളസ്ട്രോൾ, ഹൃദയ സംബന്ധമായ അസുഖങ്ങളുടെ സാധ്യത വർധിപ്പിക്കുന്നു. കൊളസ്‌ട്രോളിന്റെയും ട്രൈഗ്ലിസറൈഡിന്റെയും അളവ് കുറയ്ക്കുന്നതിന് ഇഞ്ചിപ്പൊടി ഫലപ്രദമാണെന്ന് ഗവേഷണങ്ങൾ കണ്ടെത്തിയിട്ടുണ്ട്. ദഹനത്തെ സഹായിക്കുന്നു ഇഞ്ചി പൊടി ദഹനക്കേട് മൂലമുണ്ടാകുന്ന വയറിലെ അസ്വസ്ഥതകൾക്കും വേദനയ്ക്കുമുള്ള പ്രകൃതിദത്ത പരിഹാരമാണ്. ഭക്ഷണത്തിന് മുമ്പ് 1-2 ഗ്രാം കഴിക്കുന്നത് ദഹനക്കേടിന്റെ ലക്ഷണങ്ങൾ കുറയ്ക്കാനും ദഹനപ്രവർത്തനത്തെ പ്രോത്സാഹിപ്പിക്കാനും സഹായിക്കുന്നു. ജലദോഷത്തിൽനിന്ന് ആശ്വാസം ജലദോഷത്തെ ചെറുക്കുന്നതിനുള്ള ഫലപ്രദമായ പ്രതിവിധിയാണ് ഇഞ്ചി. ഇഞ്ചിപ്പൊടി, തുളസി, കുരുമുളക്, ഗ്രാമ്പൂ, മഞ്ഞൾ എന്നിവ ചേർത്ത് പാനീയം കുടിക്കുക. ജലദോഷത്തിന്റെയും പനിയുടെയും ലക്ഷണങ്ങൾ കുറയ്ക്കുന്നതിനുള്ള പ്രകൃതിദത്തവും ശക്തവുമായ പരിഹാരമാണിത്. ഇഞ്ചി പൊടി കഴിക്കുന്നത് സുരക്ഷിതമാണെങ്കിലും ചില പാർശ്വഫലങ്ങൾ ഉണ്ടാകാം. ചിലരിൽ നെഞ്ചെരിച്ചിൽ, അലർജി, വയറിളക്കം എന്നിവയ്ക്ക് സാധ്യതയുണ്ട്. ഇഞ്ചി പൊടിക്ക് ആരോഗ്യ ഗുണങ്ങൾ ഉണ്ടെങ്കിലും അവ കഴിക്കുന്ന അളവ് നിർണയിക്കാൻ ഡോക്ടറെ സമീപിക്കുക. മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക. Stay updated with the latest news headlines and all the latest Lifestyle news. Download Indian Express Malayalam App - Android or iOS . None
What’s New
Advertisement
Featured News
Latest From This Week
Popular News
