ENTERTAINMENT
Follow Us The Substance OTT The Substance OTT:വലിയ രീതിയിൽ ചർച്ച ചെയ്യപ്പെടുകയാണ് ദി സബ്‌സ്റ്റൻസ് എന്ന ഹൊറർ ചിത്രം. കോറലി ഫാർഗെറ്റ് എഴുതി സംവിധാനം ചെയ്ത ഈ ബോഡി ഹൊറർ സിനിമ, ചിന്തോദ്ദീപകമായ വിഷയത്താലും അതിശയിപ്പിക്കുന്ന ദൃശ്യങ്ങളാലും തരംഗമായി മാറുകയാണ്. ബ്യൂട്ടി സ്റ്റാൻഡേർഡുകളെ കുറിച്ചുള്ള വ്യാഖ്യാനമാണ് ചിത്രം. താരമൂല്യം കുറയുന്ന ഹോളിവുഡ് താരമായ എലിസബത്ത് സ്പാർക്കിൾ ബ്ലാക്ക് മാർക്കറ്റിൽ ലഭിക്കുന്ന ഒരു മയക്കുമരുന്ന് ഉപയോഗിച്ച് തന്റെ തന്നെ ഒരു യുവ പതിപ്പ് സൃഷ്ടിക്കുന്നതാണ് ചിത്രത്തിന്റെ പ്രമേയം. ബ്യൂട്ടി സ്റ്റാൻഡേർഡുകളെ കുറിച്ചുള്ള സമൂഹത്തിന്റെ കാഴ്ചപ്പാടുകളെയും വിനോദ വ്യവസായത്തിൽ സ്ത്രീകൾ നേരിടുന്ന സമ്മർദ്ദങ്ങളെക്കുറിച്ചുമാണ് ചിത്രം സംസാരിക്കുന്നത്. 2024-ലെ കാൻ ഫിലിം ഫെസ്റ്റിവലിൽ 'ദി സബ്‌സ്റ്റൻസ്' പ്രീമിയർ ചെയ്യപ്പെട്ടു. സദസ്സിൽ ചിത്രം നിറഞ്ഞ കൈയടി നേടുകയും പാം ഡി ഓറിനായി മത്സരിക്കുകയും ചെയ്തു. മികച്ച തിരക്കഥയ്ക്കുള്ള പുരസ്‌കാരം ഫർഗേറ്റ് സ്വന്തമാക്കി. എന്തായാലും, ധീരമായ കഥപറച്ചിൽ, സാങ്കേതികപരമായ മികവ്, സാംസ്കാരിക പ്രസക്തി എന്നിവയാൽ ചിത്രം ആഘോഷിക്കപ്പെടുകയാണ്. ചിന്തോദ്ദീപകമായ ഹൊറർ സിനിമകളുടെ ആരാധകനാണ് നിങ്ങളെങ്കിൽ തീർച്ചയായും ഈ ചിത്രം കാണണം. ആമസോൺ പ്രൈം വീഡിയോയിൽ ചിത്രം ലഭ്യമാണ്. Stay updated with the latest news headlines and all the latest Lifestyle news. Download Indian Express Malayalam App - Android or iOS . None
What’s New
Spotlight
Advertisement
Featured News
Latest From This Week
Popular News
