SPIRITUAL
பரந்து விரிந்த இந்த உலகில் பல மர்மங்கள் நிறைந்த கோயில்கள் உள்ளன. சில கோயில்களில் ஆண்களுக்கு அனுமதி இருக்காது. இன்னும் சில கோயில்களில் பெண்களுக்கு அனுமதி இருக்காது. சில கோயில்களில் ஆண்கள் மேல்சட்டை அணியாமல் செல்ல வேண்டும் . இப்படியான பல விசித்திரமான கோயில்கள் பற்றி நாம் கேள்விப்பட்டிருப்போம். இந்தியாவில் உள்ள ஒரு கோயிலில் வயதிற்கு வந்த பெண்களுக்கு மட்டும் அல்ல, பிறந்த பெண் குழந்தைகள் செல்ல கூட தடை விதிக்கப்பட்டுள்ளது என்பது உங்களுக்கு தெரியுமா? அந்த கோயில் பற்றி இப்போது நாம் தெரிந்துகொள்ளலாம். ஹரியானாவின் புனித நகரமாக கருதப்படும் குருசேத்திரம் சிறந்த மத வரலாற்று தலமாக கருதப்படுகிறது. இங்கு பல வரலாற்றுப் போர்கள் நடந்துள்ளன. இந்த இடத்தில் தான் கிருஷ்ணர் அர்ஜுனனுக்கு கீதை ஞானத்தை வழங்கினார். குருசேத்திரத்தில் எல்லா இடங்களிலும் பல மத ஸ்தலங்கள் அமைந்துள்ளன. குருசேத்திரத்தில் இருந்து 20 கிலோமீட்டர் தொலைவில் உள்ள பிஹோவா என்ற பகுதியில், கார்த்திகேயன் என்ற மிகவும் பிரபலமான கோயில் உள்ளது. இங்கு பல நூற்றாண்டுகளாகவே பெண்கள் நுழைய அனுமதி இல்லை. சிவபெருமானின் மூத்த மகனான கார்த்திகேயர் இங்கு பிண்டி வடிவில் வீற்றிருக்கிறார். எனவே தான், இது கார்த்திகேயா கோயில் என்று அழைக்கப்படுகிறது. இக்கோயிலின் கருவறைக்கு பெண்கள் சென்றால், ஏழு பிறவிகளுக்கு விதவையாவார்கள் என்பது நம்பிக்கையாக உள்ளது. இந்த விஷயம் கல் வெட்டுக்களிலும் கூறப்பட்டுள்ளது. இந்த கோயிலில் மின் விளக்குகளுக்கு பதில் ஜோதி மட்டுமே எரியும். பெண்கள் கோயிலுக்கு வெளியில் இருந்தபடியே தரிசனம் செய்து கார்த்திகேயனிடம் ஆசிர்வாதம் பெறுவார்கள். பிரசாதமாக கடுகு எண்ணெய் இங்கு சுவாமி கார்த்திகேயருக்கு கடுகு எண்ணெய் சமர்பிப்பது மங்களகரமானதாக கருதப்படுகிறது. இதற்குப் பின்னால் ஒரு புராணக்கதையும் உள்ளது. புராணங்களின் படி, கார்த்திகேயர் அன்னை பார்வதியிடம் கோபமடைந்தபோது, அவர் தனது உடலின் சதை மற்றும் இரத்தத்தை நெருப்பிற்கு அர்ப்பணித்தார். இந்நிலையில், சிவபெருமான் கார்த்திகேயனை பிஹோவா யாத்திரைக்குச் செல்லும்படி கட்டளையிட்டார். இதையடுத்து, கார்த்திகேயரின் உஷ்ண உடலுக்கு குளிர்ச்சி அளிக்க, முனிவர்கள் அவருக்கு கடுகு எண்ணெயை வழங்கினர். இதையடுத்து அவரது உடல் குளிர்ச்சி அடைந்தது. அன்று முதல் இன்று வரை கார்த்திகேயரின் பிண்டிக்கு கடுகு எண்ணெய் வார்க்கும் வழக்கம் இருந்து வருகிறது. None
What’s New
Spotlight
Advertisement
Featured News
Latest From This Week
Popular News
