NEWS
టీమిండియాలో ఒక వెలుగు వెలిగిన ప్లేయ‌ర్ అత‌డు. ఐపీఎల్‌లో సిక్సుల మోత మోగించిన రికార్డు ఉంది. కానీ ఇటీవ‌ల జ‌రిగిన ఐపీఎల్ వేలంలో ఆ ప్లేయ‌ర్‌ను ఎవ్వ‌రూ ప‌ట్టించుకోలేదు. దీంతో అన్‌సోల్డ్ ప్లేయ‌ర్ల లిస్టులో ఉండిపోవాల్సిన ప‌రిస్థితి వ‌చ్చింది. కానీ ప్రస్తుతం జ‌రుగుత‌న్న విజయ్ హ‌రారే ట్రోఫీలో త‌న స‌త్తా ఏంటో చూపించాడు. ఏడు మ్యాచులు ఆడి 4 సెంచరీలు, ఒక హాఫ్ సెంచరీ చేశాడు. అత‌డే మయాంక్ అగర్వాల్. కర్ణాటకకు చెందిన మయాంక్ అగర్వాల్ ప్రస్తుతం విజయ్ హజారే ట్రోఫీ 2024-25లో అత్యధిక పరుగులు చేసిన ప్లేయ‌ర్‌గా నిలిచాడు. కేవలం ఏడు ఇన్నింగ్స్‌ల్లోనే 613 పరుగులు చేశాడు. అతను గత ఐదు మ్యాచుల్లో ఆడిన ఇన్నింగ్స్‌లలో నాలుగు సెంచరీలు సాధించ‌డం విశేషం. వాటిలో హ్యాట్రిక్ సెంచరీలు కూడా ఉన్నాయి. ఈ సిరీస్‌లో ఒక హాఫ్ సెంచరీ కూడా న‌మోదు చేశాడు. ప్రస్తుతం విజయ్ హజారే ట్రోఫీలో కర్ణాటక టీమ్‌కు మయాంక్ కెప్టెన్‌గా వ్యవహరిస్తున్నాడు. మయాంక్ 2020 నుంచి టీమిండియాలో చోటు ద‌క్క‌డం లేదు. కానీ, ప్రస్తుతం అద్భుతమైన ఫామ్‌లో ఉన్నాడు. విజయ్ హజారే ట్రోఫీలో 139 నాటౌట్, 100 నాటౌట్, 124, 116 నాటౌట్ వంటి కీల‌క ఇన్నింగ్స్‌లు ఆడాడు. ఒక హాఫ్ సెంచ‌రీతో పాటు, మ‌రో మ్యాచ్‌లో 47 పరుగులు చేశాడు. ఈ టోర్న‌మెంట్‌లో మయాంక్ 153.25 యావ‌రేజ్‌తో, 111 స్ట్రైక్ రేట్‌తో పరుగులు చేశాడు. ఏడు మ్యాచ్‌ల్లో 66 ఫోర్లు, 18 సిక్సర్లు బాదాడు. మయాంక్ ఐపీఎల్‌లో చివ‌రగా స‌న్‌రైజ‌ర్స్ హైదరాబాద్ త‌ర‌పున ఆడాడు. ఇక, ఐపీఎల్ కెరీర్‌లో 121 మ్యాచ్‌లు ఆడిన మయాంక్.. 2661 పరుగులు చేశాడు. ఇందులో 263 ఫోర్లు, 98 సిక్సులు ఉండ‌గా.. ఒక సెంచరీ కూడా న‌మోదు చేశాడు. ఇక, టీమిండియా త‌ర‌పున కూడా ఇంట‌ర్నాష‌న‌ల్ మ్యాచులు ఆడి, త‌న‌దైన ముద్ర వేసుకున్నాడు. 21 టెస్ట్ మ్యాచ్‌లు ఆడి, 1488 పరుగులు చేశాడు. ఇందులో 4 సెంచరీలు, ఆరు హాఫ్ సెంచీర‌లు న‌మోదు చేశాడు . ఇందులో ఒక డ‌బ‌ల్ సెంచరీ (243) కూడా ఉండ‌డం విశేషం. None
What’s New
Spotlight
Advertisement
Featured News
Latest From This Week
Popular News
