NEWS
నిరుపేద కుటుంబంలో మెరిసిన పల్లె ఆణిముత్యం... కథ వింటే కన్నీళ్ళు ఆగవు.. ఒకప్పుడు తినడానికి కూడా సరైన తిండి లేని పరిస్థితులు అనుభవించారు. వర్షం వస్తే కారే కొట్టం. నలుగురు కలిసి పడుకోవడానికి కూడా సరైన స్థలం లేని పరిస్థితి ఆ కుటుంబానిది. అలాంటి పరిస్థితుల నుంచి కష్టపడి అందివచ్చిన అవకాశాలను సద్వినియోగం చేసుకుని… ఇవాళ దేశానికి సేవ చేసే స్థాయికి ఎదిగాడు ఉమ్మడి కర్నూలు జిల్లా ఎర్రగుంట్ల గ్రామానికి చెందిన ఎద్దుల నరేష్. ఉమ్మడి కర్నూలు జిల్లా ఎర్రగుంట్ల గ్రామానికి చెందిన రామకృష్ణ, రుక్మిణి దంపతులకు ఇద్దరు కుమారులు. రామకృష్ణ వృత్తిరీత్యా ఆటో నడుపుతూ కుటుంబాన్ని పోషించేవాడు. అతని భార్య రుక్మిణి సైతం పొలం పనులకు వెళ్తూ కుటుంబానికి ఆసరాగా నిలిచేది. ఈ క్రమంలోనే ఎద్దుల నరేష్ చిన్నతనంలోనే తల్లిదండ్రుల రెక్కల కష్టాన్ని కళ్లారా చూసి కష్టపడి చదివి ఇష్టంతో NCCలో చేరాడు. స్కూల్ చదివే సమయంలో 8వ తరగతిలో ఎన్సీసీలో చేరిన ఎద్దుల నరేష్ కర్నూలు పట్టణంలో ఎన్సీసీకి పెట్టిన పేరుగా ఉన్నటువంటి ఉస్మానియా కళాశాలలో ఇంటర్లో చేరాడు. ఆ తర్వాత డిగ్రీ మొదటి సంవత్సరంలోనే ఆర్మీ సెలక్షన్స్ కు వెళ్లి అక్కడ ఆర్మీలో సెలెక్ట్ అయి ఉద్యోగం సాధించాడు. అక్కడ మొదలైన ఎద్దుల నరేష్ ప్రస్థానం.. వచ్చిన అవకాశాలని సద్వినియోగం చేసుకుంటూ అంచలంచెలుగా ఎదిగి ఇవాళ ఊరే గర్వపడే స్థాయికి ఎదిగాడు. ఏకంగా 51 టాప్మెన్ టీం బ్లాక్ కమాండో ఉద్యోగాన్ని సాధించాడు. దీంతో ఎద్దుల నరేష్ తల్లిదండ్రుల ఆనందానికి అవధులు లేకుండా పోయాయి. చిన్నతనం నుంచి ఎంతో కష్టపడి పెరిగిన తమ కొడుకు ఇవాళ ఈ స్థాయికి చేరుకోవడం చాలా గర్వంగా ఉందంటూ ఆ తల్లిదండ్రులు ఇద్దరూ భావోద్వేగానికి గురయ్యారు. తమకు ఇద్దరు కొడుకులు అయితే ఒక కొడుకును దేశ రక్షణలో భాగంగా దేశ సేవకై అంకితం చేస్తామని నరేష్ తండ్రి రామకృష్ణ గర్వంగా తెలుపుతున్నాడు. మొదట్లో ఊర్లో వారంతా “మీ కొడుకు ఆర్మీ కి వెళ్ళాడు అంటే ఇక నీ కొడుకు గురించి మర్చిపోవాల్సిందే అని ఇక మీ కొడుకు మీకు దక్కడు” అని ఎన్నో మాటలు అన్నప్పటికీ ఇప్పుడు ఆ మాటలు అన్న నోరులే “నీ కొడుకు మంచి ఉద్యోగం సంపాదించాడు.. దేశానికి సేవ చేసే ఉద్యోగం ఎంతో కష్టతరమైనప్పటికీ మీ కొడుకు సాధించి తీరాడు” అని చెబుతుంటే చాలా గర్వంగా ఉందంటూ సంతోషం వ్యక్తం చేస్తున్నారు. None
What’s New
Spotlight
Advertisement
Featured News
Latest From This Week
Popular News
