NEWS
గతంలో ఎన్నడూ లేని విధంగా ఈసారి కాకినాడ జిల్లాలో ప్రముఖ సినీ హీరో క్రికెట్ ఆడుతూ సందడి చేసేందుకు వస్తున్నారు. అంతే కాదండోయ్, ఆయన నటించిన సినిమాలో ఉన్న ఒక సీన్ మాదిరిగా ట్రాక్టర్ల పోటీ కూడా పెట్టనున్నారు. స్వయంగా ఈ విషయాన్ని ఆ ప్రముఖ హీరో ఒక వీడియో రిలీజ్ చేసి “మీ ఊరు వస్తున్నాను ఈ రెండు పోటీలకు మీరు సిద్ధమై గెలిస్తే ప్రైజ్ మనీ ఇది” అంటూ ఆయన ప్రకటించారు. దీంతో నువ్వా నేనా అనే విధంగా ఆ రెండు పోటీలకు జిల్లావాసులు సిద్ధమవుతున్నారు. ఇంతకీ ఆ పోటీలు ఏంటి? ఆ ప్రముఖ హీరో ఎవరు? ఆయన తాజాగా నటించిన చిత్రం ఏంటి? ఆ విశేషాలు ఒకసారి చూద్దాం. తెలుగు చలనచిత్ర పరిశ్రమలో నవ్వుల పువ్వులు చేయాలంటే అనేకమంది హాస్యనటులు ఉన్నప్పటికీ హీరోగా మాత్రం నవ్వించేది ఒక్క అల్లరి నరేష్ అని చెప్పుకోవచ్చు. ఆయన అనేక సినిమాల్లో సీరియస్‌గా నటిస్తున్నా అది కామెడీగా ప్రేక్షకులను కడుపుబ్బా నవ్విస్తూ ఉంటుంది. అటువంటి అల్లరి నరేష్ తాజాగా నటిస్తున్న చిత్రం ‘బచ్చలమల్లె’ అని చెప్పుకోవచ్చు. ఈ సినిమా షూటింగ్ దాదాపుగా ఉమ్మడి తూర్పు గోదావరి జిల్లా అనేక సముద్ర తీర ప్రాంతాలలో మరియు కోర్టు ప్రాంగణాల్లో, ప్రధాన రహదారులపై, పర్యాటక ప్రాంతాల్లో సైతం దర్శకుడు చిత్రీకరించాడని చెప్పుకోవచ్చు. కాకినాడ జిల్లా ఎస్. అన్నవరం గ్రామానికి చెందిన సుబ్బు ఈ చిత్రానికి దర్శకుడిగా పని చేస్తున్నాడు. ‘సోలో బతికే సో బెటర్’ ఇలా అనేక హిట్ చిత్రాలకు దర్శకత్వం వహించిన సుబ్బు అల్లరి నరేష్ తో ఈ ‘బచ్చల మల్లె’ సినిమాకు దర్శకత్వం వహించి ఈ ప్రత్యేకమైన కార్యక్రమానికి శ్రీకారం చుట్టినట్లుగా సమాచారం అందుతుంది. ఇంతకీ ఏంటి ఆ రెండు పోటీలు అంటే కాకినాడ జిల్లాలో తుని రాజా మైదానంలో ‘బచ్చలి మల్లె’ మరియు స్థానిక క్రీడాకారులతో క్రికెట్ మ్యాచ్ ఏర్పాటు చేశారు. స్వయంగా అల్లరి నరేష్ ఈ పోటీల్లో పాల్గొంటున్నట్లుగా ఆయనే వీడియో రిలీజ్ చేశారు. ఈ సినిమా టీం మరియు తుని క్రికెట్ టీం మధ్య ఎవరు గెలుస్తారో వారి చేత ఈ ‘బచ్చలి మల్లె’ సినిమాకు సంబంధించి మూడవ సాంగ్ రిలీజ్ చేసే అవకాశం కల్పిస్తున్నట్లుగా హీరో అల్లరి నరేష్ తెలియజేశారు. మరోపక్క సినిమాలో ఎక్కువగా ట్రాక్టర్ పై అల్లరి నరేష్ వెళ్లే దృశ్యాలు ఉన్నట్టుగా ఇప్పటికే వీడియోలు వైరల్ అయ్యాయి. మరి బహుశా దానికి సంబంధించిందేమో గాని ఇదే రాజా మైదానంలో ట్రాక్టర్ పోటీలు పెడుతున్నాము అంటూ స్వయంగా హీరో అల్లరి నరేష్ ప్రకటించారు. ఆ ట్రాక్టర్ పోటీలో గెలుపొందిన వారికి 50,000 ప్రైజ్ మనీ ఇస్తున్నట్లుగా తెలిపారు. ఈ రెండు పోటీలు కాకినాడ జిల్లా తుని రాజా మైదానంలో నిర్వహిస్తున్నామని ఆయన తెలిపారు. ఈ విషయం ఊరువాడ వ్యాపించడంతో ఈ పోటీల్లో పాల్గొనేందుకు జిల్లా వాసులు ఇప్పటికే మక్కువ చూపుతున్నారు. అయితే ఈ నిర్వహించే కార్యక్రమం ఈనెల తొమ్మిదవ తేదీ మధ్యాహ్నం అని మీడియాకు తెలిపారు. None
What’s New
Spotlight
Advertisement
Featured News
Latest From This Week
Popular News
