NEWS
చేతి వృత్తితో రాణిస్తూ హౌరా అనిపిస్తున్న యువకుడు విజయనగరం జిల్లా చీపురుపల్లి మండలంలో కుల వృత్తితో ఆదాయం పొందుతున్నాడు ఈ యువకుడు. అంతే కాదు ఆ పాత్రల్లో వండుకుని తింటే అనారోగ్య సమస్యలు దరిచేరవని ప్రజలకు అవగాహన కల్పిస్తున్నారు. ఇంతకు అతనెవరు.. ఎందుకు ఇలా చేస్తున్నారనే విషయాలు మన లోకల్ 18 ద్వారా తెలుసుకుందాం పదండి. నేటి రోజుల్లో యువత అంటే విద్య, ఉద్యోగం, వ్యాపారం, పట్టణాలకు పోదామా విదేశాలకు వెళ్ళిపోదాం అని అనుకున్న వారే ఎక్కువ. ఈ యువకుడు మాత్రం వారికి భిన్నంగా ఆలోచిస్తున్నాడు. ఐటిఐ, ఇంటర్, డిగ్రీ పూర్తి చేసిన యువకుడు ఎలాంటి ఉద్యోగంలోనూ చేరకుండా తమ పూర్వీకులు తనకు నేర్పిన తన కులవృత్తిని తన జీవన ఉపాధిగా ఎంచుకున్నాడు. తను మట్టి కుండలు తయారు చేయడం నేర్చుకున్నాడు. ఆ రంగంలో అందరికంటే మెరుగ్గా రాణిస్తున్నాడు. తనకి ఆ విద్యను తన తండ్రి నేర్పించారని చెబుతున్నాడు. తమ వద్ద మట్టి కుండలు, ప్రమిదలు, గ్రామంలో వంట చేసే కట్టెలు పొయ్యలు తయారు చేస్తానని చెప్పాడు. ఒక కుండ తయారు చేయడానికి సుమారుగా రెండు మూడు రోజులు పడుతుంది. ఒక కుండ ఖరీదు 100 రూపాయలు నుండి 500 రూపాయల వరకు ఉంటుందని చెప్పాడు. ఈ మధ్యకాలంలో చాలా ఎక్కువగా మట్టి కుండలను కొనుగోలు చేస్తున్నారు. ఉపాధ్యాయులు, వైద్యులు, ఉద్యోగులు, విద్యావేత్తలు మట్టి కుండలను కొనుగోలు చేస్తున్నారు. ఈ మధ్యకాలంలో అల్యూమినియం పాత్రలలో వంటలు చేయడం వల్ల రోగాల బారిన పడుతున్నారు. క్యాన్సర్, షుగర్, బిపి, థైరాయిడ్, కిడ్నీ క్యాన్సర్, లివర్ క్యాన్సర్, పేగు క్యాన్సర్, గుండె సంబంధిత వ్యాధులు, సంభవిస్తున్నాయి. మట్టి పాత్రలో వంటలు చేయడం వల్ల ఎటువంటి వ్యాధులు సంభవించకుండా ఉంటాయని వైద్య నిపుణులు చెబుతున్నారు. అల్యూమినియం పాత్రల్లో వంటలు చేయడం వల్ల వ్యాధులు ఎలా వస్తాయి అంటే మరిగించిన పాత్రలు మరిగించి మరిగించి కొన్ని రోజులకు పాత్రలో హానికరమైన లోహం కరిగి ఆహారం ద్వారా శరీరంలోకి ప్రవేశించి అవయవాలను నాశనం చేస్తుంది. మట్టి పాత్రలో ఎటువంటి హానికరమైన లోహాలు ఉండవు. ప్రకృతి నుంచి వచ్చిన మట్టి ద్వారా మాత్రమే వాటిని తయారు చేస్తారు. మట్టి పాత్రలో చేసిన వంట చాలా రుచికరంగా ఉంటుంది. ఎటువంటి వ్యాధులు రాకుండా ఉంటాయని వైద్య నిపుణులు చెబుతున్నారు. విజయనగరం జిల్లా చీపురుపల్లి పట్టణంలో కుమ్మరి వీధిలో మట్టికుండల తయారు చేస్తారు. సరళమైన ధరలకే మా వద్ద మట్టి కుండలు మట్టి ప్రమిదలు లభిస్తాయని తయారీదారుడైన యువకుడు రాజు లోకల్ 18 కి వెల్లడించారు. None
What’s New
Spotlight
Advertisement
Featured News
Latest From This Week
Popular News
