NEWS
పుష్ప 2 ఎఫెక్ట్ (image credit - x - Ansh @realonlineansh) పుష్ప రూపంలో అల్లు అర్జున్ వీరవిహారం చేస్తున్నారు. బన్నీ మాస్ అవతారం అన్ని వర్గాల ఆడియన్స్‌కి పూనకాలు తెప్పిస్తోంది. డిసెంబర్ 5న విడుదలైన పుష్ప 2 సినిమా కలెక్షన్ల సునామీ సృష్టిస్తూ సరికొత్త రికార్డులు సృష్టిస్తోంది. వరల్డ్ వైడ్ పుష్పగాడి దెబ్బకు బాక్సాఫీసులు షేక్ అవుతున్నాయి. పుష్ప 2 సినిమా ప్రభంజనం తొలి రోజు నుంచే షురూ అయింది. రెండ్రోజుల్లోనే రూ.400 కోట్ల గ్రాస్ వసూళ్లతో అల్లు అర్జున్ తన పేరిట సరికొత్త రికార్డు క్రియేట్ చేసుకోగా.. మూడో రోజు ముగిసే సరికి పాన్ ఇండియా స్టార్లందరికీ ముచ్చెమటలు పట్టె వసూళ్లు రాబట్టాడు. RRR, బాహుబలి రికార్డ్స్ తుడిచి పెట్టాడు. మూడు రోజుల్లోనే ప్రపంచవ్యాప్తంగా రూ. 520 కోట్ల వసూళ్లు రాబట్టి ట్రేడ్ వర్గాలను ఆశ్చర్యపరిచింది పుష్ప 2 మూవీ. ఇక నాలుగో రోజు ఆదివారం కావడంతో ఈ వసూళ్లు మరింత పెరిగే ఛాన్స్ కనిపిస్తోంది. మైత్రి మూవీ మేకర్స్ అసోసియేషన్ విత్ సుకుమార్ రైటింగ్స్ రూపొందించిన ఈ సినిమాలో అల్లు అర్జున్ సరసన రష్మిక మందన్న నటించింది. వీళ్లిద్దరి స్క్రీన్ ప్రెజెన్స్, యాక్షన్ సీన్స్ మాస్ ఆడియన్స్ చేత ఈలలు వేయించాయి. ఈ చిత్రంలో అనసూయ కీలక పాత్ర పోషించగా.. ఫహాద్ ఫాజిల్, ధనుంజయ్, సునీల్ ఇతర ముఖ్యపాత్రల్లో నటిస్తున్నారు. శ్రీలీల స్పెషల్ సాంగ్ చేసింది. దేవి శ్రీ ప్రసాద్ సంగీతం అందించారు. విడుదలకు ముందు నుంచే భారీ హైప్ క్రియేట్ చేసుకున్న పుష్ప 2 మూవీ ప్రస్తుతం వసూళ్ల ప్రవాహం పారిస్తోంది. రూ.621 కోట్లకు పైగా ప్రీ రిలీజ్ బిజినెస్ జరిగిన ఈ సినిమా వచ్చే వారంలోపు రూ.1200 కోట్లకు పైగా కలెక్షన్లు కొల్లగొడుతుందని మేకర్స్ ధీమాగా ఉన్నారు. మరోవైపు ఈ సినిమా టిక్కెట్‌లు భారీగా తగ్గాయి. తెలుగు రాష్ట్రాల్లోని సింగిల్ స్క్రీన్‌లతో పాటు మల్టీప్లెక్స్‌ థియేటర్‌లలో రూ.150 నుంచి రూ.100 కోట్ల మేర తగ్గాయి. రేపటి నుంచి ఈ ధరలు అందుబాటులోకి రానున్నాయి. అంతేకాకుండా బుకింగ్ సైట్‌లలో తగ్గించిన ధరలు అందుబాటలో ఉన్నాయి. ఇక పుష్ప మేనియా ఆల్ ఓవర్ ఇండియాను తాకేసింది. None
What’s New
Spotlight
Advertisement
Featured News
Latest From This Week
Popular News
