NEWS
ગુજરાત, મહારાષ્ટ્ર સહિતના રાજ્યોમાં ભારે વરસાદની આગાહી Rain Update:દેશની રાજધાની દિલ્હીમાં સતત વરસાદ વરસી રહ્યો છે. જે દિલ્હીવાસીઓ માટે મુસીબત બની ગયો છે. છેલ્લા કેટલાય દિવસોથી દરરોજ સવારના વરસતા વરસાદને કારણે રસ્તા પર જાણે નદીઓ વહેવા લાગતી હોય તેવી પરિસ્થિતિ સર્જાય જાય છે. સવારના વરસાદ બાદ રસ્તાઓ પર પાણી ભરાઈ જવાના કારણે ટ્રાફિક જામની સ્થિતિ બને છે. જેને કારણે લોકોને ઓફિસે જવામાં મુશ્કેલી પડી રહી છે. IMDએ 27, 28, 29 અને 30 જુલાઈએ દિલ્હીમાં ભારે વરસાદની ચેતવણી પણ જારી કરી છે. આજે સવારે પણ દિલ્હી-NCRમાં વરસાદ પડ્યો હતો. જોકે કેટલીક જગ્યાએ વરસાદ પડ્યો હતો અને અન્ય સ્થળોએ માત્ર પવન ફૂંકાયો હતો, પરંતુ દિલ્હીવાસીઓને બફારાથી રાહત મેળી હતી. દિલ્હી-એનસીઆરમાં ગત દિવસે અને ગઈકાલે રાત્રે પણ ભારે વરસાદ પડ્યો હતો. હવામાન વિભાગે શનિવારે વરસાદનું એલર્ટ જાહેર કર્યું છે. IMD અનુસાર, આગામી બે દિવસ દિલ્હીમાં સવારે ભારે વરસાદ અને દિવસ દરમિયાન આકાશ વાદળછાયું રહી શકે છે. IMDએ દક્ષિણ ગુજરાત, મુંબઈ અને પૂર્વ મહારાષ્ટ્રમાં ભારે વરસાદનું રેડ એલર્ટ જાહેર કર્યું છે. છેલ્લા ઘણા દિવસોથી ભારે વરસાદના કારણે મુંબઈ અને ગુજરાતના વડોદરા, સુરત અને દ્વારકા જેવા અનેક જિલ્લાઓમાં પૂર જેવી સ્થિતિ સર્જાઈ છે. શુક્રવારે ભારે વરસાદને કારણે મુંબઈ અને પુણેમાં રસ્તાઓ અને રહેણાંક વિસ્તારોમાં પાણી ભરાઈ ગયા હતા. રસ્તાઓ પર પાણી ભરાવાને કારણે વાહનોની ગતિ થંભી ગઈ હતી અને ટ્રેનો પણ થંભી ગઈ હતી. ભારે વરસાદને કારણે વિઝિબિલિટી ઘટી જવાને કારણે મુંબઈથી ઘણી ફ્લાઈટ્સ રદ કરવામાં આવી હતી. હવામાન વિભાગના જણાવ્યા અનુસાર, આજે 6 રાજ્યો ગોવા, મહારાષ્ટ્ર, ગુજરાત, મધ્યપ્રદેશ, ઉત્તરાખંડ, ઓડિશામાં ભારે વરસાદનું રેડ એલર્ટ રહેશે. આ સિવાય છત્તીસગઢ, હિમાચલ પ્રદેશ, રાજસ્થાન, ઉત્તર પ્રદેશ, હરિયાણા, તમિલનાડુ, કેરળ, આસામ, મેઘાલય, પશ્ચિમ બંગાળ, ઝારખંડ, સિક્કિમમાં ભારે વરસાદની સંભાવના છે. હવામાન વિભાગે આવતીકાલે 27 જુલાઈએ પણ સારા વરસાદની ચેતવણી આપી છે. આવતીકાલે પણ મહારાષ્ટ્રમાં ભારે વરસાદનું એલર્ટ રહેશે. ઉત્તરાખંડ, ગોવા, કર્ણાટક, ગુજરાત, હિમાચલ પ્રદેશ, હરિયાણા, ચંદીગઢ, ઉત્તર પ્રદેશ, રાજસ્થાન, મધ્યપ્રદેશ, છત્તીસગઢ, પશ્ચિમ બંગાળ, સિક્કિમ, ઓડિશા, આસામ, મેઘાલયમાં પણ વરસાદ પડી શકે છે. None
What’s New
Spotlight
Advertisement
Featured News
Latest From This Week
Popular News
