NEWS
ಬಂಡುಕೋರರು ಉತ್ತರ ಸಿರಿಯಾದ ನಗರವನ್ನು ಪ್ರವೇಶಿಸಿದ ನಂತರ, ಅಲೆಪ್ಪೊದಲ್ಲಿ ಸಿರಿಯಾದ ಅಧ್ಯಕ್ಷ ಬಶರ್ ಅಲ್-ಅಸ್ಸಾದ್ ಅವರ ಭಾವಚಿತ್ರವನ್ನು ಹರಿದು ಹಾಕಿದರು. ಮಾಸ್ಕೋ (Moscow): ಬಶರ್ ಅಲ್-ಅಸ್ಸಾದ್ (Bashar al-Assad) ಅವರು ಸಿರಿಯಾ (Syria) ಅಧ್ಯಕ್ಷ ಸ್ಥಾನಕ್ಕೆ ರಾಜೀನಾಮೆ ನೀಡಿ ದೇಶವನ್ನು ತೊರೆದಿದ್ದಾರೆ ಎಂದು ರಷ್ಯಾ (Russia) ಖಚಿತಪಡಿಸಿದೆ. ಇನ್ನು ಘರ್ಷಣೆಯಲ್ಲಿ ತೊಡಗಿರುವ ಸಿರಿಯಾ ಪಡೆ ಹಾಗೂ ಬಂಡುಕೋರ ಇಸ್ಲಾಮಿ ಒಕ್ಕೂಟದ ಹಯಾತ್ ತಹ್ರೀರ್ ಅಲ್-ಶಾಮ್ (Hayat Tahrir al-Sham) ಪಡೆಗಳೊಂದಿಗೆ ಮಾತುಕತೆ ನಡೆಸಿದ ನಂತರ ಅಸ್ಸಾದ್ ಅವರು ಅಧ್ಯಕ್ಷ ಸ್ಥಾನವನ್ನು ತೊರೆದಿದ್ದು, ಬಂಡುಕೋರರಿಗೆ ಶಾಂತಿಯುತವಾಗಿ ಅಧಿಕಾರವನ್ನು ಹಸ್ತಾಂತರಿಸಲು ಅವರು ಒಪ್ಪಿಕೊಂಡಿದ್ದಾರೆ ಎಂದು ಮಾಸ್ಕೋ ಹೇಳಿದೆ. ಇದರೊಂದಿಗೆ ಬಂಡುಕೋರರು ಒಂದು ವಾರದ ಮಿಂಚಿನ ದಾಳಿಯಲ್ಲಿ ಅಸ್ಸಾದ್ ಅವರ 24 ವರ್ಷಗಳ ಸುದೀರ್ಘ ಆಡಳಿತವನ್ನು ಉರುಳಿಸಿದ್ದಾರೆ. ಶಾಂತಿಯುತವಾಗಿ ಅಧಿಕಾರ ವರ್ಗಾವಣೆ “ಬಿ ಅಸ್ಸಾದ್ ಮತ್ತು SAR ನಲ್ಲಿನ ಸಶಸ್ತ್ರ ಸಂಘರ್ಷದಲ್ಲಿ ಭಾಗವಹಿಸುವವರ ನಡುವಿನ ಮಾತುಕತೆಗಳ ಪರಿಣಾಮವಾಗಿ, ಅವರು ಅಧ್ಯಕ್ಷ ಸ್ಥಾನದೊಂದಿಗೆ ದೇಶವನ್ನು ತೊರೆದು, ಶಾಂತಿಯುತವಾಗಿ ಅಧಿಕಾರವನ್ನು ವರ್ಗಾಯಿಸಲು ಸೂಚನೆಗಳನ್ನು ನೀಡಿದರು” ಎಂದು ರಷ್ಯಾದ ವಿದೇಶಾಂಗ ಸಚಿವಾಲಯ ಹೇಳಿಕೆಯಲ್ಲಿ ತಿಳಿಸಿದೆ. ಆದರೆ ಸಿರಿಯಾ ಪಡೆ ಹಾಗೂ ಬಂಡುಕೋರ ಪಡೆಗಳ ಮಾತುಕತೆಯಲ್ಲಿ ತಾನು ಭಾಗವಹಿಸಿಲ್ಲ ಎಂದು ಮಾಸ್ಕೋ ಹೇಳಿದೆ. “ಹಿಂಸಾಚಾರದ ಬಳಕೆಯನ್ನು ತ್ಯಜಿಸಲು ಮತ್ತು ರಾಜಕೀಯ ವಿಧಾನಗಳ ಮೂಲಕ ಎಲ್ಲಾ ಆಡಳಿತ ಸಮಸ್ಯೆಗಳನ್ನು ಪರಿಹರಿಸಲು” ಆಡಳಿತ ವಿರೋಧಿ ಹೋರಾಟಗಾರರಿಗೆ ಮನವಿ ಮಾಡಿದೆ. ಎಲ್ಲ ಬಂಡುಕೋರ ಪಡೆಗಳೊಂದಿಗೆ ಸಂಪರ್ಕ “ರಷ್ಯಾದ ಒಕ್ಕೂಟವು ಸಿರಿಯನ್ ವಿರೋಧದ ಎಲ್ಲಾ ಗುಂಪುಗಳೊಂದಿಗೆ ಸಂಪರ್ಕದಲ್ಲಿದೆ. ಸಿರಿಯನ್ ಸಮಾಜದ ಎಲ್ಲಾ ಜನಾಂಗೀಯ-ತಪ್ಪೊಪ್ಪಿಗೆಯ ಶಕ್ತಿಗಳ ಅಭಿಪ್ರಾಯಗಳನ್ನು ಗೌರವಿಸಲು ನಾವು ಕರೆ ನೀಡುತ್ತೇವೆ ಮತ್ತು ಅಂತರ್ಗತ ರಾಜಕೀಯ ಪ್ರಕ್ರಿಯೆಯನ್ನು ಸ್ಥಾಪಿಸುವ ಪ್ರಯತ್ನಗಳನ್ನು ಬೆಂಬಲಿಸುತ್ತೇವೆ” ಎಂದು ವಿದೇಶಾಂಗ ಸಚಿವಾಲಯ ಹೇಳಿದೆ. ಇದರ ನಡುವೆ ಅಧ್ಯಕ್ಷ ಅಸ್ಸಾದ್ ರಾಜಧಾನಿಯಿಂದ ಅಜ್ಞಾತ ತಾಣಕ್ಕೆ ಪಲಾಯನ ಮಾಡಿದ ನಂತರ ಸಿರಿಯನ್ ಆಡಳಿತ ವಿರೋಧಿ ಹೋರಾಟಗಾರರು ದೇಶವನ್ನು “ವಿಮೋಚನೆಗೊಳಿಸಲಾಗಿದೆ” ಎಂದು ಘೋಷಿಸಿದರು. ಇದನ್ನು ಓದಿ: ಬಂಡುಕೋರರ ಮುಂದೆ ಮಂಡಿಯೂರಿದ ಸಿರಿಯಾ! ಸೇನೆಯನ್ನು ಹಿಮ್ಮೆಟ್ಟಿ ಒಳಪ್ರವೇಶಿಸಿದ ಉಗ್ರರು! ಸಿರಿಯಾ ಅಂತರ್ಯುದ್ದಕ್ಕೆ ಇಸ್ರೇಲ್ ಎಂಟ್ರಿ! ಡಮಾಸ್ಕಸ್ ಮೇಲೆ ವಾಯು ದಾಳಿ ಡಮಾಸ್ಕಸ್: ಇಸ್ಲಾಮಿ ಒಕ್ಕೂಟದ ಹಯಾತ್ ತಹ್ರೀರ್ ಅಲ್-ಶಾಮ್ ನೇತೃತ್ವದ ಬಂಡುಕೋರ ಪಡೆಗಳು ಭಾನುವಾರ ಸಿರಿಯಾ ರಾಜಧಾನಿ ಡಮಾಸ್ಕಸ್ ನಗರವನ್ನು ವಶಕ್ಕೆ ಪಡೆದ ನಂತರ ಇಸ್ರೇಲ್ ದೇಶದ ಸೇನಾ ಪಡೆಗಳು ಡಮಾಸ್ಕಸ್ ಬಳಿಯ ವಾಯು ರಕ್ಷಣಾ ನೆಲೆಗಳು ಮತ್ತು ಯುದ್ಧಸಾಮಗ್ರಿ ಡಿಪೋಗಳನ್ನು ಗುರಿಯಾಗಿಸಿಕೊಂಡು ದಾಳಿ ನಡೆಸಿದೆ. ಡಮಾಸ್ಕಸ್ ಬಳಿಯ ವಾಯು ರಕ್ಷಣಾ ನೆಲೆಗಳ ಮೇಲೆ ಇಸ್ರೇಲ್ ದಾಳಿ ಬಂಡುಕೋರ ಪಡೆಗಳು ರಾಜಧಾನಿ ಡಮಾಸ್ಕಸ್ ಅನ್ನು ವಶಪಡಿಸಿಕೊಂಡ ನಂತರ, ಇಸ್ರೇಲ್ ಗಡಿಯಾದ ಗೋಲನ್ ಹೈಟ್ಸ್‌ನ ಪಕ್ಕದಲ್ಲಿರುವ ನೈಋತ್ಯ ಸಿರಿಯಾದಲ್ಲಿನ ಸೇನಾರಹಿತ ಬಫರ್ ವಲಯಕ್ಕೆ ವಿಶ್ವ ಸಂಸ್ಥೆಯ ಶಾಂತಿಪಾಲಕರಿಗೆ ಸಹಾಯ ಮಾಡಲು ಪಡೆಗಳನ್ನು ನಿಯೋಜಿಸಿರುವುದಾಗಿ ಇಸ್ರೇಲ್ ಸೇನೆ ಹೇಳಿದ್ದು, ಇದಾದ ಕೆಲವೇ ಸಮಯದಲ್ಲಿ ಡಮಾಸ್ಕಸ್ ಬಳಿಯ ವಾಯು ರಕ್ಷಣಾ ನೆಲೆಗಳ ಮೇಲೆ ದಾಳಿ ಮಾಡಿದೆ. None
What’s New
Spotlight
Advertisement
Featured News
Latest From This Week
Popular News
