NEWS
ನಾಲ್ಕೇ ನಾಲ್ಕು ದಿನಗಳಲ್ಲಿ 20 ಕೋಟಿ ಕ್ಲಬ್ ಸೇರಿದ ಉಪ್ಪಿಯ UI ಸಿನಿಮಾ; ಫುಲ್ ಡಿಟೈಲ್ ಇಲ್ಲಿದೆ ಓದಿ ಸ್ಯಾಂಡಲ್‌ವುಡ್‌ನ ಯುಐ ಚಿತ್ರ (UI Movie) 20 ಕೋಟಿ ಕ್ಲಬ್ ಸೇರಿದೆ. ನಾಲ್ಕು ದಿನಗಳಲ್ಲಿ ಈ ಚಿತ್ರ ಇಷ್ಟು ಕಲೆಕ್ಷನ್ ಮಾಡಿದೆ. ದಿನದಿಂದ ದಿನಕ್ಕೆ ಈ ಚಿತ್ರದ ಕಲೆಕ್ಷನ್‌ನಲ್ಲಿ ವ್ಯತ್ಯಾಸವೂ ಕಾಣಿಸಿಕೊಂಡಿದೆ. ಸಿನಿಮಾ (Movie) ಕೂಡ ಎಲ್ಲರಿಗೂ ಒಂದೊಂದು ರೀತಿ ಕಾಣಿಸಿಕೊಂಡಿದೆ. ಹಾಗಾಗಿಯೇ ಇದನ್ನ ಎರಡನೇ ಸಲ ನೋಡ್ಬೇಕು ಅನ್ನೋರೇ ಹೆಚ್ಚಿದ್ದಾರೆ. ಹೆಣ್ಣುಮಕ್ಕಳಿಗೆ ಈ ಚಿತ್ರ ಅರ್ಥ ಆಗಿದೆ ಅಂತ ಹೇಳೋದು ಕಷ್ಟ ಆಗುತ್ತದೆ. ಆದರೂ ಹೆಣ್ಣುಮಕ್ಕಳು (Ladies) ಒಂದು ಕುತೂಹಲಕ್ಕೆ ಈ ಚಿತ್ರ ನೋಡಿದ್ದಾರೆ. ಯುವಕರು ಎರಡು ಸಲ ನೋಡ್ಬೇಕು ಅಂತಲೇ ಹೇಳ್ತಿದ್ದಾರೆ. ಹಾಗೆ ಈ ಎಲ್ಲದರ ಒಂದು ಸ್ಟೋರಿ ಇಲ್ಲಿದೆ ಓದಿ. ಯುಐ ಚಿತ್ರಕ್ಕೆ 20.85 ಕೋಟಿ ಕಲೆಕ್ಷನ್ ಯುಐ ಚಿತ್ರ ಎಲ್ಲರಿಗೂ ಒಂದೇ ರೀತಿ ಕಾಣುತ್ತಿಲ್ಲ ಬಿಡಿ. ಆಯಾ ಪ್ರೇಕ್ಷಕರ ಫೋಕಸ್ ಮೇಲೇನೆ ಎಲ್ರೂ ತಮ್ಮ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ. ನಾಲ್ಕನೇ ದಿನವೂ ಜನರ ಅಭಿಪ್ರಾಯ ಹೆಚ್ಚು ಕಡಿಮೆ ಒಂದೇ ರೀತಿ ಇದೆ. ಆದರೆ, ಕಲೆಕ್ಷನ್ ವಿಚಾರದಲ್ಲಿ ವ್ಯತ್ಯಾಸ ಇದೆ. ಫಸ್ಟ್ ಡೇ ಬೇರೆ ಇದೆ. ಎರಡನೇ ದಿನವೂ ಬೇರೆ ಇದೆ. ಮೂರನೇ ಮತ್ತು ನಾಲ್ಕನೆ ದಿನದ ಲೆಕ್ಕ ಬೇರೇನೆ ಬಿಡಿ. ಆದರೂ ಈ ಚಿತ್ರ 20 ಕೋಟಿ ಕ್ಲಬ್ ಸೇರಿದೆ. 20.85 ಕೋಟಿ ಕಲೆಕ್ಷನ್ ಮಾಡಿದೆ. ಈ ಮೂಲಕ ಈ ಚಿತ್ರ ತನ್ನದೇ ದಾಟಿಯಲ್ಲಿಯೇ ಸಾಗುತ್ತಿದೆ. Sacnilk.com ಪ್ರಕಾರ ಈ ಚಿತ್ರದ ನಾಲ್ಕು ದಿನದ ಒಟ್ಟು ಕಲೆಕ್ಷನ್ ಲೆಕ್ಕ ಹೀಗಿದೆ. ಮೊದಲ ದಿನ- 6.95 ಎರಡನೇ ದಿನ- 5.6 ಮೂರನೇ ದಿನ-5.95 ನಾಲ್ಕನೇ ದಿನ- 2.35 ಸೆಲೆಬ್ರಿಟಿಗಳು ಮೆಚ್ಚಿದ ಸಿನಿಮಾ ಯುಐ ಚಿತ್ರವನ್ನ ಸೆಲೆಬ್ರಿಟಿಗಳು ಮೆಚ್ಚಿಕೊಂಡಿದ್ದಾರೆ. ರಾಕಿಂಗ್ ಸ್ಟಾರ್ ಯಶ್ ಮತ್ತು ರಾಧಿಕಾ ಪಂಡಿತ್ ಈ ಚಿತ್ರ ನೋಡಿದ್ದಾರೆ. ಕಿಚ್ಚ ಸುದೀಪ್ ಈ ಚಿತ್ರವನ್ನ ಮೆಚ್ಚಿಕೊಂಡಿದ್ದಾರೆ. ಇತರ ಕಲಾವಿದರು ಯುಐ ಸಿನಿಮಾ ನೋಡಿ ಖುಷಿಪಟ್ಟಿದ್ದಾರೆ. ಇದನ್ನೂ ಓದಿ: Yash-Sudeep: UI ಸೆಲೆಬ್ರಿಟಿ ಶೋನಲ್ಲಿ ರಾಕಿಭಾಯ್ ಮೀಟ್ಸ್ ಕಿಚ್ಚ! ಯಶ್ಗೆ ಪ್ರೀತಿಯ ಅಪ್ಪುಗೆ ಕೊಟ್ಟ ಸುದೀಪ್! ಉಪ್ಪಿಯ ಡೈರೆಕ್ಷನ್ ಹಾಗೂ ಉಪ್ಪಿಯ ಕಲ್ಪನೆಯನ್ನ ಎಲ್ಲರೂ ಮೆಚ್ಚಿಕೊಂಡಿದ್ದಾರೆ. ಈ ಮೂಲಕ ತಮ್ಮ ಅಭಿಪ್ರಾಯವನ್ನ ಅಷ್ಟೇ ಪ್ರೀತಿಯಿಂದಲೇ ಹೇಳಿಕೊಂಡಿದ್ದಾರೆ. ಉಪ್ಪಿ ಜೀವನದ ಈ ಚಿತ್ರ ತುಂಬಾನೆ ವಿಶೇಷವೂ ಆಗಿದೆ. 9 ವರ್ಷ ಆದ್ಮೇಲೆ ಡೈರೆಕ್ಷನ್ ಮಾಡಿರೋ ಈ ಚಿತ್ರದ ಕ್ರೇಜ್ ಬೇರೇನೆ ಇದೆ. ಎ ಚಿತ್ರವೂ ಯಾರಿಗೂ ಅರ್ಥ ಆಗಿರಲಿಲ್ಲ ಉಪ್ಪಿಯ ಎ ಚಿತ್ರ ಕೂಡ ಜನಕ್ಕೆ ಅರ್ಥ ಆಗಿರಲಿಲ್ಲ. ಅದಕ್ಕೇನೆ ಈ ಸಿನಿಮಾವನ್ನ ಆರಂಭದಲ್ಲೂ ಯಾರೂ ನೋಡಿರಲಿಲ್ಲ. ಹಾಗೇ ಯುಐ ಚಿತ್ರವನ್ನ ಕೂಡ ಎಲ್ಲರೂ ಒಂದೇ ರೀತಿ ತೆಗೆದುಕೊಂಡಿಲ್ಲ. ಎಲ್ಲರಿಗೂ ಒಂದೊಂದು ರೀತಿ ಈ ಚಿತ್ರ ಕಾಣಿಸಿದೆ. ಹಾಗಾಗಿಯೇ ಕಲೆಕ್ಷನ್ ವಿಚಾರದಲ್ಲಿ ದಿನೇ ದಿನೇ ವ್ಯತ್ಯಾವೂ ಕಾಣಿಸಿಕೊಂಡಿದೆ. ಹಾಗಾಗಿಯೇ ನಾಲ್ಕು ದಿನಕ್ಕೆ 20 ಕೋಟಿ ಕ್ಲಬ್ ಸೇರಿದೆ. ಈ ಮೂಲಕ ಈ ಚಿತ್ರದ ಕಲೆಕ್ಷನ್ ಲೆಕ್ಕ ಇನ್ನೂ ಜಾಸ್ತಿ ಆಗುವ ನಿರೀಕ್ಷೆ ಇದೆ. ಕಾರಣ ಏನೂ ಅಂದ್ರೆ, ಉಪ್ಪಿ ಚಿತ್ರಗಳು ನಿಧಾನಕ್ಕೇನೆ ಜನಕ್ಕೆ ಅರ್ಥ ಆಗುತ್ತವೆ. ಅರ್ಥ ಮಾಡಿಕೊಳ್ಳಲೆಂದೇ ಸಿನಿಮಾ ನೋಡೋಕೆ ಬರೋರು ಇದ್ದಾರೆ. ಹಾಗಿಯೇ 2ನೇ ವಾರ ಯುಐ ಚಿತ್ರದ ಕಲೆಕ್ಷನ್ ಇನ್ನೂ ಜಾಸ್ತಿ ಆಗುವ ನಿರೀಕ್ಷೆಯನ್ನು ತಳ್ಳಿ ಹಾಕುವಂತಿಲ್ಲ ಅಂತಲೂ ಹೇಳಬಹುದು. None
What’s New
Spotlight
Advertisement
Featured News
Latest From This Week
Popular News
