ಸೆಮಿಫೈನಲ್ ಪ್ರವೇಶಿಸಿದ ವೆಸ್ಟ್ ಇಂಡೀಸ್ ದುಬೈ: ಕೆಲವೊಮ್ಮೆ ವಿಶ್ವಕಪ್ನಂತಹ (T20 World Cup) ಟೂರ್ನಿಗಳಲ್ಲಿ ತಂಡಗಳು ಮಾಡುವ ಸಣ್ಣ ತಪ್ಪುಗಳಿಗೆ ದೊಡ್ಡ ಬೆಲೆ ತೆರಬೇಕಾಗುತ್ತದೆ. ಸತತ ಮೂರು ಪಂದ್ಯಗಳಲ್ಲಿ ಗೆದ್ದರೂ ಇಂಗ್ಲೆಂಡ್ (England) ತಂಡ ವಿಶ್ವಕಪ್ನಿಂದ ಹೊರಬಿದ್ದಿದೆ. ವೆಸ್ಟ್ ಇಂಡೀಸ್ (West Indies) ವಿರುದ್ಧ ಸೋಲಿನೊಂದಿಗೆ ಟೂರ್ನಿಯಲ್ಲಿ 3ನೇ ಸ್ಥಾನಕ್ಕೆ ಕುಸಿದು ಟಿ20 ವಿಶ್ವಕಪ್ನಿಂದ ಹೊರಬಿದ್ದಿದೆ. ದಕ್ಷಿಣ ಆಫ್ರಿಕಾ, ವೆಸ್ಟ್ ಇಂಡೀಸ್ ಹಾಗೂ ಇಂಗ್ಲೆಂಡ್ ಲೀಗ್ನಲ್ಲಿ ತಲಾ 3 ಪಂದ್ಯಗಳಲ್ಲಿ ಗೆಲುವು ಸಾಧಿಸಿದರೂ, ನೆಟ್ ರನ್ರೇಟ್ನಲ್ಲಿ ಇಂಗ್ಲೆಂಡ್ ಉಳಿದ 2 ತಂಡಗಳಿಗಿಂತ ಹಿಂದೆ ಬಿದ್ದಿದ್ದು, ಟೂರ್ನಿಯಿಂದ ಹೊರ ಬೀಳುವುದಕ್ಕೆ ಕಾರಣವಾಗಿದೆ. ಬ್ಯಾಟಿಂಗ್ ವೈಫಲ್ಯ ಮಂಗಳವಾರ ನಡೆದ ಸೆಮಿಫೈನಲ್ ನಿರ್ಧರಿಸುವ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ ಇಂಗ್ಲೆಂಡ್ ತಂಡ 20 ಓವರ್ಗಳಲ್ಲಿ 7 ವಿಕೆಟ್ ಕಳೆದುಕೊಂಡು 141ರನ್ಗಳಿಸಿತ್ತು. ನ್ಯಾಟ್ ಸೀವರ್ ಬ್ರಂಟ್ 50 ಎಸೆತಗಳಲ್ಲಿ 5 ಬೌಂಡರಿ ಸಹಿತ 57 ರನ್ಗಳಿಸಿದರು. ನಾಯಕಿ ಹೀದರ್ ನೈಟ್ 13 ಎಸೆತಗಳಲ್ಲಿ 21ರನ್ಗಳಿಸಿದರು. ಉಳಿದ ಯಾವ ಬ್ಯಾಟರ್ಗಳು 20ರ ಗಡಿ ದಾಟಲಿಲ್ಲ. ಇದು ತಂಡಕ್ಕೆ ದೊಡ್ಡ ಹೊಡೆತ ನೀಡಿತು. ವೆಸ್ಟ್ ಇಂಡೀಸ್ ಪರ ಹೇಲಿ ಮ್ಯಾಥ್ಯೂಸ್ 35ಕ್ಕೆ 2, ಅಫಿ ಫ್ಲೆಚರ್ 21ಕ್ಕೆ 3 ವಿಕೆಟ್ ಪಡೆದರೆ, ದಿಯಾಂಡ್ರೆ ಡಟ್ಟಿನ್ 16ಕ್ಕೆ 1 ವಿಕೆಟ್ ಪಡೆದು ಮಿಂಚಿದರು. 142ರ ಮೊತ್ತವನ್ನು ಬೆನ್ನಟ್ಟಿದ ವೆಸ್ಟ್ ಇಂಡೀಸ್ 18 ಓವರ್ಗಳಲ್ಲಿ 4 ವಿಕೆಟ್ ಕಳೆದುಕೊಂಡು 142 ರನ್ಗಳಿಸಿ ಗೆಲುವು ಸಾಧಿಸಿ ಸೆಮಿಫೈನಲ್ ಪ್ರವೇಶಿಸಿದೆ. ಇದನ್ನೂ ಓದಿ: ಆ ಒಂದು ನಿರ್ಧಾರದಿಂದ ಕೊಹ್ಲಿ, ಸಚಿನ್, ಧೋನಿಯನ್ನೇ ಹಿಂದಿಕ್ಕಿ 1450 ಕೋಟಿ ಒಡೆಯನಾದ ಮಾಜಿ ಕ್ರಿಕೆಟರ್ ಮೊದಲ ವಿಕೆಟ್ಗೆ ಶತಕದ ಜೊತೆಯಾಟ ಕಠಿಣ ಗುರಿ ಬೆನ್ನಟ್ಟಿದ ವೆಸ್ಟ್ ಇಂಡೀಸ್ ತಂಡಕ್ಕೆ ನಾಯಕಿ ಹೇಲಿ ಮ್ಯಾಥ್ಯೂಸ್ ಹಾಗೂ ಕಿಯಾನ ಜೋಸೆಫ್ ಮೊದಲ ವಿಕೆಟ್ಗೆ 102 ರನ್ಗಳ ಜೊತೆಯಾಟ ನೀಡಿದರು. ಜೋಸೆಫ್ 38 ಎಸೆತಗಳಲ್ಲಿ 6 ಬೌಂಡರಿ, 2 ಸಿಕ್ಸರ್ ಸಹಿತ 52 ರನ್ಗಳಿಸಿದರೆ, ಮ್ಯಾಥ್ಯೂಸ್ 38 ಎಸೆತಗಳಲ್ಲಿ 7 ಬೌಂಡರಿ, 1 ಸಿಕ್ಸರ್ 50 ರನ್ಗಳಿಸಿದರು. ಕೊನೆಯಲ್ಲಿ ಅಬ್ಬರಿಸಿದ ದಿಯಾಂಡ್ರ ಡಟ್ಟಿನ್ 19 ಎಸೆತಗಳಲ್ಲಿ ತಲಾ 2 ಬೌಂಡರಿ, 2 ಸಿಕ್ಸರ್ ಸಹಿತ 27ರನ್ಗಳಿಸಿ ತಂಡಕ್ಕೆ ಗೆಲುವು ತಂದುಕೊಟ್ಟರು. ಇಂಗ್ಲೆಂಡ್ ಪರ ಸಾರಾ ಗ್ಲೆನ್ 20ಕ್ಕೆ1, ಸೋಫೀ ಎಕ್ಲೆನ್ಸ್ಟೋನ್ 21ಕ್ಕೆ1, ಸೀವರ್ ಬ್ರಂಟ್ 33ಕ್ಕೆ 1 ವಿಕೆಟ್ ಪಡೆದರು. ಇಂಗ್ಲೆಂಡ್ ವಿಶ್ವಕಪ್ನಿಂದ ಹೊರ ಬೀಳಲು ಕಾರಣ ಇಂಗ್ಲೆಂಡ್ ತನ್ನ ಮೊದಲ ಮೂರು ಪಂದ್ಯಗಳಲ್ಲಿ ಬಾಂಗ್ಲಾದೇಶದ ವಿರುದ್ಧ 21ರನ್, ದಕ್ಷಿಣ ಆಫ್ರಿಕಾ ವಿರುದ್ಧ 7 ವಿಕೆಟ್ ಹಾಗೂ ಸ್ಕಾಟ್ಲೆಂಡ್ ವಿರುದ್ಧ10 ವಿಕೆಟ್ ಜಯ ಸಾಧಿಸಿತ್ತು. ಆರೆ ದಕ್ಷಿಣ ಆಫ್ರಿಕಾ ವಿರುದ್ಧ 125ರನ್ಗಳ ಗುರಿಯನ್ನ 20ನೇ ಓವರ್ನಲ್ಲಿ ತಲುಪಿದ್ದು, ಹಾಗೂ ಬಾಂಗ್ಲಾದೇಶದ ವಿರುದ್ಧ ಕೇವಲ 118ರನ್ಗಳಿಸಿದ್ದು, ತಂಡಕ್ಕೆ ರನ್ ರೇಟ್ ಲೆಕ್ಕಾಚಾರದಲ್ಲಿ ದೊಡ್ಡ ಹೊಡೆತ ನೀಡಿತು. ಇದೇ ಕಾರಣದಿಂದ 3 ಪಂದ್ಯ ಗೆದ್ದರೂ ಟೂರ್ನಿಯಿಂದ ಲೀಗ್ ಹಂತದಲ್ಲೇ ಹೊರ ಬೀಳಲು ಕಾರಣವಾಯಿತು. None
Popular Tags:
Share This Post:
Weight Loss: ಈ ವಿಚಾರವನ್ನು ಕಂಟ್ರೋಲ್ ಮಾಡಿದ್ರೆ ತೂಕ ಇಳಿಸೋದು ಬಲು ಸುಲಭ!
- by Sarkai Info
- October 22, 2024
What’s New
Actress: ಪ್ರಿಯಕರನಿಗಾಗಿ ಮೂರುವರೆ ವರ್ಷದ ಬಾಲಕನ ಕಿಡ್ನ್ಯಾಪ್! ನಟಿ ಅಂದರ್
- By Sarkai Info
- October 21, 2024
Spotlight
Today’s Hot
-
- October 21, 2024
-
- October 21, 2024
-
- October 21, 2024
Featured News
Latest From This Week
Snake Bite: ಹಾವು ಕಚ್ಚಿದ್ರೆ ತಪ್ಪಿಯೂ ಈ ಆರು ಕೆಲಸ ಮಾಡದಿರಿ, ಜೀವಕ್ಕೇ ಮಾರಕ! ಎಚ್ಚರ!
NEWS
- by Sarkai Info
- October 17, 2024
Subscribe To Our Newsletter
No spam, notifications only about new products, updates.