NEWS
જયપુર: જયપુરના ભાંકરોટા વિસ્તારમાં શુક્રવારે એલપીજી ટેન્કરને એક ટ્રક દ્વારા ટક્કર વાગ્યા બાદ 30થી વધારે વાહનો તેની ચપેટમાં આવી ગયા. આ ઘટનામાં 11 લોકોના મોત થઈ ગયા છે અને 35 લોકો ઘાયલ થયા છે. 35 લોકોને હોસ્પિટલમાં દાખલ કર્યા છે, જેમાંથી અમુક વેન્ટિલેટર પર છે. આ દુર્ઘટના એટલી ભયાનક હતી કે, જોતજોતામાં આગે વિકરાળ સ્વરૂપ ધારણ કરી લીધું. ત્યાંથી પસાર થતી એક બસ સહિત કેટલીય કાર અને વાહનો ચપેટમાં આવી ગયા. પ્રત્યક્ષદર્શીઓના જણાવ્યા અનુસાર, આગની લપેટો એક કિમી સુધી દેખાઈ રહી હતી અને નેશનલ હાઈવે પર એક મોટો આગનો ગોળો જોવા મળ્યો હતો. આ બાજુ રાજ્યના સ્વાસ્થ્ય મંત્રી ગજેન્દ્ર સિંહ ખીંવસરે જણાવ્યું કે, ઘાયલોમાં અડધાની હાલત ગંભીર છે. પ્રધાનમંત્રી નરેન્દ્ર મોદીએ આ દુર્ઘટના પર શોક વ્યક્ત કરતા મૃતકના પરિવારના પ્રધાનમંત્રી રાહત કોષમાંથી બે-બે લાખ રૂપિયા આપવાની જાહેરાત કરી છે. રાષ્ટ્રપતિએ પણ દુર્ઘટનામાં લોકોના મોત પર શોક પ્રકટ કર્યો છે. કેન્દ્રીય ગૃહમંત્રી અમિત શાહે આ દુર્ઘટનાને લઈને મુખ્યમંત્રી ભુપેન્દ્ર પટેલ સાથે વાત કરી અને જાણકારી લીધી હતી. મુખ્યમંત્રી, નાયબ મુખ્યમંત્રી અને ગૃહરાજ્ય મંત્રી ઘટનાસ્થળે પહોંચી ગયા હતા. મુખ્યમંત્રીએ આ ઘટનાની વિસ્તૃત તપાસ કરવા અને ઘાયલોને યોગ્ય સારવાર મળે તેની ખાતરી કરી હતી. અધિકારીઓએ જણાવ્યું કે, આ દુર્ઘટના વહેલી સવારે પોણા છ વાગ્યે થઈ હતી. શરૂઆતી જાણકારી અનુસાર, જયપુર-અજમેર રાષ્ટ્રીય રાજમાર્ગ પર ભાંકરોટા નજીક એલપીજી ટેન્કરને એક ટ્રકે ટક્કર મારી હતી, જેના કારણે આગ લાગી ગઈ. જોતજોતામાં આગ વિકરાળ બની ગઈ અને ત્યાંથી પસાર થતી એક બસ સહિત કેટલાય વાહનો તેની ચપેટમાં આવી ગયા. વીડિયો જે સામે આવ્યા છે, તે મુજબ જીવ બચાવવા માટે લોકો ભાગતા દેખાઈ રહ્યા હતા. None
What’s New
Spotlight
Advertisement
Featured News
Latest From This Week
Popular News
