NEWS
ગાંધીનગર: ગુજરાત સરકાર દ્વારા રાજ્યના હજારો કર્મચારીઓ અને તેમના પરિવારજનોના હિતમાં મહત્ત્વપૂર્ણ અને ઐતિહાસિક નિર્ણય લેવામાં આવ્યા છે. મુખ્યમંત્રીના માર્ગદર્શન હેઠળ થયેલી કેબિનેટ બેઠકમાં આ નિર્ણયો લેવાયા છે. મંત્રીમંડળની બેઠક પછી રાજ્યના પ્રવક્તા મંત્રી ઋષિકેશ પટેલે જાહેરાત કરી કે, 2005 પહેલાં ફિક્સ પગારમાં નિમણૂક મેળવેલા 60,245 જેટલા કર્મચારીઓને જૂની પેન્શન યોજનાનો લાભ આપવાનો સૈદ્ધાંતિક સ્વીકાર કરવામાં આવ્યો છે. ગુજરાતના કર્મચારીઓ દ્વારા વિતરણ અને પેન્શન સંબંધિત પ્રશ્નોને ઉકેલવા માટે લાંબા સમયથી માંગ કરવામાં આવી રહી હતી. 1 એપ્રિલ 2005ની પેન્શન યોજનાના અમલ પહેલાં ફિક્સ પગારમાં કામ કરતા કર્મચારીઓએ સરકારની સામે પોતાની સમસ્યાઓ રજુ કરી હતી. આ કર્મચારીઓની નિયમિત નિમણૂક 1 એપ્રિલ 2005 પછી થઈ હતી, જેની પ્રક્રિયા પહેલા શરૂ થઈ હતી. કેબિનેટ દ્વારા આ તમામ કર્મચારીઓને જૂની પેન્શન યોજનાનો લાભ આપવાનો નિર્ણય કરવામાં આવ્યો છે, જે 60 હજારથી વધુ કર્મચારીઓ માટે રાહતના સમાચાર છે. મંત્રીએ જણાવ્યું કે, આ ઉપરાંત ચાર્જ એલાઉન્સ, ટ્રાવેલ ભથ્થાં અને દૈનિક ભથ્થાના દરોમાં સુધારો કરવાની રજૂઆતો પણ રાજ્ય સરકારે સ્વીકારી છે. ચાર્જ એલાઉન્સ હાલના 5% કે 10%ની જગ્યાએ સાતમા પગાર પંચ મુજબ અપાશે. તેમજ, વયનિવૃત્તિ અને અવસાન ગ્રેજ્યુઇટીની રકમમાં પણ વધારો કરવામાં આવશે. મુખ્ય મંત્રીના માર્ગદર્શન હેઠળ આરોગ્ય મંત્રી ઋષિકેશ પટેલ, સહકાર મંત્રી જગદીશ વિશ્વકર્મા, અને પંચાયત મંત્રી બચુભાઈ ખાબડની મંત્રિપરિષદે કર્મચારી મંડળો સાથે મેરેથોન બેઠકો યોજી હતી. આ પ્રક્રિયા બાદ આજે આ મહત્ત્વના નિર્ણયો લેવામાં આવ્યા છે. આ નિર્ણયો સિવાયની અન્ય લાભદાયક સુધારા રાજ્યના વહીવટના ભાગ રૂપે કરવામાં આવ્યા છે. મંત્રીએ કહ્યું કે, આ ફેરફારોને કારણે રાજ્યની તિજોરી પર વાર્ષિક રૂ. 200 કરોડનો વધારાનો બોજો પડશે. રાજ્યના કર્મચારીઓના ભથ્થાં અને પેન્શન સુધારાઓને લઈને આ નિર્ણય રાજ્ય સરકારે આવનારા દિવસોમાં પણ વધુ યોગ્ય પગલાં લેવાના સંકેત આપ્યા છે. None
What’s New
Spotlight
Advertisement
Featured News
Latest From This Week
Popular News
