NEWS
உத்தரப்பிரதேசம் மாநிலம் முசாபர் நகரில் இன்ஸ்டாகிராம் ரீலுக்காக மூன்று இளைஞர்கள் போலியாகி நடத்திய கடத்தல் வீடியோ வைரலானதை அடுத்து அவர்கள் கைது செய்யப்பட்டனர். நெட்டிசன்கள் இப்போது ரீல்களுக்கு அடிமையாகிவிட்டனர். இதன் மூலம், ரீல்களை உருவாக்குபவர்கள் உள்ளடக்கத்திற்காக அசாதாரண முயற்சிகளை மேற்கொள்கின்றனர். ஆனால் சமீபத்தில் வைரலாகி வரும் இந்த வீடியோவில் இளைஞர்கள் வித்தியாசமாக யோசித்து ரீல் பதிவு செய்துள்ளனர். இதன் விளைவாக அவர்கள் கைது செய்யப்பட்டுள்ளனர். சமூக வலைதளமான இன்ஸ்டாகிராமை உலகம் முழுவதும் மில்லியன் கணக்கான மக்கள் பயன்படுத்தி வருகின்றனர். இன்ஸ்டாகிராம் பக்கத்தில் வீடியோ பதிவிட்டு லைக்ஸ்களை குவிக்க போராடும் பலரில் ரயில்களில் சிக்கியோ, பள்ளத்தாக்கில் விழுந்தோ உயிரிழக்கும் சம்பவங்களை நாம் நிறைய பார்த்திருப்போம். ஆனால், தற்போது இன்ஸ்டா ரீல்ஸ்க்காக இளைஞரை கடத்துவதுபோல் நடித்து லைக்ஸ்களை குவிக்க முயன்ற இளைஞர்கள் போலீசில் வசமாக சிக்கியுள்ளனர். உத்தரப்பிரதேசத்தில் உள்ள முசாபர் நகரில் நான்கு சிறுவர்கள் போலியான கடத்தல் சம்பவத்தை நடத்தினர். போலியான கடத்தல் வீடியோக்களை உருவாக்கி பிரபலம் அடைவதே இவர்களின் நோக்கமாகும். இந்த ரீல் சமூக வலைதளங்களில் வைரலானதால், இந்த ரீல்களை உருவாக்கிய இளைஞர்கள் மீது போலீசார் வழக்குப்பதிவு செய்து, அவர்களை கைது செய்தனர். இந்த வீடியோவில், ஒரு இளைஞர் கட்டௌலியில் தெருவில் உள்ள ஒரு சாலையோர கடையில் நின்று சாட் சாப்பிட்டுக் கொண்டிருக்கிறார். இதற்கிடையில், ஸ்பிளெண்டர் பைக்கில் வந்த இரண்டு இளைஞர்களில் ஒருவர் பைக்கில் இருந்து இறங்கி, சாட் கடையில் சாப்பிட்டுக் கொண்டிருந்த இளைஞரின் முகத்தை ஒரு துணியால் மூடினார், இதனையடுத்து அந்த இளைஞர் மயக்கி அவர் மேல் சாய்ந்தார். பின்பு அந்த இளைஞரை பைக்கில் இருவருக்கும் நடுவில் அமர வைத்து தப்பிச் செல்ல முயற்சித்தனர். இந்த சம்பவத்தை பார்த்த உள்ளூர்வாசிகள், பொது இடத்தில் நடக்கும் கடத்தலை தடுக்க உடனடியாக முன்வருகின்றனர். இந்த முழு சம்பவத்தையும் அங்கிருந்த மற்றொரு இளைஞர் பதிவு செய்து கொண்டிருந்தார். அந்த இளைஞர்கள் பைக்கில் தப்பி செல்ல முயற்சித்தபோது, உள்ளூர்வாசிகள் அவர்களை தடுத்து நிறுத்தியதால், அவர்கள் சிக்கலில் சிக்கினர். மேலும், உள்ளூர்வாசிகள் அவர்களிடம் விசாரித்தபோது, அந்த இளைஞர்கள் தங்கள் கேமராமேனைக் காட்டி, இது ஒரு இன்ஸ்டாகிராம் ரீலுக்காக உருவாக்கப்பட்டது என்று கூறினார். அதன் பிறகு மக்கள் கலைந்து சென்றனர். இதனையடுத்து அந்த இளைஞர்கள் வீடியோவை எடிட் செய்து ஆன்லைனில் பதிவிட்டுள்ளனர். இந்த வீடியோ வைரலானதை அடுத்து போலீசார் விசாரணையைத் தொடங்கினர், இதன் விளைவாக குல்ஷர், மோனிஷ், சாதிக், சமத் ஆகிய 4 பேரையும் போலீசார் கைது செய்தனர். None
What’s New
Spotlight
Advertisement
Featured News
Latest From This Week
Popular News
