TREND
நொய்டாவை தளமாகக் கொண்ட ஒரு கன்சல்டிங் நிறுவனத்தின் வேலைவாய்ப்பு விளம்பரம் சமூக வலைதளங்களில் வைரலாகியதைத் தொடர்ந்து சர்ச்சையை கிளப்பியுள்ளது. நொய்டாவில் உள்ள ஒரு கன்சல்டிங் நிறுவனத்திற்கான வேலை விளம்பரத்தில், இந்த வேலைக்கு தென்னிந்திய விண்ணப்பதாரர்கள் தகுதிபெற முடியாது என்று குறிப்பிட்டுள்ளதால் பெரும் பரபரப்பை ஏற்படுத்தியுள்ளது. நான்கு ஆண்டுகளுக்கும் மேலான தொழில்முறை அனுபவமுள்ள விண்ணப்பதாரர்களைத் தேடும், டேட்டா அனலிஸ்ட் பதவிக்கான ஒரு பதிவுக்கு, சமூக ஊடகங்கள் முழுவதிலும் உள்ள பயனர்களிடமிருந்து, குறிப்பாக தென்னிந்தியாவைச் சேர்ந்தவர்களிடமிருந்து கடுமையான விமர்சனங்கள் எழுந்துள்ளது. பங்குதாரர்களுடன் ஒத்துழைத்தல் மற்றும் தரவுகளுக்கான தீர்வுகளை வழங்குதல் போன்ற பொதுவான தொழில்நுட்ப விவரக்குறிப்புகள் மற்றும் பொறுப்புகளை விவரிக்கும் ஒரு வேலை பற்றி ஒரு பதிவு பகிரப்பட்டுள்ளது. ஆனால், அதில் குறிப்பு என்று சொல்லி தென்னிந்திய விண்ணப்பதாரர்கள் விண்ணப்பிக்க தேவையில்லை என்ற தகவலுடன் அந்த வேலை விளம்பரத்தில் குறிப்பிடப்பட்டுள்ளது. இந்த வெளிப்படையான பாகுபாடு, கடுமையான எதிர்வினைகளைத் தூண்டியுள்ளது. பல யூசர்கள் பணியமர்த்தல் நடைமுறைகளில் பிராந்திய சார்புக்கு இது ஒரு எடுத்துக்காட்டு என்று கண்டனம் தெரிவித்துள்ளனர். ஒரு முழு சமூகத்திற்கும் எதிராக யூசர்கள் பல தளங்களில், பல வகையான விமர்சனங்களை தெரிவித்து வருகின்றனர். சிறந்த வேலைகளுக்காக பல்வேறு தடைகளைத் தாண்டி, எத்தனை தென்னிந்தியர்கள் தங்களது சொந்த மாநிலம், சொந்த மண்ணை விட்டு, எந்தவித பாரபட்சமும் பார்க்காமல் இடம்பெயர்கின்றனர் என்பதை ஒரு சிலர் சுட்டிக்காட்டினர். “இது நியாயமா? எங்களுடைய பெரும்பாலான மக்கள் வேலைக்காக பிற மாநிலங்கள் அல்லது பிற நாடுகளுக்குச் செல்கிறார்கள், ஆனால் நாங்கள் பிராந்திய இடஒதுக்கீட்டைக் கோரும்போது எங்களுக்கே எதிர்ப்பு வருகிறது” என்று ஒரு யூசர் குறிப்பிட்டுள்ளார். மற்றவர்கள் வேலைப் பட்டியலுக்கு ஹிந்தியில் புலமை தேவை என்று எடுத்துரைத்தனர். குறிப்பாக வட இந்தியாவில் மொழியின் பரவலைக் கருத்தில் கொண்டு, விலக்கப்பட்டதற்கு இது ஒரு காரணமாக இருக்கலாம் என்று சிலர் பரிந்துரைத்தனர். இருப்பினும், பல பயனர்கள், தென்னிந்தியர்கள், குறிப்பாக கேரளாக்காரர்கள், பொதுவாக தங்கள் கல்வித் தகுதிக்காக இந்தி மொழியைக் கற்கிறார்கள். இது உள்ளூர் மக்களுக்கு வேலைகள் ஒதுக்கப்பட வேண்டும் என்பதை வலுயுறுத்துவதற்கான பதிவு என்று பலரும் வாதிடுகின்றனர், சிலர் எந்தவித ஆச்சரியமும் இன்றி, இது உள்ளூர் ஆட்களை எடுப்பதற்கான மிகப்பெரிய பிராந்திய பிரச்சனை என்று சிலர் குறிப்பிட்டனர். South Indians are not allowed to apply for a job! pic.twitter.com/hTYVKkGPbs ஏனென்றால் அனைத்து ஐடி நிறுவன எச்ஆர் மற்றும் மேலாளர்களும் நகரத்திற்கு வெளியே இருப்பவர்கள். கன்னடர்களுக்கு கடைசி வாய்ப்பே வழங்கப்படுகிறது, அதனால்தான் பிராந்திய மக்களுக்கான இடஒதுக்கீடு தேவை என்று ஒரு யூசர் கூறினார். தற்போதைய வேலை வாய்ப்பு, இந்திய வேலைகளில் பிராந்திய சார்பு நிலை தொடர்வதை வெளிப்படுத்தியுள்ளது, பரந்த மற்றும் நியாயமான ஆட்சேர்ப்புக்கான கோரிக்கைகளையும் இது தூண்டியது. வேலைவாய்ப்பு சம்பந்தமாக இந்தியாவில் பிராந்திய சார்பு பிரச்சனைகள், இன்று வரை அதிகரித்து தான் வருவதால், நியாயமான மற்றும் உள்ளடக்கிய வேலைவாய்ப்பு உருவாக்கத்திற்கான மக்களின் கோரிக்கையும் அதிகரித்து வருகிறது. None
What’s New
Spotlight
Advertisement
Featured News
Latest From This Week
Popular News
