TREND
வோல்டாசின் நிர்வாக இயக்குநர் மற்றும் தலைமை நிர்வாக அதிகாரியான பிரதீப் பக்ஷி, தனது வாழ்க்கையை வோல்டாஸில் துவங்கி இதுவரை நிறுவனத்தை வழிநடத்திய மிகவும் திறமையான மற்றும் பல்துறை நிர்வாகிகளில் ஒருவராக தன்னை நிலைநிறுத்திக் கொண்டுள்ளார் புகழ்பெற்ற டாடா குழும நிறுவனமான வோல்டாஸ் லிமிடெட்டின் நிர்வாக இயக்குநராகவும், தலைமை நிர்வாக அதிகாரியாகவும் பிரதீப் பக்ஷி , கடந்த 2018 முதல் பணியாற்றி வருகிறார். நுகர்வோர் பொருட்கள் துறையில் ஏறக்குறைய முப்பது வருட அனுபவத்துடன், நிறுவனத்தின் நிலையான வளர்ச்சியிலும் மற்றும் நிதி ரீதியாகவும் நிறுவனத்தை வெற்றிப் பாதையில் வழிநடத்துவதில் பிரதீப் பக்ஷி முக்கிய பங்காற்றியுள்ளார். டெல்லி பல்கலைக்கழகத்தில் தனது படிப்பை முடித்த பிறகு, பிரதீப் பக்ஷி எலக்ட்ரோலக்ஸ் கெல்வினேட்டர் நிறுவனத்தில் பணியாற்றத் தொடங்கினார். பின்னர் 2001 இல், அவர் வோல்டாஸ் நிறுவனத்தில் சேர்ந்தார். அங்கு, சமீபத்தில் மூத்த மேலாளராக பணியாற்றினார். வோல்டாஸில் தனது வாழ்க்கையைத் தொடங்கிய இவர், அங்கு பல உயர்மட்ட பதவிகளை வகித்தார். எனினும் ஏர் கூலிங் பொருட்கள் பிரிவின் தலைவராக இருந்ததே அதில் முக்கியமானதாக பார்க்கப்படுகிறது. காரணம், இந்தியாவின் சர்வதேச வீட்டு உபயோகப் பொருள் வணிகமான வோல்டாஸ் லிமிடெட்டின், மும்பை மண்டலத்தில் இவரது வருகைக்கு பிறகு குறிப்பாக ஏர் கூலிங் பொருட்கள் பிரிவில் விற்பனை மற்றும் லாபம் கணிசமாக உயர்ந்தது. இதில் பிரதீப் பக்ஷியின் பங்கு மிக முக்கியமானது. மார்ச் 2024 இல் முடிவடைந்த நிதியாண்டிற்கான வோல்டாஸின் ஆண்டறிக்கையின்படி, பிரதீப் பக்ஷிக்கு ஆண்டு சம்பளமாக ரூ.7.21 கோடி வழங்கப்பட்டது. இதில் ரூ.3.06 கோடி கமிஷன், ரூ.1.25 கோடி சம்பளம், ரூ.2.90 கோடி சலுகைகள் மற்றும் அலவன்ஸ்கள் (ஓய்வுப் பலன்கள் உட்பட) ஆகியவை அடங்கும். இவை அனைத்தும் 2025 ஆம் நிதியாண்டிலும் வழங்கப்படும் என எதிர்பார்க்கப்படுகிறது. ஜூன் 15, 2024 நிலவரப்படி வோல்டாஸ் நிறுவனத்தின் சந்தை மூலதனம் ரூ.49,585 கோடியாக உள்ளது. இதையும் படியுங்கள் : EV cars | பண்டிகை காலத்தில் புதிய கார் வாங்க திட்டமா? - அறிமுகமாகும் 4 சிறந்த எலக்ட்ரிக் கார்கள்! வோல்டாஸில் நீண்ட நெடு பயணம் கொண்ட பிரதீப் பக்ஷி, அதன் பலனாக வோல்ட்பெக் ஹோம் அப்ளையன்சஸ் லிமிடெட் இயக்குநர்கள் குழுவிலும் இடம் பெற்றுள்ளார். கடந்த 10 ஆண்டு காலமாக UPBG இன் செயல்பாட்டுத் தலைவராகப் பணியாற்றிய இவர், இதுவரை நிறுவனத்தை வழிநடத்திய மிகவும் திறமையான மற்றும் பல்துறை நிர்வாகிகளில் ஒருவராக தன்னை நிலைநிறுத்திக் கொண்டுள்ளார் என்ற பாராட்டுதல்களையும் பெற்றுள்ளார். அவரது பல்வேறு முயற்சிகளின் விளைவாக, பக்ஷி 2013 ஆம் ஆண்டிற்கான அப்ளையன்சஸ் மேன் ஆஃப் தி இயர் பட்டம் மற்றும் எரிசக்தி பாதுகாப்பிற்கான ஜனாதிபதியின் விருது உட்பட பல்வேறு விருதுகளையும் பெற்றுள்ளார். None
What’s New
Spotlight
Advertisement
Featured News
Latest From This Week
Popular News
