இன்றைய காலக்கட்டத்தில் கழிவறை, ஓய்வு அறை, உடை மாற்றும் அறை, ஹோட்டல்களில் என பல்வேறு இடங்களிலும், கேமராக்கள் மறைத்து வைக்கப்பட்ட பல சம்பவங்களை நாம் கேள்விப்பட்டிருக்கிறோம். இதுபோன்ற சம்பவங்கள் பெண்களின் பாதுகாப்பு குறித்த அச்சத்தை ஏற்படுத்துகிறது. பொதுவாக பயணத்தின்போது, நமது பாதுகாப்பில் சிறப்பு கவனம் செலுத்த வேண்டும். ஹோட்டல் அறை அல்லது பொது கழிப்பறை என எங்கு சென்றாலும் அனைத்தையும் கவனமாக கண்காணிக்க வேண்டும். பயணத்தின் போது மக்கள் பெரும்பாலும் பொது கழிப்பறைகளைப் பயன்படுத்துகிறார்கள், அதில் யார் வேண்டுமானாலும் செல்லலாம், அங்கே ரகசிய இடங்களில் கேமராக்களை மறைத்து வைத்திருக்கலாம், அதை நாம் கவனிக்க முடியாமல் போகலாம், இதன் காரணமாக நம்மை யார் வேண்டுமானாலும் பதிவுசெய்லாம். எனவே அதைப் பயன்படுத்துவதற்கு முன்பு, அங்கே கேமரா மறைத்து வைக்கப்பட்டுள்ளதா என்பதை நாம் முதலில் கண்டறிய வேண்டும். ரகசியமாக மறைத்து வைக்கப்படும் கேமராக்கள் அளவில் மிகவும் சிறியவையாக இருக்கும். ஆனால் அதில் அனைத்து செயல்பாடுகளும் தெளிவாக பதிவாகும். பொது கழிப்பறை, கடைகளில் ஆடை மாற்றும் அறை, ஹோட்டல் அறை என எல்லா இடங்களிமே செய்யப்படும் எல்லா செயல்களுமே அந்த கேமராவில் பதிவாகும். இதுபோன்ற விஷயங்களுக்கு உங்கள் மொபைல் எவ்வாறு உதவுகிறது என்பதை பற்றி தெரிந்துகொள்ளலாம். நீங்கள் பொது கழிப்பறையைப் பயன்படுத்தினால், நிச்சயமாக தொலைபேசியை உள்ளே எடுத்துச் செல்லுங்கள், உள்ளே கேமரா இருக்கிறதா? இல்லையா? என்பதை இது உங்களுக்குத் தெரிவிக்கும், ஏனென்றால் இப்போதெல்லாம் நீங்கள் எளிதாகப் பார்க்க முடியாத பல மைக்ரோ கேமராக்கள் சந்தையில் கிடைக்கின்றன, அதனால் அவை கண்ணுக்கு தெரியாமல் போகலாம். எனவே பொது கழிப்பறையில் போனை கையில் எடுத்தவுடன் உங்கள் நெட்ஒர்க் திடீரென செயலிழந்துவிட்டால், அங்கே கேமரா மறைத்து வைக்கப்பட்டிருக்கிறது என்பதை புரிந்து கொள்ளுங்கள். இது தவிர, பொது கழிப்பறையில் கேமரா இருக்கிறதா? இல்லையா? என்பதை போனில் உள்ள ஆப் மூலமாகவும் தெரிந்து கொள்ளலாம். பொது கழிப்பறையில் கேமராக்கள் எங்கே இருக்க முடியும்? சுவரின் ஏதாவது ஒரு மூலையில் உள்ளதா என்பதை சரிபார்க்கவும். டாய்லெட் பேப்பர் ஹோல்டர், சோப் டிஸ்பென்சர் மற்றும் ஏர் ஃப்ரெஷனர் ஆகியவற்றைச் சரிபார்க்கவும். சிறிய துளைகள் அல்லது இடைவெளிகளை சரிபார்க்கவும். ஏர் வென்ட்டிலும் பொருத்தப்படலாம், எனவே அவற்றை சரிபார்க்கவும். தொழில்நுட்பத்தைப் பயன்படுத்தி கேமரா இருப்பதை எப்படி கண்டறிவது? கேமரா டிடெக்டர் ஆப்ஸ் (ஆண்ட்ராய்ட், iOS) இன்ஃபிராரெட் ஸ்கேனர் RF சிக்னல் டிடெக்டர் இதை மனதில் கொள்ளுங்கள்: பொது கழிப்பறையைப் பயன்படுத்தும் போது உங்கள் உடலின் அந்தரங்க பகுதிகள் மூடிய நிலையில் இருக்குமாறு பார்த்து கொள்ளுங்கள். வெளிச்சம் இல்லாத பொதுக் கழிப்பறைகளைப் பயன்படுத்துவதைத் தவிர்க்கவும். மறைக்கப்பட்ட கேமராவைக் கண்டால் என்ன செய்வது? கேமராவைத் தொடக்கூடாது உடனடியாக உரிய அதிகாரிகளுக்கு தெரிவிக்கவும். அதிகாரிகளுக்கு லொகேஷனை ஷேர் செய்யவும். None
Popular Tags:
Share This Post:
ஒரே நேரத்தில் 38 நாய்களை நடைபயிற்சிக்கு கூட்டிச் சென்ற நபர்! - எதற்காக தெரியுமா?
October 21, 2024ரத்தன் டாடா உருவத்தை மார்பில் டாட்டூ குத்திக் கொண்ட நபர்...!! நெகிழ வைக்கும் காரணம்...
October 17, 2024What’s New
Spotlight
Today’s Hot
-
- October 15, 2024
-
- October 11, 2024
-
- October 10, 2024
நாய்கள், பூனைகளை அரவணைக்கும் கூலி தொழிலாளிக்கு குவிந்த நிதி உதவி!
- By Sarkai Info
- October 9, 2024
திருமண கோலத்தில் லேப்டாப்பில் வேலை பார்த்த மணமகன்..இணையத்தில் வைரல்!
- By Sarkai Info
- October 9, 2024
Featured News
Latest From This Week
மோமோஸ்" பெயரில் டெல்லி தெருவோர வியாபாரியின் செயல்!... திகைத்த நெட்டிசன்ஸ்
TREND
- by Sarkai Info
- October 8, 2024
Subscribe To Our Newsletter
No spam, notifications only about new products, updates.