NEWS
ట్రావిస్ హెడ్ (PC : X) IND vs AUS 2nd Test : ఆస్ట్రేలియా (Australia)తో జరుగుతున్న డేనైట్ టెస్టులో టీమిండియా (Team India) పీకల్లోతు కష్టాల్లో పడింది. తొలి ఇన్నింగ్స్ లో తక్కువ స్కోరుకే పరిమితం అయిన భారత్.. అనంతరం ఆస్ట్రేలియాను త్వరగా ఆలౌట్ చేయడంలో విఫలమైంది. ట్రావిస్ హెడ్ (140; 17 ఫోర్లు, 4 సిక్సర్లు) శతకంతో చెలరేగాడు. మార్నస్ లబుషేన్ (64; 9 ఫోర్లు) అర్ధ సెంచరీతో రాణించాడు. ఫలితంగా ఆస్ట్రేలియా తొలి ఇన్నింగ్స్ లో 337 పరుగులకు ఆలౌటైంది. భారత బౌలర్లలో జస్ ప్రీత్ బుమ్రా, మొహమ్మద్ సిరాజ్ లు చెరో 4 వికెట్లు సాధించారు. నితీశ్ రెడ్డి, రవిచంద్రన్ అశ్విన్ లకు చెరో వికెట్ లభించింది. ప్రస్తుతం ఆస్ట్రేలియా 157 పరుగుల భారీ ఆధిక్యంలో ఉంది. ఓవర్ నైట్ స్కోరు 86/1తో రెండో రోజు ఆటను మొదలు పెట్టిన ఆస్ట్రేలియాకు ఆరంభంలోనే షాక్ తగిలింది. క్రీజులో పాతుకుపోయిన నాథన్ మెక్ స్వీని (39)ని బుమ్రా అవుట్ చేశాడు. కాసేపటికే స్టీవ్ స్మిత్ (2) కూడా పెవిలియన్ కు చేరాడు. అయితే ఈ దశలో క్రీజులోకి వచ్చిన ట్రావిస్ హెడ్ టీమిండియా బౌలర్లకు కొరకరాని కొయ్యగా తయారయ్యాడు. లబుషేన్ తో కలిసి ఆసీస్ ను ముందుకు నడిపాడు. ఈ క్రమంలో లబుషేన్ అర్ధ సెంచరీ సాధించాడు. ఇక హెడ్ వన్డే తరహా బ్యాటింగ్ చేశాడు. ఫోర్ల వర్షం కురిపించాడు. దాంతో ఆస్ట్రేలియా స్కోరు దూసుకెళ్లింది. లబుషేన్ అవుటైనా.. అలెక్స్ క్యారీ (15), కమిన్స్ (12)లతో కీలక ఇన్నింగ్స్ లు నెలకొల్పాడు. ఈ క్రమంలో హోం గ్రౌండ్ లో సెంచరీ నమోదు చేశాడు. సెంచరీ తర్వాత హెడ్ మరింత దూకుడు కనబరిచాడు. అయితే 140 పరుగులు చేసిన తర్వాత సిరాజ్ బౌలింగ్ లో అవుటయ్యాడు. అయితే అప్పటికే జరగాల్సిన నష్టం జరిగిపోయింది. అంతకుముందు టీమిండియా కేవలం 44.1 ఓవర్లలో 180 పరుగులకు ఆలౌట్ అయ్యింది. నితీశ్ కుమార్ రెడ్డి (42; 3 ఫోర్లు, 3 సిక్సర్లు) టాప్ స్కోరర్ గా నిలిచాడు. కేఎల్ రాహుల్ (37), శుబ్ మన్ గిల్ (31) రాణించారు. వీరు మినహా మిగిలిన వారు దారుణంగా విఫలం అయ్యారు. కోహ్లీ, రోహిత్ శర్మలు ఆస్ట్రేలియా పేసర్ల ధాటికి రెండంకెల స్కోరు కూడా దాటలేకపోయారు. ఆసీస్ బౌలర్లలో మిచెల్ స్టార్క్ 6 వికెట్లతో మెరిశాడు. కమిన్స్, బొలాండ్ లకు చెరో రెండు వికెట్ల చొప్పున లభించాయి. తొలి టెస్టులో భారత్ మొదటి ఇన్నింగ్స్ లో విఫలం అయినా.. రెండో ఇన్నింగ్స్ లో అదరగొట్టి విజయాన్ని అందుకుంది. None
What’s New
Spotlight
Advertisement
Featured News
Latest From This Week
Popular News
