NEWS
গৰমৰ দিনত প্লামটো অতি পুষ্টিকৰ ফল হিচাপে আমি নিয়মিত খোৱাটো উচিত । বতৰৰ ফল বুলি ক’লেই আমাৰ মনলৈ প্ৰায়ে অহা অথবা আমাৰ সকলোৰে এবিধ প্ৰিয় ফল হ’ল প্লাম। বহু গুণাগুণেৰে সমৃদ্ধ এই প্লাম অতি পুষ্টিকৰ। ডায়েটিচিয়ান পৌলমী বেনাৰ্জীৰ মতে প্লামৰ উপকাৰিতাসমূহৰ মাজৰ অন্যতম ইয়াত থকা যথেষ্ট পৰিমাণৰ প’টেছিয়াম, যিয়ে হৃদযন্ত্ৰ শক্তিশালী কৰি ৰখাত সহায় কৰে। নিয়মিত প্লাম খালে কোষ্ঠকাঠিন্যৰ সমস্যাৰ পৰাও বহু পৰিমাণে সকাহ পোৱা যায়। পুৰণি কোষ্ঠবদ্ধতাৰ পৰাও প্লামে বহু পৰিমাণে সকাহ দিব পাৰে লগতে ই পেট পৰিষ্কাৰ কৰি ৰখাটো সহায় কৰে। প্লামত যথেষ্ট পৰিমাণে ফাইবাৰ থকাৰ বাবে ই আমাৰ পাচন তন্ত্ৰও শক্তিশালী কৰি ৰখাত সহায় কৰে। বেনাৰ্জীৰ মতে প্লামত থকা সূক্ষ্ম খনিজ দ্ৰব্য আৰু ভিটামিনে আমাৰ স্মৃতিশক্তি বৃদ্ধি কৰাতো বহু পৰিমাণে সহায় কৰে। তাৰ উপৰি নিয়মিত প্লাম খালে বয়স বাঢ়িলেও দৃষ্টিশক্তি অটুট থাকে লগতে শৰীৰৰ ছালৰ সমস্যাবোৰো নোহোৱা হৈ পৰে। বহু গৱেষণাৰ পৰা প্ৰমাণিত হৈছে যে প্লাম বাকলিৰ সৈতে দৈনন্দিন খালে স্তনৰ কৰ্কট হোৱাৰ সম্ভাৱনা যথেষ্ট পৰিমাণে কমি যায়। টিউমাৰ অথবা কৰ্কটৰ কোষ বৃদ্ধিৰ প্ৰক্ৰিয়া প্লামে প্ৰতিৰোধ কৰে। প্লামত যিহেতু প্ৰয়োজনীয় খনিজ পদাৰ্থৰ লগতে যথেষ্ট পৰিমাণে ভিটামিন থাকে, সেয়ে প্লাম খালে শৰীৰৰ শক্তি বৃদ্ধি হয়। নিয়মিত প্লাম খালে শৰীৰত ৰক্ত শৰ্কৰা অথবা ব্লাড ছুগাৰো নিয়ন্ত্ৰিত হৈ থাকে। গতিকে গৰমৰ দিনত প্লামক অতি পুষ্টিকৰ ফল হিচাপে আমি নিয়মিত খোৱা উচিত। None
What’s New
Spotlight
Advertisement
Featured News
Latest From This Week
Popular News
