NEWS
বিশ্বৰ অন্যতম জনপ্ৰিয় মেছেজিং এপ টেলিগ্ৰামৰ প্ৰতিষ্ঠাপক তথা মুখ্য কাৰ্যবাহী বিষয়া পাভেল ডুৰভক শনিবাৰে পেৰিছৰ সমীপৰ বিমানবন্দৰত গ্ৰেপ্তাৰ কৰা হয়। ৩৯ বছৰীয়া ডুৰভ আজাৰবাইজানৰ ৰাজধানী বাকুৰ পৰা পেৰিছলৈ আহিছিল যদিও ফ্ৰান্সৰ কৰ্তৃপক্ষই তেওঁক বিমানবন্দৰতে আটক কৰে। লাভ কৰা তথ্য অনুসৰি মেছেজিং এপটোৰ সৈতে জড়িত অপৰাধৰ অভিযোগত গ্ৰেপ্তাৰ কৰা হৈছে পাভেলক আৰু দেওবাৰে আদালতত হাজিৰ কৰা হ’ব। কিয় গ্ৰেপ্তাৰ হ’ল টেলিগ্ৰামৰ মুৰব্বী? ফ্ৰান্সত নাবালকৰ বিৰুদ্ধে হিংসা ৰোধৰ বাবে কাম কৰা সংস্থা অ’এফএমআইনে প্ৰৱঞ্চনা, ড্ৰাগছ সৰবৰাহ, চাইবাৰ গুণ্ডাগিৰি, সংগঠিত অপৰাধ আৰু সন্ত্ৰাসবাদক প্ৰচাৰ কৰাকে ধৰি অভিযোগ কৰা অপৰাধৰ প্ৰাৰম্ভিক তদন্তত ডুৰভৰ বাবে গ্ৰেপ্তাৰৰ পৰোৱানা জাৰি কৰিছিল। ডুৰভে নিজৰ প্লেটফৰ্মৰ অপৰাধমূলক ব্যৱহাৰ ৰোধৰ বাবে ব্যৱস্থা গ্ৰহণ নকৰাৰ সন্দেহ কৰা হৈছে। এজন তদন্তকাৰী বিষয়াই কয়, “টেলিগ্ৰামত বহুত খেলিমেলি চলি আছে।” তেওঁ কয় যে তেওঁক ইয়াত বিচৰা হৈছে আৰু গ্ৰেপ্তাৰ কৰিব পৰা যাব বুলি জানিও ডুৰভ পেৰিছলৈ আহিছিল। টেলিগ্ৰাম এপৰ বাবে কপাল ফুলিছিল ডুৰভৰ ৰাছিয়ান মূলৰ ডুৰভে এই মেছেজিং এপ টেলিগ্ৰাম আৰম্ভ কৰিছিল। তেওঁৰ সম্পত্তিৰ পৰিমাণ ১৫.৫ বিলিয়ন ডলাৰ বুলি অনুমান কৰা হৈছিল। এই এপটো ৰাছিয়া, ইউক্ৰেইন আৰু পূব ইউৰোপৰ দেশসমূহত অতি জনপ্ৰিয়। ফেচবুক, ইউটিউব, হোৱাটছএপ, ইনষ্টাগ্ৰাম, টিক-টক আৰু উইচাটৰ পিছতে টেলিগ্ৰামক অন্যতম প্ৰধান ছ’চিয়েল মিডিয়া প্লেটফৰ্ম হিচাপে গণ্য কৰা হয়। ইয়াৰ লক্ষ্য অহা বছৰ এক বিলিয়ন ব্যৱহাৰকাৰীৰ কাষ চাপিব। ৰাছিয়া-ইউক্ৰেইন যুদ্ধৰ বিষয়ে তথ্যৰ গুৰুত্বপূৰ্ণ উৎস ২০২২ চনত ৰাছিয়াই ইউক্ৰেইন আক্ৰমণ কৰাৰ পিছৰে পৰা টেলিগ্ৰাম এপটো যুদ্ধ আৰু আনুষংগিক পৰিঘটনাৰ বিষয়ে দুয়োপক্ষৰ পৰা আনফিল্টাৰড আৰু কেতিয়াবা গ্ৰাফিক আৰু বিভ্ৰান্তিকৰ – বিষয়বস্তুৰ মূল উৎস হৈ পৰিছে। এই এপটো ইউক্ৰেইনৰ ৰাষ্ট্ৰপতি ভ’ল’ডিমিৰ জেলেনস্কি আৰু তেওঁৰ বিষয়াসকলৰ বাবে যোগাযোগৰ পছন্দৰ মাধ্যম হৈ পৰিছে। ক্ৰেমলিন আৰু ৰাছিয়া চৰকাৰেও ইয়াক ব্যৱহাৰ কৰি নিজৰ বাতৰি সম্প্ৰচাৰ কৰে। ৰাছিয়ানসকলে যুদ্ধৰ খবৰ পাব পৰা কেইটামান ঠাইৰ ভিতৰত ই অন্যতম হৈ পৰিছে। None
What’s New
Spotlight
Advertisement
Featured News
Latest From This Week
Popular News
