NEWS
বাংলাদেশত সংখ্যালঘুসকলৰ ওপৰত চলা অত্যাচাৰ আৰু গণহত্যাৰ আঁৰত শ্বেখ হাছিনাই অন্তৰ্ৱৰ্তীকালীন চৰকাৰৰ মুৰব্বী মহম্মদ ইউনুছক মাষ্টাৰমাইণ্ড বুলি অভিযোগ কৰিছে। আজি নিউয়ৰ্কত আৱামী লীগৰ কৰ্মীসকলে আয়োজন কৰা এখন সন্মিলনত বাংলাদেশৰ প্ৰাক্তন প্ৰধানমন্ত্ৰীগৰাকীয়ে ভাৰ্চুৱেলী ভাষণ দিয়াৰ সময়ত মহম্মদ ইউনুছক লক্ষ্য কৰি লয়। তেওঁ কয়, ‘আজি মোৰ বিৰুদ্ধে গণহত্যাৰ অভিযোগ উত্থাপিত হৈছে। কিন্তু গণহত্যাৰ মাষ্টাৰমাইণ্ড মহম্মদ ইউনুছ। ছাত্ৰ আন্দোলনৰ নেতাসকলৰ সৈতে একেলগে তেওঁ গণহত্যাৰ এক নিখুঁত ষড়যন্ত্ৰ প্ৰস্তুত কৰিছে।’ আনকি তাৰিক ৰহমানেও (বি এন পি নেতা খালেদা জিয়াৰ পুত্ৰ) লণ্ডনৰ পৰা দাবী কৰি কয় যে যদি এই গণহত্যা অব্যাহত থাকে, তেন্তে চৰকাৰ চলি নাথাকিব। আগষ্টত বাংলাদেশৰ প্ৰধানমন্ত্ৰী পদৰ পৰা পদত্যাগ কৰাৰ পাছৰে পৰা হাছিনাই আত্মগোপন কৰি আছে আৰু সমগ্ৰ দেশতে প্ৰতিবাদৰ সন্মুখীন হোৱাৰ পাছত ভাৰতলৈ পলাই আহিছিল। সংখ্যালঘুৰ ওপৰত হোৱা আক্ৰমণক গৰিহণা দি হাছিনাই কয় যে আজি বাংলাদেশত শিক্ষকৰ পৰা আৰম্ভ কৰি আৰক্ষীলৈকে সকলোকে হত্যা কৰা হৈছে। হিন্দু, বৌদ্ধ, খ্ৰীষ্টানক আক্ৰমণ কৰা হৈছে। মন্দিৰ, গীৰ্জা আদিত আক্ৰমণ চলোৱা হৈছে। তেওঁ বাংলাদেশত সংখ্যালঘু লোকক কিয় আক্ৰমণ কৰা হ’ব বুলিও প্ৰশ্ন কৰে। চিন্ময়কৃষ্ণ দাস নামৰ এজন সন্ন্যাসীক গ্ৰেপ্তাৰ কৰাৰ পাছৰে পৰা বাংলাদেশত উত্তেজনা বিয়পি পৰিছে। চিন্ময়কৃষ্ণৰ পাছত আৰু দুজন হিন্দু সাধুক গ্ৰেপ্তাৰ কৰা হয়। শেহতীয়া এই অশান্তিৰ ফলত এজন যুৱ অধিবক্তাৰ মৃত্যু হোৱাৰ বিপৰীতে চিন্ময়কৃষ্ণ দাসৰ হৈ হাজিৰ হোৱা আন এজন অধিবক্তা গুৰুতৰভাৱে আহত হৈ চিকিৎসালয়ত চিকিৎসাধীন হৈ আছে। None
What’s New
Spotlight
Advertisement
Featured News
Latest From This Week
Popular News
