NEWS
আমেৰিকাৰ ষড়যন্ত্ৰৰ জালত ছন্দপতন হ’ল শ্বেখ হাছিনাৰ? আমেৰিকাৰ গোপন চক্ৰান্ততে বিদ্ৰোহৰ অগনি জ্বলি উঠিছিল নেকি বাংলাদেশত? এই প্ৰশ্নই এতিয়া উত্থাপিত হৈছে বিশ্ব সমুদায়ত। শ্বেখ হাছিনাৰ পদত্যাগ আৰু বাংলাদেশৰ ৰাজনৈতিক অস্থিৰতাৰ আঁৰত আমেৰিকা জড়িত থকা বুলি উত্থাপিত সকলো অভিযোগ অস্বীকাৰ কৰিছে ৱাশ্বিংটনে। হোৱাইট হাউছৰ প্ৰেছ চেক্ৰেটেৰী কাৰিন জিন-পিয়েৰে আনুষ্ঠানিকভাৱে অভিযোগ নাকচ কৰিছে। কাৰিন জিন-পিয়েৰক এই বিষয়ে প্ৰশ্ন কৰাত স্পষ্টভাৱে দাবী কৰে যে বাংলাদেশত চৰকাৰ পৰিৱৰ্তনৰ সৈতে আমেৰিকাৰ কোনো সম্পৰ্ক নাই। অৱশ্যে, বিশ্বৰ বহুপ্ৰান্তত চৰকাৰৰ পতনৰ বাবে আমেৰিকা যুক্তৰাষ্ট্ৰৰ ফালে আঙুলি তোলা হৈছে। শেহতীয়াকৈ, ‘ইকনমিক টাইমছ’ৰ এক প্ৰতিবেদনত কোৱা হৈছে যে শ্বেখ হাছিনাই দাবী কৰিছে যে আমেৰিকাৰ বাবে তেওঁৰ চৰকাৰৰ পতন হৈছে। অৱশ্যে, হাছিনাৰ পুত্ৰ সজীব ৱাজেদে পাছত দাবী কৰে যে বাংলাদেশ এৰি যোৱাৰ পাছত তেওঁৰ মাতৃয়ে তেনে কোনো মন্তব্য প্ৰদান কৰা নাই। হোৱাইট হাউচৰ প্ৰেছ সচিবে কয়, ‘‘বাংলাদেশৰ ঘটনাৰ সৈতে আমাৰ কোনো জড়িত নহয়। আমেৰিকা যুক্তৰাষ্ট্ৰৰ চৰকাৰ এই ঘটনাবোৰত জড়িত বুলি প্ৰকাশিত খবৰ সম্পূৰ্ণ উৰাবাতৰি আৰু অসত্য। আমি বিশ্বাস কৰোঁ যে বাংলাদেশৰ জনতাই বাংলাদেশ চৰকাৰৰ ভৱিষ্যৎ নিৰ্ধাৰণ কৰিব।’ ইয়াৰ পূৰ্বে এক প্ৰতিবেদনত প্ৰকাশিত খবৰ অনুসৰি- শ্বেখ হাছিনাই অভিযোগ কৰিছে যে বাংলাদেশৰ দক্ষিণ প্ৰান্তত অৱস্থিত ছেইণ্ট মাৰ্টিনৰ প্ৰবাল দ্বীপ আমেৰিকা যুক্তৰাষ্ট্ৰক হস্তান্তৰ নকৰাৰ বাবেই ষড়যন্ত্ৰৰ জৰিয়তে তেওঁৰ চৰকাৰক উৎখাত কৰা হৈছিল। হাছিনাই নতুন দিল্লীৰ এটা বেনামী বাসগৃহৰ পৰা এটা বিবৃতি জাৰি কৰি আমেৰিকাৰ বিৰুদ্ধে বিস্ফোৰক অভিযোগ উত্থাপন কৰিছে। প্ৰতিবেদন অনুসৰি, শ্বেখ হাছিনাই কয়, ‘‘মই পদত্যাগ কৰিছো যাতে দেশত আৰু মৃতকৰ শোভাযাত্ৰা নহয়। বি এন পিয়ে ছাত্ৰ-ছাত্ৰীসকলৰ মৃতদেহৰ ওপৰত ভিত্তি কৰি ক্ষমতা দখল কৰিব বিচাৰিছিল। কিন্তু মই সেইটো হ’বলৈ দিব নোৱাৰিলোঁ। গতিকে মই প্ৰধানমন্ত্ৰীৰ পদ ত্যাগ কৰিছিলোঁ। যদি মই ছেইণ্ট মাৰ্টিন দ্বীপ এৰি দিলোঁহেঁতেন, তেন্তে মই আজিও শাসনত থাকিলোঁহেঁতেন। অৱশ্যে, হাছিনাৰ পুত্ৰ জয়ে পিছত দাবী কৰে যে তেওঁ তেওঁৰ মাকৰ সৈতে কথা পাতিছে। তেওঁ তেনে কোনো মন্তব্য দিয়া নাই। ইয়াৰ পূৰ্বেও সংসদত থিয় হৈ হাছিনাই আমেৰিকা যুক্তৰাষ্ট্ৰৰ ওপৰত ছেইণ্ট মাৰ্টিন দ্বীপ দখল কৰাৰ চেষ্টা কৰাৰ অভিযোগ উত্থাপন কৰে। তথাপি তেওঁ কয় যে এজন ‘বগা’ মানুহে তেওঁক প্ৰস্তাৱ দিছিল যে যদি তেওঁক ছেইণ্ট মাৰ্টিন দ্বীপত নৌ সেনাৰ ঘাটি ৰখাৰ অনুমতি দিয়া হয়, তেন্তে কোনেও তেওঁক উৎখাত কৰিব নোৱাৰিব। ইয়াৰ পূৰ্বে বাংলাদেশত আমেৰিকা যুক্তৰাষ্ট্ৰৰ ৰাষ্ট্ৰদূত পিটাৰ হাছ বি এন পিৰ ঘনিষ্ঠ বুলি অভিযোগ উত্থাপন কৰা হৈছিল। None
What’s New
Spotlight
Advertisement
Featured News
Latest From This Week
Popular News
