NEWS
পেৰিছ অলিম্পিকত জেভলিনত ৰূপৰ পদক লাভ কৰি নীৰজ চোপ্ৰাই দেশলৈ সন্মান কঢ়িয়াই আনে। কিন্তু, বিনেশ ফোগাটৰ গোচৰ সন্দৰ্ভত ক্ৰীড়া আদালতে কি ৰায় দিয়ে তাৰ বাবে নীৰজে অপেক্ষা কৰি আছে। কিন্তু, ৰায় যিয়েই নহওক কিয়, বিনেশৰ অৱদান পাহৰি নাযাবলৈ তেওঁ দেশবাসীক আহ্বান জনায়। এই সন্দৰ্ভত ইণ্ডিয়ান অলিম্পিক কমিটীৰ সন্মানীয় অনুষ্ঠানত ইণ্ডিয়া হাউচত উপস্থিত থাকি তেওঁ কয়, “যদি বিনেশে পদক পাই তেন্তে সেইটো দেশবাসীৰ বাবে নিশ্চিতভাৱে এটা ভাল খবৰ হ’ব। কিন্তু যদি সকলোবোৰ পৰিকল্পনা অনুসৰি নহয় আৰু তেওঁ পদক লাভ নকৰে, তেতিয়াও যাতে বিনেশে দেশবাসীৰ ওচৰত এগৰাকী পদকজয়ীৰ দৰেই সন্মান লাভ কৰে। আমি যাতে পাহৰি নাযাওঁ তেওঁ দেশৰ বাবে কি কৰিলে।” অলিম্পিক পদক বিজয়ীসকলক দৰ্শকসকলে যে কিছুদিনৰ পিছতে পাহৰি যায়, তেওঁ সেই কথাও উল্লেখ কৰে। তেওঁ কয়, “আজি যাক চেম্পিয়ন বুলি শিৰত তুলি লোৱা হয় তাৰপিছত তেওঁক মানুহে পাহৰিও যায়। নহ’লে বিনেশে পদক পাব নে নাপাব সেইটোও ভাবি থকাৰ প্ৰয়োজন নাই। কাৰণ তেওঁ পদক লাভ কৰিলেও ব নকৰিলেও সেইটোৱে কোনোধৰণৰ পাৰ্থক্যৰ সৃষ্টি নকৰে। সোণৰ পদক জয়ৰ আশাৰে যুঁজিবলৈ গৈয়ো সেই প্ৰতিযোগিতাৰ পৰা বাহিৰ হৈ যায় বিনেশ। ৫০ কেজিৰ শাখাত বিনেশৰ ওজন ১০০ গ্ৰাম বেছি থকাৰ বাবেই বহিস্কাৰ কৰা হয়। তাৰপিছতেই বিনেশ ক্ৰীড়া আদালতৰ দ্বাৰস্থ হয়। নীৰজ চোপ্ৰাই এই পেৰিছ অলিম্পিকত ৰূপৰ পদক লাভ কৰে। যোৱা টকিঅ’ অলিম্পিকত সোণৰ পদক লাভ কৰিছিল নীৰজ চোপ্ৰাই। None
What’s New
Spotlight
Advertisement
Featured News
Latest From This Week
Popular News
