NEWS
পেৰিছ অলিম্পিকত দুৱাৰদলিত ভৰি থৈয়ো ব্ৰঞ্জৰ পদকৰ পৰা বঞ্চিত হ’ল ভাৰতৰ যুৱ শ্বাটলাৰ লক্ষ্য সেন। ব্ৰঞ্জৰ পদকৰ বাবে অনুষ্ঠিত মেচত অগ্ৰগতি লাভ কৰিও পৰাজয়ৰ সন্মুখীন হ’ল ভাৰতীয় যুৱ শ্বাটলাৰ লক্ষ্য সেন। প্ৰথমখন খেলত পৰাস্ত হোৱাৰ পিছতো লি জি জিয়াই মেচখনত জয়লাভ কৰি মালয়েছিয়াৰ হৈ ব্ৰঞ্জৰ পদক অৰ্জন কৰে। লক্ষ্য সেনৰ পৰাজয়ৰ লগে লগে পেৰিছ অলিম্পিকত চতুৰ্থটো পদক লাভৰ বাবে ভাৰতৰ অপেক্ষা বৃদ্ধি পালে। এই পৰাজয়ৰ পিছতো ২২ বছৰীয়া লক্ষ্য সেনে পেৰিছ অলিম্পিকত ৰচিলে ইতিহাস। তেওঁ ভাৰতৰ পৰা অলিম্পিকৰ ছেমি ফাইনেলত প্ৰৱেশ কৰা প্ৰথমজন পুৰুষ বেডমিণ্টন খেলুৱৈ হিচাপে লিপিবদ্ধ কৰিলে নিজৰ নাম। প্ৰথমখন খেলত জয়লাভ কৰি লক্ষ্যই অগ্ৰগতি লাভ কৰে বিশ্বৰ ৭ নম্বৰৰ খেলুৱৈ লি জি জিয়াৰ বিৰুদ্ধে ভাল আৰম্ভণি কৰিছিল বিশ্বৰ ২২ নম্বৰৰ খেলুৱৈ লক্ষ্য সেনে। প্ৰথমে তেওঁ ৫-২ স্ক’ৰত অগ্ৰগতি লাভ কৰে আৰু কিছুসময়ৰ ভিতৰতে তেওঁ ১১-৫ স্ক’ৰলৈ আগবাঢ়ি যায়। তেওঁ অবিৰতভাৱে নিজৰ অগ্ৰগতি বজাই ৰাখিছিল আৰু কিছু সময়ৰ ভিতৰতে ১৫-৯ স্ক’ৰেৰে আগবাঢ়ে। ভাৰতীয় যুৱ শ্বাটলাৰজনে নিজৰ আধিপত্য বজাই ৰাখি অৱশেষত প্ৰথমখন খেলত ২১-১৩ স্ক’ৰত জয়লাভ কৰে। দ্বিতীয়খন খেলত জয়লাভ কৰে লি জি জিয়াই দ্বিতীয়খন খেলতো লক্ষ্যই ভাল আৰম্ভণি কৰি ৫-২ স্ক’ৰত অগ্ৰগতি লাভ কৰে। কিন্তু এইবাৰ মালয়েছিয়াৰ খেলুৱৈগৰাকীয়ে প্ৰতি আক্ৰমণ কৰি লক্ষ্যৰ সমান কৰাই নহয়, লক্ষ্যতকৈও আগবাঢ়ি যায়। অতি সোনকালেই লি জি জিয়াই ১১-৮ স্ক’ৰত আগবাঢ়ি যায়। লক্ষ্য সেনে ৩ পইণ্ট পিছ পৰি পুনৰ উভতি আহি ১২-১২ স্ক’ৰত অগ্ৰগতি লাভ কৰে। কিন্তু লি জিয়াৰ এইবাৰ বেলেগ মেজাজ আছিল। পৰাজয় মানি ল’বলৈ সাজু হোৱা যেন নালাগিল আৰু পুনৰবাৰ ১৫-১৩ স্ক’ৰত অগ্ৰগতি লাভ কৰে। অৱশেষত লি জিয়াই ২১-১৬ স্ক’ৰত জয়লাভ কৰে। তৃতীয়খন খেলত জিয়াই সুযোগ নিদিলে তৃতীয়খন খেলত লি জি জিয়াক আৰম্ভণিতকৈ ভাল দেখা গৈছিল। প্ৰথম দুটা পইণ্ট লাভ কৰি শেষলৈকে অগ্ৰগতি বজাই ৰাখিছে সপ্তম ছিড লি জি জিয়াই। অৱশেষত তৃতীয়খন খেলত ২১-১১ গ’লত জয়লাভ কৰি মেচখনৰ লগতে ব্ৰঞ্জৰ পদক লাভ কৰে। এইখন আছিল মালয়েছিয়াৰ লি জি জিয়া আৰু লক্ষ্য সেনৰ মাজত ষষ্ঠখন মেচ। লক্ষ্যই প্ৰথম ৫ খন মেচৰ ভিতৰত ৪ খনত জয়লাভ কৰিছিল যদিও এইবাৰ জয় লি জি জিয়াৰ নামত। লক্ষ্য সেনৰ হাতত আঘাত প্ৰথমখন খেলৰ সময়ত সোঁহাতত আঘাতপ্ৰাপ্ত হয় লক্ষ্য সেন। এবাৰ তেওঁৰ হাতৰ পৰা তেজ টোপাল টোপালকৈ ওলোৱাও দেখা গৈছিল। প্ৰথমে বেণ্ডেজ লগাই খেলি থাকিল। কিন্তু দ্বিতীয়খন খেলত তেওঁ মেডিকেল ব্ৰেক লৈ হাতত বেণ্ডেজ লগোৱা অৱস্থাত দেখা যায়। অৱশ্যে মেডিকেল ব্ৰেকৰ পিছতো তেওঁ খেললৈ ঘূৰি আহিব নোৱাৰিলে। লক্ষ্যই পৰৱৰ্তী স্বৰ্ণ লাভ কৰিব পাৰে পেৰিছ অলিম্পিকত লক্ষ্য সেনে সামগ্ৰিকভাৱে ভাল প্ৰদৰ্শন আগবঢ়াযই আছে। ছেমি ফাইনেলত পৰাস্ত হোৱাৰ পূৰ্বে তেওঁ প্ৰাক্তন এক নম্বৰ আৰু বিশ্ব চেম্পিয়ন ভিক্টৰ এক্সেলছনৰ বিৰুদ্ধে দুয়োখন খেলতে নেতৃত্ব দিছিল। অৱশ্যে মেচখনত জয়ী হ’ব নোৱাৰিলে। খেলখনৰ অন্তত টকিঅ’ অলিম্পিকৰ চেম্পিয়ন ভিক্টৰ এক্সেলছেনে কৈছিল যে লক্ষ্য সেন এগৰাকী উৎকৃষ্ট খেলুৱৈ আৰু পৰৱৰ্তী অলিম্পিকত স্বৰ্ণ পদক লাভ কৰিব পাৰে। None
What’s New
Spotlight
Advertisement
Featured News
Latest From This Week
Popular News
