NEWS
টীম ইণ্ডিয়ালৈ তেওঁৰ উভতি অহাটো কাৰ্যতঃ অসম্ভৱ। হয়তো ভাৰতৰ হৈ টেষ্ট, এদিনীয়া আৰু টি-২০ত তেওঁক দেখা নাযাব! এসময়ৰ ভাৰতীয় দলৰ ষ্টাৰ খেলুৱৈক প্ৰথমে টেষ্ট দলৰ পৰা বাদ দিয়া হৈছিল, তাৰ পিছত টি-২০ দলৰ পৰা আৰু পিছলৈ এদিনীয়া দলৰ পৰাও বাদ দিয়া হৈছিল। এনে পৰিস্থিতিত ভাৰতীয় দলৰ এইগৰাকী খেলুৱৈৰ আন্তঃৰাষ্ট্ৰীয় কেৰিয়াৰ শেষ হোৱা বুলি ধৰা হৈছে। ক্ৰিকেটাৰগৰাকী হৈছে ভুৱনেশ্বৰ কুমাৰ। টীম ইণ্ডিয়াৰ কিংবদন্তি পেচাৰ ভুৱনেশ্বৰ কুমাৰৰ কেৰিয়াৰ শেষ হোৱা বুলি ধৰা হৈছে। ভুৱনেশ্বৰ কুমাৰৰ বাবে এতিয়া একমাত্ৰ বিকল্প হ’ল অৱসৰ। ভুৱনেশ্বৰ কুমাৰে দক্ষিণ আফ্ৰিকাৰ বিৰুদ্ধে ২০২২ চনৰ ২১ জানুৱাৰীত টিম ইণ্ডিয়াৰ হৈ শেষ এদিনীয়া খেল খেলিছিল। লগতে ভুৱনেশ্বৰ কুমাৰে ২০২২ চনৰ ২২ নৱেম্বৰত নিউজীলেণ্ডৰ বিৰুদ্ধে টীম ইণ্ডিয়াৰ হৈ অন্তিমখন টি-২০ মেচ খেলিছিল। ২০১৮ চনত দক্ষিণ আফ্ৰিকাৰ বিৰুদ্ধে জোহান্সবাৰ্গ টেষ্ট মেচত দুদান্ত প্ৰদৰ্শনৰ বাবে ভুৱনেশ্বৰ কুমাৰে ‘মেন অৱ দ্য মেচ’ৰ সন্মান লাভ কৰিছিল। টেষ্ট মেচখনত ভুৱনেশ্বৰ কুমাৰে জোহান্সবাৰ্গত দক্ষিণ আফ্ৰিকাৰ বিৰুদ্ধে ৬৩ ৰাণ সংগ্ৰহ কৰিছিল। লগতে ৪টা উইকেট দখল কৰে। কিন্তু তাৰ পিছত ভুৱিৰ টেষ্ট কেৰিয়াৰ প্ৰায় শেষ হৈ গৈছিল। ইয়াৰ পিছৰে পৰা ভুৱনেশ্বৰ কুমাৰে ভাৰতীয় টেষ্ট দলত সুযোগ নাপালে। এসময়ত টেষ্ট ক্ৰিকেটত টীম ইণ্ডিয়াৰ আটাইতকৈ ডাঙৰ শক্তি আছিল ভুৱনেশ্বৰ কুমাৰ। বলৰ স্কুয়িং শৈলীয়ে ভুৱনেশ্বৰ কুমাৰক আন বলাৰতকৈ পৃথক কৰি তুলিছিল। বলিঙৰ ওপৰিও বেটৰ সৈতেও ভাল প্ৰদৰ্শন আছিল ভুৱনেশ্বৰ কুমাৰৰ। দলটোক প্ৰয়োজনৰ সময়ত কঠিন পৰিস্থিতিৰ ৰাণো কৰিছিল ভুৱনেশ্বৰ কুমাৰে। এতিয়া মহম্মদ ছিৰাজ, জশপ্ৰীত বুমৰাহ আৰু অৰ্শ্বদীপ সিঙৰ দৰে বেগী বলাৰসকলে টীম ইণ্ডিয়াত নিজৰ স্থান দখল কৰিছে। ইয়াৰ উপৰিও মহম্মদ ছামিও আছে। লগতে খলিল আহমেদ, আভেশ খান, মুকেশ কুমাৰৰ দৰে আদি বলাৰসমূহো ভাৰতীয় দলত আছে। এই বলাৰসকলৰ বাবেই এতিয়া ভুৱনেশ্বৰ কুমাৰৰ বাবে ভাৰতীয় দললৈ ঘূৰি অহাটো অসম্ভৱ। বৰ্তমান ভুৱনেশ্বৰ কুমাৰে আগৰ গতিৰে বল কৰিব নোৱাৰে। ২০২২ চনৰ টি-২০ বিশ্বকাপ আৰু এছিয়া কাপ ২০২২ত ভাৰতৰ পৰাজয়ৰ বাবে ভুৱনেশ্বৰ কুমাৰক অন্যতম কাৰণ বুলি ধৰা হৈছিল। None
What’s New
Spotlight
Advertisement
Featured News
Latest From This Week
Popular News
